Swahili Bible2

5

1KANDI MUKAMA akagambira 2Musa ati Ragira abana ba Isareri babingege omu rukande omugenge wena, kandi omuntu wena anyakurugwamu ebi, kandi omuntu wena atasemire habwabafu: 3abasaija na bakazi murababingaga, aheru yorukande nuho murababingiraga: baleke okusisa orukande rwowabu nambere ndukuikara hagati yarwo. 4Abana ba Isareri bakora bati, babingira aheru yorukande: nka MUKAMA okuyagambire Musa, nukwo abana ba Isareri bakozire bati.

5MUKAMA yagambira Musa ati 6Gambira abana ba Isareri oti Omusaija wena rundi omukazi wena, obwaliba nakora ekibi kyona abantu ekibakora, okusisira MUKAMA, kandi 7omuntu ogu agwerirwe omusango; nubwo baligamba ekibi kyabu ekibaliba bakozire: kandi alirihira kimu habwomusangogwe, kandi alyongeraho ekicweka, ekyatano kandi alihika ogu owaliba asisire. 8Baitu omuntu oli obwaliba atanyina bene babu abasobora okulihirwa habwomusango ogu, okuliha okwalirihira MUKAMA kuliba kwa nyakatagara; okutabara ha mpaya eyokulihira, erimuli’hira. 9Kandi ekihongwa kyona ekyokuhimbwa omu bintu byona ebirukwera ebyabana ba Isareri, ebibahongera nyakatagara, kiriba kye wenka. 10Kandi ebintu ebisoroirwe ebyomuntu wena biriba bye wenka: ekintu kyona kyona omuntu wena ekyaliha nyakatagara, kiriba kye wenka.

11Kandi MUKAMA akagambira 12Musa ati Gambira abana ba Isareri oti Omukazi womusaija wena obwaliba nahaba namusisira, 13kandi omusaija ondi abyama nauwe, kandi nikiserekwa hali amaiso ga iba, nikiba kyensita, kandi omukazi nasisikara, kunu busaho kaiso okumugambaho, kunu tasangirwe nasisa: 14kandi omwoyo gwihali nugukwata iba, nakwatirwa ihali mukaziwe, ogu asisikaire: rundi omutima ogwihali obuguliba nugumukwata, uwe nakwatirwa ihali mukaziwe ogu atasisikaire: 15nubwo omusaija alireta mukaziwe hali nyakatagara, kandi alireta habwe ekisembokye, ekicweka kya ikumi ekya efa yensano yasairi, ataligisesaho amagita, kunu ataligitaho enkwasi; baitu nikyo kihongwa kyebyokulya ekya ihali, ekihongwa kyebyokulya ekyokuijukyaga, nikiibijukya oktahiki’ra. 16Kandi nyakatagara alimuririza haihi, namutaho omu maiso ga MUKAMA: 17kandi nyakatagara alitwara amaizi agarukwera omu kibindi kiibumba kandi nyakatagara alikoma ha cucu eri hansi yehema nagita omu maizi: 18kandi nyakatagara alitaho omukazi omu maiso ga MUKAMA, nasumu’ra isoke erya ha mutwegwe, nata omu ngaroze ekihongwa kyebyokulya ekyokuijukya, baitu nikyo kihongwa kyebyokulya ekya ihali: kandi nyakatagara alikwata omu ngaroze amaizi gokusa’ra agaukureta omukyeno: 19kandi nyakatagara alimurahiza, kandi aligambira omukazi ati Omusaija wena wena nomu obwaraba atabyamire naiwe, kandi obworaba otahabire nokora ekitasemere, obworukulemwa baro, orakira amaizi ganu agokusa’ra agarukuleta omukyeno: 20baitu obworaba ohambire, obworukulemwa baro, kandi osisikaire, kandi omusaija ondi abyamire naiwe atali baro; 21nubwo nyakatagara alirahiza omukazi ekirahiro ekyomukyeno, kandi nyakatagara aligambira omukazi ati MUKAMA akufole omukyenwa kandi ekirahiro omu Bantu bowanyu, MUKAMA obwalijunza ekibero kyawe nazimbya enda yawe; 22kandi amaizi ganu agarukuleta omukyeno galitaha omu mara gawe, kandi galizimbya enda yawe, kandi omukazi aligamba ati Amina, amina. 23Kandi nyakatagara alihandika ebigambo binu ebyokukyena omu kitabu, nabyogesa amaizi agokusa’ra: kandi alinywisa omukazi amaizi agokusa’ra: 24kandi anlinywisa omukazi amaizi agokusa’ra agarukuleta omukyeno: kandi amaizi agarukuleta omukyeno galimutaha nigasa’ra. 25Kandi nyakatagara aliiha ekihongwa kyebyokulya omu Mukono gwomukazi kandi alihungyahungya ekihongwa kyebyokulya omu maiso ga MUKAMA, nakireta hali ekyoto 26kandi nyakatagara aliyora ekihi ekyekihongwa kyebyokulya okuba, ekiijukyo kyakyo nakyokya ha kyot0, kandi hanyuma alinywisa omukazi amaizi ago. 27Kandi obwalikamara okumunywisa amaizi, nubwo kirihika, obwaliba asisikaire, kandi asisire iba, amazi agarukuleta omukyeno galimutahamu nigasa’ra, nendaye erizimba, nekiberokye kirijunda; omukazi alikyenwa omu Bantu bowabu. 28Kandi omukazi obwaliba atasisikaire, baitu asemire, nubwo aliba nobugabe kandi alizara abana. 29Kinu nikyo kiragiro kiihali, omukazi arukulemwa iba obwaliba nahaba nasisikara, 30rundi omutima gwihali obugulikwata omusaija, kandi nakwatirwa ihali omukaziwe: nubwo alitaho omukazi omu maiso ga MUKAMA, kandi nyakatagara alimuhikirizaho ekiragiro eki kyona. 31Kandi omusaija alikira omusango, baitu omukazi ogu alibaho omusangogwe.