Swahili Bible2

6

1KANDI MUKAMA akagambira 2Musa ati Gambira abana ba Isareri oti Omusaija wena rundi omukazi wena obwaliba nayeraga okweraga, okweraga Okwomunaziri, okwehongera wenka 3MUKAMA alyesorora hali amarwa agakenkere, nobukyakuba ekitamiza kyona ekikenkere, kunu atalinywa ha kyokunywa kyona ekyemizabibu, nobukwakuba okulya emizabibu emibisi nobwekuba eyomere. 4Ebiro byona ebyokwehongakwe atalirya ha kantu kona akaruga ha muzabibu, nobuzakuba ensigo nobukyakuaba ebisusu. 5Ebiro byona ebyokweragakwe okwokwehonga, orumwiso rwona rutalihika ha mutwegwe: okuhikya ebiro obuburikahiki’ra ebyayehongeramu hali MUKAMA, aliba arukwera, alireka ebiyondo biisokerye bimere. 6Ebiro byona ebyalyehongeramu hali MUKAMA atalii’ra haihi omutumbi. 7Atalyesisa habwa ise nobuhokuba habwe nyina nobuhakuba ha bwamugenziwe, nobuhokuba habwa munyanya obubafa: baitu okwehongakwe hali Ruhanga kuli ha mutwegwe. 8Ebiro byana ebyokwehongakwe nuwe arukwera hali MUKAMA. 9Kandi omuntu wena obwaliba nafa bwango ha rubajurwe, kandi uwe ayesiga omutwe ogwokwehongakwe; nubwo alyemwa omutwe gwe ha kiro ekyokusemezebwakwe, ha kiro kya musanju nuho alyemwera. 10Kandi ha kiro kya munana alireta enduka, ibiri, rundi amaiba amato abiri, hali nyakatagara, ha mulyango ogwehema yokutangatanganiramu: 11kandi nyakatagara alihongaho limu okuba ekihongwa ekyekibi, nerindi okuba ekihongwa ekyokeze, namulihi’ra, baitu akasisa habwomufu, kandi alyeza omutwegwe ha kiro eki. 12Kandi alihongera MUKAMA ebiro ebyokwehongakwe, kandi alireta entama empaya etakahikize omwaka gumu okuba ekihongwa kyomusango: baitu ebiro ebokubanza biriba bitarukugasa, baitu okwehongakwe kukasisikara.

13Kandi kinu nikyo kiragiro ekya Omunaziri, ebiro ebyokwehongakwe obubirihiki’ra: aliretwa omu mulyango ogwehema yokutangatanganiramu: 14kandi alihonga ekisembokye hali MUKAMA, entama empaya emu etakahikize omwaka gumu etaloho kamogo okuba ekihongwa ekyokeze, nentama ebuguma emu etakahikize omwaka gumu etaloho kamogo okuba ekihongwa kyekibi, nembuzi empaya emu etaloho kamogo okuba ebihongwa 15byobusinge, nekiibo ekyemigati etatumbisibwe, emigati eyensano enungi etugirwe namagita, necupati ezitatumbisibwe ezisigirwe namagita, nebihongwa kyabyo ekyebyokulya, nebihongwa byabyo ebyokunywa. 16Kandi nyakatagara alibihayo omu maiso ga MUKAMA, kandi alihonga ekihongwakye ekyebibi, nekihongwakye ekyokeze: 17kandi alihonga embuzi empaya okuba ebihongwa, byobusinge hali MUKAMA, kandi alihonga ekihongwa ekyekibi, hamu nekiibo ekyemigati atatumbisibwe: nyakatagara alihonga nekihongwa kyayo ekyebyokulya, nekihongwa kyayo ekyokunywa. 18Kandi Omunaziri alyemwa omutwe ogwekwehongakwe ha mulyango ogwehema yokutangatanganiramu, kandi alikoma isoke eryaha mutwe gwokwesororokanakwe, nalita ha mu’ro oguli hansi yekyonzira ekyebihongwa byobusinge. 19Knadi nyakatagara aliiha omukono ogwembuzi empaya ogucumbire, nomugati gumu ogutatumbisibwe omu kiibo, necupati emu etatumbisibwe, kandi alibita ha ngaro Zomunaziri, obwalikamara okwemwa omutwe gwokwehongakwe: 20kandi nyakatagara alibihungyahungya omu maiso ga MUKAMA okuba ekihongwa ekyokuhungyahungya: nibyo birukwera habwa nyakatagara, hamu nembanda eyokuhungyahungya nekirumbu ekyokuhimba: kandi ebi bihoireho Omunaziri alisobora okunywa amarwa. 21Eki nikyo kiragiro Ekyomunaziri anyakweraga, kandi ekyekisembokye hali MUKAMA habwokwehongakwe, okutabara eki ekyasobora okutunga: nkokweragakwe okukuli okwayeraga, nukwo kimuhikirire kiti okukora nkekiragiro ekyokwehongakwe okukiri.

22Kandi MUKAMA akagambira 23Musa ati Gambira Aroni na batabanibe oti Nukwo murasabiraga omugisa abana ba Isareri muti: murabagambiraga muti.

24MUKAMA akuhe omugisa, akulinde:

25MUKAMA akwakize amaisoge, akugi’re embabazi:

26MUKAMA akuimukizeho amaisoge, akuhe obusinge.

27Nukwo barataga bati ibara lyange ha bana ba Isareri; nanyowe ndabahaga omugisa.