Swahili Bible2

8

1KANDI MUKAMA yagambira 2Musa ati Baza na Aroni omugambire oti Obwarabakiriza etabaza, etabaza musanju zirayaka omu maiso gekikondo kyetabaza. 3Aroni yakora at; akabakiriza etabaza zakyo, zake omu maiso gekikondo kyetabaza, nka MUKAMA okuyaragire Musa. 4Kandi omulimo ogwekikondo kyetabaza gukaba guli guti: mulimo gwezabu ogwaheserwe; nkekyokuro’raho MUKAMA ekiyayorekere Musa, nukwo yakozire ati ekikondo kyetabaza.

5Kandi MUKAMA yagambira 6Musa ati Iha Abalevi omu bana ba Isareri, obasemezi. 7Kandi nukwo alibakora, okubasemeza: olibamisira amaizi agokulihi’ra, kandi bahikye orumwiso ha mibiri yabu yona, bogye nebyokujwara byabu, besemeze bonka. 8Nubwo balyekomeramu enimi ento, nekihongwa kyayo ekyebyokulya, ensano enungi egugirwe namagita, kandi alitwara nenimi endi ento okuba ekihongwa kyekibi. 9Kandi oliranga Abalevi omu maiso ga gehema yokutangatanganiramu: kandi olisoroza ekitebe kyona e kyabana ba Isareri: 10kandi oliranga Abalevi omu maiso ga MUKAMA: nabana ba Isareri balita engaro zabu ha Balevi: 11kandi Aroni alihonga Abalevi omu maiso ga MUKAMA okuba ekihongwa ekyokuhungyahungya, habwabana ba Isareri, baikalege abokuhereza MUKAMA. 12Kandi Abalevi balita engaro zabu ha mitwe yenimi: kandi iwe olihongaho emu okuba ekihongwa kyekibi, nendi okuba ekihongwa kyekibi, nendi okuba ekihongwa ekyokeze, hali MUKAMA, okulihi’ra Abalevi. 13Kandi olita Abalevi omu maiso ga Aroni, kandi omu maiso ga batabanibe, olibahonga hali MUKAMA okuba ekihongwa ekyokuhungyahungya. 14Nukwo olisorora oti Abalevi omu bana ba Isareri: kandi Abalevi baliba bange. 15Kandi hanyuma yebi Abalevi balitahamu okuhereza omu hema yokutangatanganiramu: kandi alibasemeza, kandi alibahonga okuba ekihongwa ekyokuhungyahungya. 16Baitu baherirweyo kimu nanberendi okuruga omu bana ba Isareri: omu kiikaro kya bona abaigura enda, niyo mizigaijo yabana ba Isareri, bona, nukwo mbatwaire nti namberendi. 17Baitu emizigaijo yona omu bana ba Isareri yange, rundi abantu, rundi ebisoro, ha kiro eki ekinatemiremu emizigaijo yona omu nsi ya Misiri, nubwo nagyereza habwange nyenka. 18Kandi ntwaire Abalevi omu kiikaro kyemizigaijo yona eyomu bana ba Isareri. 19Kandi mpaireyo Abalevi nkekisembo hali Aroni na batabanibe nimbaiha om bana ba Isareri, bakolege omulimo ogwabana ba Isareri omu hema yokutangatanganiramu, nokulihi’ra abana ba Isareri; hatabaho orufu omu bana ba Isareri, abana ba Isareri obuba’ra haihi harukwera. 20Nukwo Musa na Aroni nekitebe kyona ekyabana ba Isareri bakozire bati hali Abalevi: nka byona MUKAMA ebiyaragire Musa ha Balevi okubiri, nukwo abana ba Isareri babakozire bati. 21Kandi Abalevi bayesemeza bonka okweyihaho ekibi, bayogya ebyokujwara byabu; Aroni yabahonga okuba ekihongwa ekyokuhungyahungya omu maiso ga MUKAMA; Aroni yabalihi’ra okubasemeza. 22Kandi hanyuma yebi Abalevi batahamu okukora omulimo gwabu omu hema yokutangatanganiramu omu maiso ga Aroni, nomu maiso gabatabanibe: nka MUKAMA okuyaragire Musa ebya Abalevi, nukwo bakozire bati.

23Kandi MUKAMA yagambira 24Musa ati Binu nibyo Byabalevi: abahikize emyaka amakumi abiri mwetano nokukiraho baratahaga okuhereza omu mulimo ogwehema yokutangatanganiramu: 25kandi abahikize emyaka atano baralekaga okuhereza omu mulimo tibaligaruka okuhereza; 26baitu baraherezaga omu hema yokutangatanganiramu hamu nabagenzi babu, okukwataga ebiragirwa, kunu tibalikora omulimo. Nukwo olikora oti Abalevi omwebi ebibaragirwa.