Swahili Bible2

35

1KANDI MUKAMA yagambira Musa omu byeya bya Moabu haihi na Yorudani Yeriko nagamba ati 2Ragira abana ba Isareri, bahe Abalevi embuga ezokuikaramuga nibaziiha ha bugwetwa obwobutaka bwabu; na malisizo habwembuga embaju zona muliziha Abalevi. 3Kandi baliba nembuga baziikalemuga; namalisizo gazo galiba habwente zabu, kandi habwebintu byabu, kandi habwebisoro byabu byona. 4Namalisizo agembuga, agamuliha Abalevi galigaliha okuruga ha muhuruzi yorubuga mikono rukumi kandi nokwehinguliriza. 5Kandi mulirenga aheru yorubuga ha rubaju rwoburugaizoba mikono enkumi ibiri, kandi habwobukizi bwobulyo mikono enkumi ibiri, kandi habworubaju orwobugaizoba mikono enkumi ibiri, kandi habworubaju rwobukizi bwemoso mikon enkumi ibiri, norubuga ruli hagati. Nigo galiba namberebali amalisizo agembuga. 6Nembuga ezimuliha Abalevi, ziriba embuga mukaga ezokuirukiramu, ezimuliha habwomuisi womuntu airukireyo: kandi ezi ziroho muliba nembuga amakumi ana na ibiri. 7Embuga zona ezimuliha Abalevi ziriba embuga ana mu munana; nizo muliha hamu namalisizo gazo. 8Kandi embuga ezimuliha nimuziiha ha bugwetwa bwabana ba Isareri; kandi ha bake muliiha enke: omuntu wena nkobugwetwabwe obwagwetwa okubuli, nukwo aliiha ati ha mbugaze okuha Abalevi.

9Kandi MUKAMA yagambira 10Musa ati Baza nabana ba Isareri obagambire oti Obumulyambuka Yorudani nimutaha omu nsi ya Kanani, 11nubwo mulyetaraho mbuga okuba embuga ezokuirukiramu nambere muli; omuisi aliita omuntu wena atagenderire airukireyo. 12Kandi embuga ziriba omuhozi wenzigu omuisi womuntu aleke okuga okuhikya obwalyeme’ra omu maiso gekitebe okucwera omusango. 13Kandi embuga ezimuliha ziriba nambere muli mbuga mukaga ezokuirukiramu. 14Muliha embuga isatu enseri ya Yorudani, nembuga isatu muliziha omu nis ya Kanani; ziribaga embuga ezokuirukiramu. 15Habwabana ba Isareri, kandi habwomunyaihanga, kandi habwomugonyi omulibo, embuga ezi mukaga zirabaga zokuirukiramu: omuntu wena aliita omuntu agagenderire airukireyo. 16Baitu obwaliba amutire nekintu kyekyoma nokufa nafa, buli ali omunisi; mazimakwo omuisi aliitwa. 17Kandi obwaliba amutire nibale liri omu mukonogwe, erisobora okuita omuntu nokufa nafa, nuwe muisi; mazimakwo omulisi aliitwa. 18Rundi obwaliba amutire nekintu kyomuti kiri omu mukonogwe, ekisobora okuita omuntu, nokufa nafa, nuwe muisi: mazimakwo omuisi aliitwa. 19Omuhozi wenzigu nuwe aliita omuisi wenka: obwalimuitiraranaalimuita. 20Kandi obwaliba amucumisirie habwokunoba, rundi amunagire, namugwera, nokufa nafa; 21rundi habwobunyanzigwa namutera nokumkonogwe, nokufa nafa: mazimakwo ogu amutire aliitwa; nuwe muisi womuntu: omuhozi wenzigu aliita omuisi obwalimuitirana. 22Baitu obwaliba namucumita bwango hatali bunyanzigwa, rundi namunagira ekintu atamugwerire, 23rundi nibale erisobora okuita omuntu, atarukumurora, kandi nakimugaira, nokufa nafa, kunu tali munyanzigwawe, kunu taseruire okumukora kubi: 24nubwo ekitebe balibwa omusango ogwomutezi nomuhozi wenzigu nkebigambo binu okubiri; 25Kandi ekitebe balijuna omuisi omu mukono gwomuhozi wenzigu, kandi ekitebe balmuga’rayo omu rubugarwe orwokuikaramu, nambere yairukire: kandi aliikarayo okuhikya ha kufa kwa nyakatagara omukuru wabu, ayayeserweho amagaita agarukwera. 26Baitu omuisi obwalihunguraho bwona omutano ogworugarwe orwokuikaram; 27kandi omuhozi wenzigu alimusanga aheru yorubugarwe orwokuikaramu, kandi omuhozi wenzigu naita omuisi: taligwerwa omusango gwesagama: 28baitu kikaba kimuhikirire okuikaramu okuhikya ha kufa kwa nyakatagara omukuru wabu, omuisi aligaruka omu nsi eyobutakabwe. 29Kandi ebigambo ebi birabaga namberemuli nkekiragiro ekyemisango, okuhikya ebuijukuru bwanyu omu nju zanyuu zona. 30Omuntu wena aliita omuntu, omuisi aliitwa habwokugamba kwabakaiso: baitu kaiso omu talireta ebingabmo ha muntu wena okumuisa. 31Kandi timuliikiriza ebintu ebyokucungura obwomezi obwomuisi, agwerirwe omusango gwokufa: baitu mazimakwo aliitwa. 32Kunu mutaliikiriza ebintu ebykucungura ogu airukire omu rubugarwe orwokuikiramu, agaruka okuikar omu nsi, okuhikya okufa kwa nyakatagara. 33Nukwo mutalisisa ensi namberemuli: baitu esagama esisa ensi: kandi tikirisoboka okulihi’ra ensi habwesagama erukuseswamu, rundi nesagama yogu ayagiseserere. 34Kandi mutalisa ensi eyimuikaramu, eyindukuikara hagati yayo: baitu nyowe MUKAMA ninyikara hagati yabana ba Isareri.