Swahili Bible2

33

1ZINU nizo engendo ezabana ba Isareri, obubarugireyo omu nsi ya Misiri namahe gabu nibalemwa omukono gwa Musa na Aroni. 2Musa yahandika okuimukya kwabu nkengendo zabu okuzikaba ziri habwekiragiro kya MUKAMA: kandi zinu nizo ngendo zabu nkokuimukya kwabu okukaba kuli. 3Baimukya orugendo okuruga Ramesesi omu kwezi kwokubanza, ha kiro kya ikumi na bitano ekyokwezi kwokubanza: ha kiro ekyakuratire okuhingurwaho, abana ba Isareri bakarugayo nomukono gwamani, Abamisiri bona nibarora, 4kandi Abamisiri nibzika emizigaijo yabu yona,MUKAMA eyiyatemere omulibo: kandi nabacwezi babu MUKAMA akabacwera emisango. 5Kandi abana ba Isareri baimukya, orugendo okuruga Ramesesi, batema enkande omu Sukosi. 6Baimukya okuruga Sukosi, batema enkande omu Esamu eri ha mutano gwirungu. 7Baimukya okuruga Esamu, bahinduka bagaruka Pihahirosi, erolerire Baali-zefoni: batema enkande omu maiso ga Migidoli. 8Baimukya okuruga omu maiso ga Hahirosi, baraba hagati yenyanja bataho omu irungi: bagenda orugendo orwebiro bisatu omu irungu lya Esamu, batema enkande omu Mara. 9Baimukya okuruga Mara, baija Erimu: kandi omu Erimu hakaba harumu ensoro zamaizi ikumi na ibiri, nemikindo ensanju; nuho batemere enkande oku. 10Baimukya okuruga Erimu, batama enkande ha Nyanja Erukutukura. 11Baimukya okuruga ha Nyanja Erukutukura, batema enkande omu irungu lya Sinai. 12Baimukya okuruga omu irungu lya Sini, batema enkande omu Dofika. 13Baimukya okuruga Arusi, batema enkande omu Arusi. 14Baimukya okuruga Arusi, batema enkande omu Refidimu, nambere amaizi gabuzire abantu agokunywa. 15Baimukya okuruga Refidimu, batema enkande omu irungu lya Sinai. 16Baimukya okuruga omu irungu lya Sinai, batema enkande omu Kiburosi-hatava. 17Baimukya okuruga Kiburosi-hatava, batema enkande omu Hezerosi, batema enkande omu Hazerosi, 18Baimukya okuruga Risima, batema enkande omu Risima. 19Baimukya okuruga Risima, batema enkande omu Rimoni-Perezi. 20Baimukya okuruga Rimoni-perezi, batema enkande omu Libuna. 21Baimukya okuruga Libuna, batema enkande omu Lisaha. 22Baimukya okuruga Lisaha, batema enkande omu Keherasa. 23Baimukya okuruga Keherasa, batema enkande omu rosuzi Sefere. 24Baimukya okurga ha rusozi Sefere, batema enkande omu Harada. 25Baimukya okuruga Harada, batema enkande omu Makiherosi. 26Baimukya okuruga Makiherosi, batema enkande omu Tahasi. 27Baiukya okuruga Tahasi, batema enkande omu Tera. 28Baimukya okuruga Tera, batema enkande omu Misika. 29Baimukya okuruga Misika, batema enknade omu Hasimona. 30Baimukya okuruga Hasimona, batema enkadne omu Meserosi. 31Baimukya okuruga Moserosi, batema enkande omu Bene-vakani. 32Baimukya okuruga Bene-yakani, batema enkande omu Horu-hagidigadi. 33Baimukya okuruga Horu-hagidigadi, batema enkande omu Yotibasa. 34Baimukya okuruga Yotibasa, batema orukande omu Aburona, batema enaknde omu Aburona. 35Baimukya okuruga Abaroni, batema enkande omu Ezionigebere. 36Baimukya okuruga Ezioni-gebere, batema enkande omu irungu lya Zini (niyo Kadesi). 37Baimukya okuruga Kadesi, batema enkande omu rosozi Horu, ha mutano gwensi ya Edomu. 38Aroni nkyakatagara yatemba orusozi Horu habwekiragiro kya MUKAMA, yaferayo, omu mwaka gwamakumi ana abana ba Isareri barugire omu nsi ya Misiri, omu kwezi kwakatano, ha kiro kyokubanza kyokwezi. 39Kandi Aroni akaba ahikize emyaka kikumi mwabiri mwesatu, obuyaferire orusozi Horu. 40Kandi Omukanaani omukama wa Aradi, ayaikaraga Bukizi Bwobulyo omu nsi ya Kanani, akahu’ra ha juika kwabana ba Isareri. 41Baimukya okuruga orusozi Horu, batema enkande omu Zalimona. 42Bimukya okuruga Zalimona, batema enkande omu Punoni 43Baimukya okurga Punoni, batema enkande omu Obosi. 44Baimukya okurga Obosi, batema enkande omu Lye-abaimu, ha mutano gwa Moabu. 45Baimukya okuruga Lyamu, batema enkande omu Diboni-gadi. 46Baimukya okurga Diboni-gadi, batma enkande omu Alimoni-diburasaimu. 47Baimukya okurga Alimoni-diburasaimu, erolire Nebo. 48Baimukya okurga omu nsozi za Abalimu, batema enkande omu byeya Moabu haihi na Yorudani, Yeriko. 49Batema enkande ha Yorudani, okuruga Besi-yesimosi nokuhikya Aberi-sitimu omu byeya bya Moabu.

50Kandi MUKAMA yagambira Musa omu byeya bya Moabu 51haihi na Yorudani Yeriko at Baza nabana ba Isareri obagambire oti Obumulyambuka Yorudani nimutaha omu nsi ya Kanani, 52nubwo mulibinga omu maiso ganyu bona abomu nsi, mulihwerekereza amabale gabu gona agatirweho ebisisani, mulihwerekereza ebisisani byabu ebyagere byona, kandi mulimaraho ebiikaro byabu ebiraihire byona: 53Kandi mulirya ensi, muligiikaramu: baitu ninywe mpaire ensi, mugirye. 54Kandi muligwetwa ensi habwokutoma, nkebitabu byanyu okubiri; abaingi mulibaha obugwetwa obwingi, nabake mulibaha obugwetwa obuke: nambere mulitomera omuntu wena, nuho haliba obugwetwabwe; nkenganda ezabaisebo okuziri, nukwo muligwetwa muti. 55Baitu obumulyanga okubingamu abomu nsi omu maiso ganyu; abo abamulisiga halibo baliba nkebicumita omu maiso ganyu, kandi nkamahwa omu mbaju zanyu, kandi balibatuntuza omu nsi nambere muikaramu. 56Kandi kirihika ebi ebinatekerize okukora bo, nibyo ndikora inywe.