Swahili Bible2

34

1KANDI MUKAMA akagambira 2Musa ati Ragira abana ba Isareri obagambire oti Obumulitaha omu nsi ya Kanani (egi niyo ensi eribagwera okuba obugwetwa, ensi ya Kanani), 3orubaju rwanyu orwobukizi bwobulyo ruliba okuruga irungu lya Zin, ha rubaju rwa Edomu, nomutano gwanyu ogwobulyo guliba okuraga ha mpero Yenyanja Yesisura buragaizoba: 4nomutano gwanyu gulihinduka okugenda ha bukizi bwobulyo, orubaju orwentembeko eya Akurabimu orwobukizi bwobulyo, guliraba gulihika Zini: kandi guligarukira ha rubaju rwa Kadesi-baranea orwobukizi bwobulyo; kandi guliruga aho okuhika Azimoni: 5Kandi omutano gulihinduka okuruga Azimoni gulihika ha kyambu kya Misiri, kanid guligarukira ha nyanja. 6Kandi habwomutano gwobugwaizoba, muliba nenyanja enkoto nomutano gwayo: ogu guliba omutano gwanyu ogwobugaizoba. 7Kandi gunu guliba omutano gwanyu ogwobukizi bwemoso: okuruga ha nyanja enkoto, mulyesa’ra orusozi Horu: 8okuruga orusozi Horu mulyese’ra okuhikya nambere batahira Hamasi; kandi omutano guligarukira Zedadi: 9kandi omutano guliruga aho guligenda Zifuroni, kandi guligarukira Hazalenani: ogu guliba omutano gwanyu ogwobukizi bwemoso. 10Kandi mulisara omutano gwanyu ogwoburugaizoba okuraga Sefamu nugusirimukira Ribura, ha rubaju rw Aini orwoburugaizoba; 11kandi omutano gulisirimuka, gulihika ha Musa gwenyanja gwa Kineresi oburugaizoba: 12kandi omutano gulisirimuka Yorudani, kandi guligaruka ha Nyanja Yekisura: niyo eriba ensi yanyu nkemitano eyokwehinguliriza okweri. 13Musa yaragira abana ba Isarei yagamba ati Egi niyo ensi eyimuligwetwa habwokutoma, MUKAMA eyiyaragire okuha enganda mwenda nekicweka kyoruganda: 14baitu oruganda orwabana ba Reubeni nkenju zabaisebo okuziri, noruganda orwabana ba Gadi nkenju ezabaisebo okuziri, nekicweka ekyorugandarwa Manase; hakahabwa obugwetwa bwabu; 15enganda ibiri nekicweka kyoruganda bahabwa obugwetwa bwabu nseri ya Yorudani Yekriko burugaizoba, manbere izoba liruga.

16Kandi MUKAMA yagambira 17Musa ati Ganu nigo mabara gabasaija abalibaganira ensi okuba obugwetwa; Eryeza nyakatagara na Yosuha mutabani wa Nuni. 18Kandi mulikoma omukuru omu omu ruganda rwona, okubagana ensi okuba obugwetwa. 19Kandi ganu nigo mabara gabasaija abo; omu ruganda rwa Yuda, Kalebu mutabani wa Yefune. 20Kandi omu ruganda rwabana ba Simeoni, Semuweri mutabani wa Amihudi. 21Omu ruganda rwa Benyamini, Eridadi mutabani wa Kisironi. 22Kandi omu ruganda rwabana ba Yusufu: 23owomu ruganda rwabana ba Manase omukru, Haniyeri mutabani wa Efodi. 24Kandi owomu ruganda rwbana ba Eferaimu omukuru, Kamuweri mutabani wa Sifutani. 25Kandi omu rugana rwabana ba Zeburuni omukuru, Erizafani mutabani wa Paranaki. 26Kanid omu ruganda rwabana ba Isakara omukuru, Palityeri mutabani wa Azani. 27Kandi omu rugana rwabana ba Asere omukuru, Ahihudi mutabani wa Solomi. 28Kandi omu ruganda rwabana ba Nafutali omukuru, Padeheri mutabani wa Amihudi. 29Nibo MUKAMA abayaragire okubaganira obugwetwa abana ba Isareri omu nsi ya Kanani.