Swahili Bible2

4

1KANDI MUKAMA yagambira 2Musa na Aroni ati Mubale omuhendo gwa batabani ba Kohasi omu batabani ba Levi nkebitabu byona okubiri, nkenju zabaisebo okuziri, 3abahikize emyaka amakumi asatu nokukiraho, kandi nokuhikya emyaka amakumi atano, bona abataha omu kuhereza oku, okukora omulimo gwomu hema yokutangatanganiramu. 4Gunu nugwo mulimo ogwa batabani ba Kohasi omu hema yokutangatanganiramu, omu bintu ebirikukira okwera: 5abomu rukande obubaraimukyaga orugendo, Aroni aratahamuga na batabanibe,kandi baraihayoga orugoye orwenyigamo, baruskweke esanduko eyobwakaiso: 6kandi balitaho ekyokusweka ekyekisato Kyengonge, kandi ha ruguru yayo balitaho orugoye orwa bu’ru, kandi balitamu emigamba yayo. 7Kandi ha meza eyemigati eyokwoleka balitaho orugoye orwa bu’ru kandi balitaho esahani, nebigiko, nebindi, nebikopo ebyokuitu’ra: kandi emigati eyobutosa eribaho: 8kandi balibitaho orugoye orukutukura, kandi balisweka nekisweko kyekisato kyengonge, kandi balitamu emigamba yayo. 9Kandi balitwara orugoye orwa bu’ru basweke ekikondo kyetabaza netabaza zakyo, noruhana rwakyo, nesahani zakyo ezorutambi orusisire, nebitutu byakyo byona ebyamagita ebibakoza okukihereza: 10kandi balikita hamu nebintu byakyo byona omunda yekisweko kyekisato kyengonge, kandi balikita ha muti. 11Kandi ha Kyoto ekyezabu balitaho orugoye orwa bu’ru balikisweka nekisweko kyekisato kyengonge, kandi balitamu emigamba yakyo: 12Kandi balitwara ebintu byona ebyokuhereza ababikoza okuhereza harukwera, balibita omu rugoye orwa bu’ru, nibabisweka nekisweko ekyekisato kyengonge kandi balikita ha muti. 13Kandi baliiha iju ha Kyoto, kandi balitaho orugoye orurukugajuka: 14kandi balitaho ebintu byakyo byona ebibakoza okuhereza, enguhyo, nengago zenyama, nebigiko, nebakuli, ebintu byona ebyekyoto; kandi balikitaho ekisweko ekyekisato kyengonge, kandi balitamu emigamba yayo. 15Kandi Aroni na batabanibe obubalikumara okusweka harukwera nebintu byona byamu, nkaborukande okubaliimukya orugendo; nubwo batabani ba Kohasi balirugayo nibaija okubihimba: baitu batalikora ha bintu bya harukwera batafa. Ebintu ebi nugwo mulimo gwa batabani ba Kohasi omu hema yokutangatanganiramu. 16Kandi omulimo gwa Eryeza mutabani wa Aroni nyakatagara ogwaliragirwa nigo magita agaka, nemyami’ro erukoboya, nekihongwa kyebyokulya ekyobutosa, namagita agokusesaho, okulinda ehema yona na byona ebirumu, haurukwera nebintu byona byamu.

17Kandi MUKAMA yagambira 18Musa na Aroni ati Oruganda orwebitabu Byabakohasi mutalirusara ha Balevi: 19baitu nukwo mulibakora muti baleke okufa, obubalii’ra ha bintu ebirukwera muno: Aroni na batabanibe balitahamu balibaragi’ra omu omu omulimogwe kandi enketoye. 20Baitu batalibamu okurora harukwera na kake baleke okufa.

21Kandi MUKAMA yagambira 22Musa ati Bara omuhendo ogwabana ba Geresoni nkenju za baisebo okuziri, nkebitabu byabu okubiri; 23abahikize emyaka amakumi asatu nokukiraho, kandi nokuhikya emyaka atano, nibo olibara; bona abatahamu okuhereza nokukora omulimo omu hema yokutangatanganiramu. 24Kunu nukwo kuhereza okwebitabu Byabageresoni; okuhereza nokuhimba ebintu: 25barahimbaga enyigamo ezehema, nehema yokutangatanganiramu, nekisweko kyayo, nekisweko ekyekisato kyengonge ekiroho eruguru, nenyigamo eyomulyango gwehema yokutangatanganiramu; 26kandi engoye ezezigati nenyigamo eyomulyango gwirembo lyezigati, eriri haihi nehema kandi haihi nekyoto ha mbaju zona, nemiguha yazo, nebintu byona ebyomulimo gwazo, nomulimo gwona ogubarikoraga, nibyo barakoraga nibahereza. 27Aroni na batabanibe nibo bararagiraga okuhereza kwona okwa batabani ba Geresoni, omu kuhimba kwabu omu kuhereza kwabu: kandi ninywe murabaragiraga okuhimba kwabu kwona. 28Oku nukwo kuhereza okwebitabu byabatabani Babageresoni omu hema yokutangatanganiramu: kandi okuragirwa bararagirwa Itama mutabani wa Aroni nyakatagara.

29Ebya batabani ba Merali, olibabara nkebitabu byabu okubiri, nkenju zabaisebo okuziri; 30abahikize emyaka amakumi asatu nokukiraho, nokuhikya emyaka atano, nibo olibara, omuntu wena arukutaha omu kuhereza okukora omulimo ogwehema yokutangatanganiramu. 31Kandi kinu nikyo kiragiro ekyokuhimba kwabu, nkokuhereza kwabu kwona okukuli omu hema yokutangatanganiramu; embaho ezehema nemigamba yayo, nenyomyo zayo, nebina byazo; 32nenyomyo ezezigati ha mbaju zona, nemiguha yazo, nenkondo zazo, nemiguha yazo, hamu nebintu byazo byona, kandi hamu nokuhereza kwazo kwona: kandi murabagabiraga nkamabara gabu okugali ebintu ebibaragirwaga okuhimba. 33Oku nukwo kuhereza okwebitabu byabatabani ba Merali, nkokuhereza kwabu kwona okukuli omu hema yokutangatanganiramu, omu Mukono gwa Itama mutabani wa Aroni nyakatagara.

34Kandi Musa na Aroni nabakuru babokuso’rokana bakabara abana Babakohasi nkebitabu byabu okubiri, kandi nkenju zabaisebo okuziri, 35abahikize emyaka amakumi asatu nokukiraho nokuhikya emyaka atano, omuntu wena ayatahire omu kuhereza okwo okuko’ra omulimo omu hema yokutangatanganiramu: 36nabo ababazirwe omulibo nkebitabu byabu okubiri bahika enkumi ibiri mu rusanju mwatano. 37Nibo babazirwe omu bitabu Byabakohasi, bona abaherezaga omu hema yokutangatanganiramu, Musa na Aroni ababazire nkekiragiro kya MUKAMA okukiri habwomukono gwa Musa.

38Kandi abo ababazirwe omu bana ba Geresoni, nkebitabu byabu okubiri, kandi nkenju za baisebo okuziri, 39abahikize emyaka amakumi asatu nokukiraho nokuhikya emyaka atano, omuntu wena ayatahire omu kuhereza oku okukora omilimo omu hema yokutangatanganiramu, 40abo ababazirwe omulibo, nkebitabu byabu okubiri, bahika enkumi ibiri mu rukaga mwasatu. 41Nibo babazirwe obomu bitabu byabana ba Geresoni, bona abaherezaga omu hema yokutangatanganiramu, Musa na Aroni abababazire, nkekiragiro kya MUKAMA okukiri.

42Kandi abo ababazirwe omu bitabu byabana ba Merali, nkebitabu byabu okubiri, nkenju zabaisebo 43okuziri, abahikize emyaka amakumi asatu nokukiraho nokuhikya emyaka etano, omuntu wena ayatahire omu kuhereza oku okukora omulimo omu hema yokutangatanganiramu, 44abo ababazirwe omulibo nkebitabu byabu okubiri bahika enkumi isatu mu bibiri. 45Nibo babazirwe omu bitabu byabana ba Merali, Musa na Aroni abababazire, nkekiragiro kya MUKAMA okukiri habwomukono gwa Musa.

46Abo bona abomu Balevi ababazirwe, Musa na Aroni nabakuru ba Isareri ababazirwe, nkebitabu byabu okubiri, kandi nkenju za 47baisebo okuziri, abahikize emyaka amakumi asatu nokukiraho nokuhikya emyaka atano, nokuhikya atano, omu mulingo gwokuhereza, nomulimo gwokuhimba ebintu omu hema yokutangatanganiramu, 48abo ababazirwe omulibo bahika kanana mu bikumi bitano mu kinana. 49Nkekiragiro kya MUKAMA okukiri bakabarwa habwomukono gwa Musa, omuntu wena nkokuherezakwe okukuli, kandi nkomumulimogwe ogwokuhimba okuguli: nukwo yabazire ati uwe, nka MUKAMA okuyaragire Musa.