Swahili Bible2

28

1KANDI MUKAMA akagambira 2Musa ati Ragira abana ba Isareri obagambire oti ekisembo kyange, ebyokulya byange ebyebihongwa byange ebikorwa nomu’ro, ebyekisorokoko ekirungi namberendi, murabirandaga okubimpongera omu busumi bwabyo obukikire. 3Kandi orabagambira oti Kinu nikyo kihongwa ekikorwa nomu’ro ekimurahongaga hali MUKAMA: ebyana byentama ebihaya ebitakahikize omwaka gumu ebitaloho kamogo, izoba bibiri izoba bibiri, habwekihongwa ekyokeze ekyobutosa. 4Ekyana kyentama ekimu orakihongaga nyenkya, nekyana kyentama ekindi orakihongaga akairirizi,;

5Nekicweka kya ikumi ekya efa eyensano enungi okuba ekihongwa kyebyokulya, etugirwe nekicweka kyakana ekya hini eyamagita agahonzerwe. 6Nikyo kihongwa ekyokeze ekyobutosa ekyaragirwe omu rosozi Sinai okuba ekisorokoko ekirungi, ekihongwa ekikorwa nomu’ro hali MUKAMA. 7Nekihongwa kyakyo ekyokunywa kirabaga ekicweka ekyakana ekya hini habwekyana kyentama ekimu: omu kiikaro ekirukwera orasesaga MUKAMA ekihongwa ekyekyokunywa ekyamani. 8Nekyana kyentama ekindi orakihongaga akairirizi; nkekihongwa kyebyokulya ekya nyenkya, kandi nkekihongwa ekikorwa nomu’ro ekyekisorokoko ekirungi hali MUKAMA.

9Kandi ha kiro kya sabiti ebyana byentama ebihaya bibiri etakahikize omwaka ebitaloho kamogo, nebicweka bya ikumi bibiri ebya efa yensano enungi okuba ekihongwa kyebyokulya, etugirwe namagita nekihongwa kyakyo ekyokunywa: 10nikyo kihongwa ekyokeze ekya sabiti yona, okutabara ha kihongwa ekyokeze ekyobutosa nekihongwa kyakyo ekyokunywa.

11Kandi mamberee amezi ganyu gabandiza murahongaga ekihongwa ekyokeze hali MUKAM; enimi ento ibiri, entama empaya emu, ebyana byentama empaya emu, ebyana byentama ebihaya musanju ebitakahikize omwaka gumu ebitaloho kamogo; 12nebicweka bya ikumi bisatu eby efa yensano enungi okuba ekihongwa kyebyokulya, etugirwe namagita habwentama empaya emu; 13nekicweka kya ikumi ekindi ekyensano enungi etugirwe namagita okuba ekihongwa kyebyokulya habwebyana byentama kimu kimu; okuba ekihongwa ekyokeze ekyekisorokoko ekirungi, ekihongwa ekikorwa nomu’ro hali MUKAMA. 14Nebihongwa byabyo ebyokunywa birabaga ekihindi kya hini yamarwa habwenimi, nekicweka kyakasatu ekya hini habwentama empaya, nekicweka kyakana ekya hini habwekyana kyentama, kinu nikyo kihongwa ekyokeze ekyokwezi nokwezi, okumaraho amezi gomwaka. 15Nembuzi empaya emu okuba ekihongwa kyekibi hali MUKAMA; kirahongwaga kyakyo ekyoknywa.

16Kandi omu kwezi kwokubanza, ha kiro kya ikumi na bina ekyokwezi haroho Okuhingurwaho kwa MUKAMA. 17Kandi ha kiro kya ikumi na bitano ekyokwezi oku halibaho obugenyi: mulimara ebiro musanju nimulya emigati etatumbisibwe. 18Ha kiro kyokubanza halibaho Okuso’rokana okurukwera, mutalikora omulimo gwona gwokutalibana: 19baitu mulihonga ekihongwa ekikorwa nomu’ro ekihongwa ekyokeze hali MUKAMA; enimi ento ibiri, nentama empaya emu, nebyana byentama ebihaya musanju ebitakanikizeomwaka gumu; birabaga hataliho kamogo namberemuli: 20nkekihongwa kyabyo ekyebyokulya, ensano enungi etugirwe namagita: ebicweka bya ikumi bisatu nibyo mulihonga habwenimi, nebicweka bya ikumi bibiri habwentama empaya; 21ekicweka kya ikumi ekindi olikihonga habwebyana byentama kimu kimu ha byana byentama musanju; 22nembuzi empaya emu okuba ekihongwa kyekibi, okubalihi’ra. 23Mulihonga ebi kandi nekihongwa ekyokeze ekya nyenkya, baitu eki nikyo kihongwa ekyokeze ekyobutosa. 24Nukwo murahongaga muti bukyabukya nimumara ebiro musanju, ebyokulya ebyekihongwa ekikorwa nomu’ro, ekyekisorokoko ekirungi hali MUKAMA kirahongwaga kandi nekihongwa ekyokeze ekyobutosa, nekihongwa kyakyo ekyokunywa. 25Kandi ha kiro kya musanju murabaga nokuso’rokana okurukwera; mutalikora omulimo gwona ogwokutalibana.

26Kandi ha kiro ekyomuganuro, obumuliba nimuhonga ekihongwa kyebyokulya ekihyaka hali MUKAMA omu bugenyi bwanyu obwa sabiti musanju, muliba nokuso’rokana okurukwera; mutalikora mulimo gwona ogwokutalibana. 27baitu mulihonga ekihongwa ekyokeze okuba ekisorokoko hali MUKAMA; enimi ento ibiri, entama emapya emu, ebyana byentama ebihaya musanju ebitakahikize omwaka gumu; 28nekihongwa kyabyo ekyebyokulya, ensano enungi etugirwe namagita, ebicweka bya ikumi bisatu habwenimi emu emu, ebicweka bya ikumi bibiri 29habwentama empaya emu, ekicweka kya ikumi ekindi 30habwebyana byentama musanju; embuzi empaya emu, okubalihi’ra. 31Nekihongwa ekyokeze ekyokutosa nekihongwa kyakyo ekyebyokulya ebiroho, mulihonga binu (birabaga bitaloho kamogo namberemuli) nebihongwa byabyo ebyokunywa.