Swahili Bible2

31

1KANDI MUKAMA akagambira 2Musa ati enzigu ha Bamidiani: hanyuma alisorozebwa ha bantu bowanyu. 3Musa yagambir abantu ati Mukome abantu omulinywe, mubahe ebyokurwanisa, baramagire Midiani, bahole enzigu eza MUKAMA ha Midiani. 4Omu ruganda orumu rukumi, omu ruganda orumu rukumi, okuhikya enganda zona eza Isareri nibo mulituma okurwana. 5Nukwo baleta nibaiha omu nkumi eza Isareri, orukumi rumu omu ruganda rumu, kakumi mwenkumi ibiri abanyina ebyokurwanisa. 6Musa yabatuma, orukumi rumu omu ruganda rwona, bagende okurwana, bo na Fenehasi, mutabani wa Eryeza nkakatagara, bagenda okurwana, nebintu ebya harukwera engwara ezokurahya omu mukonogwe. 7Barwana na Midiani nka MUKAMA okuyaragire Musa: baita abasaija bona. 8Kandi baita abakama ba Midiani hamu nabandi abaisirwe’ Evi, na Rekemu, na Zura, na Hura, na Reba, abakama batano aba Midiani: kandi na Baramu mutabani wa Beora bakamuita na busitama. 9Kandi abana ba Isareri banyaga abakazi ba Midiani nabana babu abato; nente zabu zona, nembuzi zabu zona, nebintu byabu byona, babinyaga okuba eminyago. 10Nembuga zabu zona nebiikaro byabu ebibaikaremu, nenkande zabu zona, bakabyokya nomu’ro. 11Banyaga eminyago yona, nomuhigo, gwona, abantu nebisoro. 12Baleta abanyagwa, nomuhigo, neminyago hali Musa, na hali Eryeza nyakatagara, na hail ekitebe kyabana ba Isareri, hali orukande orwebyeya bya Moabu, ebiri haihi na Yorudani Yeriko.

13Musa na Eryeza nyakatagara, nabakuru bona abekitebe, baturuka okubatangi’ra aheru yorukande. 14Musa yabihi’rwa abakuru bihe, engabwa yenkumi nengabwa ezebikumi, abarugire omu mulimo gwokurwana. 15Musa yagambira ati Abakazi bona mubajunire okutabaita? 16Dora, banu nibo basisize abana ba Isareri habwamagezi ga Baramu okusisira MUKAMA omu bigambo bya Peora, kandi nikyo orufu rwagwerire omu kitebe kya MUKAMA. 17Nukwo hati bunu muitire kimu abasaija bona omu bana bato, kandi muite abakazi bona abamanyire ebasaija habwokubyama nabo. 18Nabaisiki bona abatamanyire abasaija habwokubyama nabo mubajune okutabaita habwanyu inywenka. 19Kandi mugonye aheru yorukande okuhikya ebiro musanju: omuntu wena anyakuisire omuntu, kandi omuntu wena anyakukozire ha baisirwe, mwesemeze inywenka ha kiro kya musanju, inywe nabanyagwa banyu. 20Kandi ebyokujwara byona, na byona ebikozirwe nebisato, nomulimo gwona ogwebyoya byembuzi, nebintu byona ebyemiti, mulibisemeza inywe. 21Kandi Eryeza nyakatagara yagambira abasaija bokurwana abagenzire ha bulemu ati Kinu nikyo kiragiro ekitairweho MUKAMA ekiyaragire Musa: 22baitu ezabu, nefeza, omulinga, ekyoma, ekirasasi, 23nisasi, ebintu byona ebirukusobora okugumisiriza omu’ro, mulibirabya omu mu’ro, kandi birisemera; kandi byona ebitarukugumisiriza omu’ro mulirabya omu maizi. 24Kandi mulyogya engoye zanyu ha kiro kya musanju, kandi mulisemera, kandi hanyuma mulitaha omu rukande.

25MUKAMA yagambira Musa ati 26Bara omuhendo ogweminyago ebibanyagire, abantu nebisoro, iwe na Eryeza nyakatagara, nemitwe eyenju zabaisebo eyomu kitebe: 27obaganize eminyago omu bicweka bibiri; ekyabasaija abamanyire okurwana abagenzire omu bulemu, nekyekitebe kyona: 28kandi osoroze omusoro gwa MUKAMA ha basaija abokurwana abaramagire omu bulemu: ekintu kimu ha bikumi bitano, rundi ha bantu, na ha nte, na ha nkaina, na ha mbuzi: 29ogusoroze ha kicweka kyabu, oguhe Eryeza nyakatagara, okuba ekisembo ekihimbwa ekya MUKAMA. 30Kandi ha kicweka ekyabana ba Isareri oliihamu kimu omu makumi atano, ha bantu, ha nte, ha nkaina, na ha mbuzi, ha bisoro byona, obihe Abalevi, abarukulinda omulimo ogwehema ya MUKAMA. 31Kandi Musa na Eryeza nyakatagara bakora bonka nka MUKAMA okuyaragire Musa. 32Lero eminyago eyasagireho ha minyago abasaija bokurwana eyibanyagire, gukaba guli entama busirira mukaga mu bukumi musanju mwenkumi itano, 33nente bukumi musanju 34mwenkumi ibiri, nenkaina 35bukumi mukaga mu rukumi, nabantu bukumi busatu mwenkumi ibiri okuteraniza bona, ha bakazi abakaba batamanyire basaija habwokubyama nabo. 36Kandi ekicweka kyagwo, omugabo gwa bali abaramagire okurwana, omuhendo gwakyo kikaba kiri ntama busirira busatu mu bukumi busatu mu kasanju mu bitano: 37nomusoro gwa MUKAMA ogwa ha ntama gukaba guli rukaga mu nsanju mu itano. 38Nente zahika bukumi busatu mu kakaga; nomusoro gwa MUKAMA nsanju na ibiri. 39Nenkaina zahika bukumi busatu mu bitano; nomusoro gwa MUKAMA nkaga nemu. 40Kandi abantu bakaba bali kakumi mu kakaga; nomusoro gwa MUKAMA abantu asatu mu babiri. 41Musa yaha omusoro, ekihongwa ekihimbwa ekya MUKAMA, hali Eryeza nyakatagara, nka MUKAMA okuyaragire Musa. 42Kandi ha kicweka ekyabana ba Isareri, Musa ekiyabaganize omu 43basaija abarwaire, (lero ekicweka ekyekitebe kikaba kiri entama busirira busatu mu bukumu busatu, kasanju mu bitano, 44nente bukumi busatu mu 45kakaga, nenkaina bukumi busatu mu bitano, 46nabantu kakumi 47mu kakaga ha kicweka ekyabana ba Isareri, Musa yaihamu kimu omu makumi atano, abantu nebisoro, yabiha Abalevi, abalindaga omulimo ogwehema ya MUKAMA; nka MUKAMA okuyaragire Musa. 48Kandi abakuru abalemaga enkumi ezihe, engabwa ezenkumi ezihe, engabwa eze bikumi baija hali Musa 49bagambira Musa ngu Abairu bawe babazire omuhendo ogwabasaija bokurwana abarukulemwa itwe, kandi tihabuzireho nomu omulitwe. 50Kandi tulesere ekisembo kya MUKAMA, omuntu wena ekiyatungire, ebintu byomuhendo ebyezabu, emikufu eyamaguru, enye’re, empeta, obwoma obwamatu, nebikomo, okulihi’ra obwomezi bwaitu omu maiso ga MUKAMA. 51Musa na Eryeza nyakatagara baiha ezabu halibo, ebintu byona byomuhendo ebihesere. 52Nezabu zona ezekihongwa ekihimbwa ekibahongire MUKAMA, ezengabwa ezebikumi, zahika sekeri kakumi mu kakaga mu rusanju mwatano. 53Baitu abasaija abarwani bakaba benyagire ebintu, omusaija wena ebye wenka. 54Kandi Musa na Eryeza nyakatagara baiha ezabu ha engabwa ezenkumi nengabwa ezebikumi, bazireta hali ehema yokutangatanganiramu, okuba ekiijukyo habwabana ba Isareri omu maiso ga MUKAMA.