Swahili Bible2

3

1LERO kunu nukwo kuzara kwa Aroni na Musa ha kiro MUKAMA ekiyabalizemu na Musa omu rusozi Sinai. 2Kandi ganu nigo mabara gabana ba Aroni; Nadabu omuzigaijo, na Abihu, Eryeza, na Itama. 3Ganu nigo mabara gabana ba Aroni, banyakatagara abaseserweho amagita abayasoroire habwokuhereza omu bunyakatagara. 4Kandi Nadabu na Abihu bakafa omu maiso ga MUKAMA, obubahongera omu’ro omu irungu lya Sinai, kandi bakaba batanyina bana: kandi Eryeza omu bunyakatagara omu maiso ga Aroni isebo.

5Kandi MUKAMA akagambira 6Musa ati Iriza haihi oruganda rwa Levi, obate omu maiso ga Aroni nyakatagara, bamuherezege. 7Kandi barahu’raga ebyarabaragiraga, nebyekitebe kyona omu maiso gehema yokutangatanganiramu, bakolege omulmo ogwehema. 8Kandi barilindaga byona ebyomu hema yokutangatanganiram, nebigambo byabana ba Isareri, okukoraga omulimo gwehema. 9Kandi olihayo Abalevi hali Aroni na batabanibe: bamuherirwe kimu habwabana ba Isareri. 10Kandi olitaho Aroni na batabanibe balindege obunyakatagara bwabu: kandi omunyaihanga alii’ra haihi aliitwa.

11Kandi MUKAMA yagambira 12Musa ati Nanyowe, dora, nyihire Abalevi omu bana ba Isareri, omu kiikaro kyomuzigaijo wena aigura enda omu bana ba Isareri; kandi Abalevi baliba habwange: 13baitu omuzigaijo wena wange; ha kiro eki ekinatemireho emizigaijo yona omu nsi ya Misiri., nkeyereza nyenka emizigaijo yona omu Isareri, abantu nebisoro: eriba yange: ninyowe MUKAMA.

14Kandi MUKAMA akagambira Musa omu irungu lya Sinai ati 15Bara abana ba Levi nkenju zabaisebo okuziri, nkebitabu byabu okubiri: omusaija wena ahikize okwezi kumu nokukiraho nukwo olibabara. 16Musa yababara nkekigambo kya MUKAMA okukiri, nkokuyaragirwe. 17Kandi banu nibo batabani ba Levi nkamabara gabu okugali; Geresoni, na Kohasi, na Merali. 18Kandi ganu nigo mabara ga batabani ba Geresoni, nkebitabu byabu okubiri; Libuni na Simei. 19Na batabani ba Kohasi nkebitabu byabu okubiri; Amuramu na Izaha, Heburoni, na Uzyeri. 20Na batabani ba Merali nkebitabu byabu okubiri; Mahali na Musi. Binu nibyo bitabu Byabalevi nkenju zabaisebo okuziri.

21Omu Geresoni numwo harugire ekitabu Kyabalibuni, nekitabu Kyabasemei: binu nibyo bitabu Byabageresoni. 22Abo ababazirwe omulibo, nkomuhendo gwabasaija bona okuguli, abahikize okwezi kumu nokukiraho, abo ababazirwe omulibo bahika kasanju mu bitano. 23Ebitabu Byabageresoni barasimbaga enyuma yehema bugwaizoba. 24Kandi Eryasafu mutabazi wa Rayeri nuwe isebo Abageresoni. 25Kandi Geresoni ogwomu hema yokutangatanganiramu gurabaga eka hehema, kandi Nehema yenyini, neki ekigiswekaho, nenyigamo eyomulyango ogwehema yokutangatanganiramu, 26eyomulyango ogwezigati, eri haihi nehema kandi okwehinguririza ekyoto, kandi nemiguha yayo habwomulimo gwayo gwona.

27Kandi omu Kohosi numwo harugire ekitabu Kyabamuramu nekitabu Kyabaizihali nekitabu Kyabaheburoni, nekitabu Kyabauziyeri: binu nibyo bitabu Byabakohasi. 28Nkomuhendo ogwabasaija bona okuguli, abahikize okwezi kumu nokukiraho, bahika kanana mu rukaga, abaragirwe omulimo gwa harukwera. 29Ebitabu ebyabana ba Kohasi barasimbaga ha rubaju rwehema orwobukizi bwobulyo. 30Kandi Erizafani mutabani wa Uziyeri nuwe aliba omukuru owenju yabaisebo eyebitabu Byabakohasi. 31Kandi omulimo gwabu gurabaga esanduko, nemeza, netabaza, nebyoto, nebintu ebya harukwera ebibahereza nabyo, nenyigamo, nomulimo gwayo gwona. 32Kandi Eryeza mutabani wa Aroni nyakatagara nuwe aliba omukuru wabakuru Babalevi, kandi ararole’raga abo abaragirwa omulimo gwa harukwera.

33Omu Merali numwo harugire ekitabu Kyabamahali, nekitabu Kyabamusi: binu nibyo bitabu bya Merali. 34Kandi abo ababazirwe omulimo, nkomuhendo gwabasaija bona okuguli, abahikize okwezi kumu nokukiraho, bahika kakaga mu bibiri. 35Kandi Zuryeri mutabani wa Abihairi nuwe akabali omukuru owenju yabaisebo ebitabu bya Merali: barasimbaga ha rubaju rwehema orwobukizi bwemoso. 36Kandi omulimo oguragirwa abana ba Merali guliba embaho ezehema, nebiboha byazo, nebintu byayo byona, nokuhereza kwayo kwona: 37nenyomyo ezezigato ezokwehinguririza nebina byazo, nenkondo zazo, nemiguha yazo. 38Kandi abo abasimba omu maiso gehema oburagaizoba,omu maiso gehema yokutangatangiramu hali oburugaizoba, baliba Musa na Aroni na batabanibe, abaragirwe omulimo gwa harukwera habwomulimo oguragirwa abanaba ba Isareri: kandi omunyaihanga alii’ra haihi aliitwa. 39Bona ababazirwe omu Balevi, Musa na Aroni ababazire habwekiragiro kya MUKAMA, nkebitabu byabu okubiri, abasaija bona abahikize okwezi kumu nokukiraho, bahika bukumi bubiri mwenkumi ibiri.

40Kandi MUKAMA yagambira Musa at Bara abasaija bona emizigaijo abomu bana ba Isareri abahikize okwezi kumi nokukiraho, obale omuhendo ogwamabara gabu. 41Kandi olitwara Abalevi habwange (ninyowe MUKAMA) omu kiikaro kyemizigaijo yona eyomu bana ba Isareri; nente Ezabalevi omu kiikaro kyemizigaijo yona omu nte ezabana ba Isareri. 42Musa yabara nka MUKAMA okuyamuragire emizigaijo yona eyomu bana ba Isareri. 43Kandi abasaija bona emizigaijo, nkomuhendo gwamabara okugali, abahikize okwezi kumu nokukiraho omuli abo ababizirwe, bahika bukumi bubiri mwenkumi ibiri, mu bibiri mu nsanju mu basatu.

44Kandi MUKAMA yagambira 45Musa ati Twara Abalevi omu kiikaro kyemzigaijo yona eyomu bana ba Isareri, nente Ezabalevi omu kiikaro kyente zabu: kandi Abalevi baliba bange; ninyowe MUKAMA. 46Kandi habwokucungura emizigaijo yomu bana ba Isareri bikumi bibiri mu nsanju mu basatu, abasagireho ha o 47muhendo Ogwabalevi, olitwara sekeri itano omuntu omu nkemitwe yabu okweri: nka sekeri eya harukwera okweri, nukwo olizitwara (gera amakumi abiri niyo sekeri emu) 48kandi ebintu ebiricunguza abo abasagireho olibiha Aroni na batabanibe. 49Musa yaiha ebintu ebyokucungura hali abo abasagire halibo abacunguire Abalevi: 50yaiha ebintu ha mizigaijo yomu bana ba Isareri; sekeri rukumi mu bisatu mu nkaga naitano, nka sekeri eya harukwera okweri; 51Musa yaha ebintu ebyokucungura hali Aroni na batabanibe nkekigambo kya MUKAMA okukikaba kiri, nka MUKAMA okuyaragire Musa.