Swahili Bible2

27

1NUBWO abahara ba Zerofehadi, mutabani wa Hefere, mutabani wa Gireadi, mutabani wa Makiri, mutabani wa Manase, owomu bitabu bya Manase, mutabani wa Yusufu, bai’ra haihi: kandi ganu nigo mabara gabaharabe: Mahara, Noha, Hagira na Mirika, na Tiruza. 2Bayeme’ra omu maiso ga Musa, nomu maiso ga Eryeza nyakatagara. nom maiso gabakuru nekitebe kyona, ha mulyango ogwehema yokutangatanganiramu, 3nibagamba ngu Isitwe akafera omu irungu, kunu akaba atali womu kitebe eki kyabo abayesorolize ha MUKAMA omu kitebe kya Kora, baitu akafera omu kibikye wenka; kandi akaba atanyina batabani. 4Kiki ekirukuihamu ibara lya isitwe omu kitabu kyowabu, habwokutaba nomutabani?Mutuhe itwe obutaka hamu na bene babu isitwe. 5Musa yaleta ebigambo byabu omu maiso ga MUKAMA. 6MUKAMA yagambira Musa ati 7Abahara ba Zerafehadi bagambire ebyobulyo: mazimakwo olibaha obutaka obwobugwetwa hamu na bene babu isebo; kandi olibagweta obugwetwa bwa isebo. 8Kandi oligambira abana ba Isareri oti omusaija obwaliba nafa atanyina mutabani, nubwo muligweta omuharawe obugwetwabwe. 9Kandi obwaliba atanyina muhara, nubwo oliha bagenzibe obugwetwabwe. 10Kandi obwaliba atanyina bagenzi, nubwo muliha bagenzi ba ise obugwetwabwe. 11Kandi ise obwaliba atanyina bagenzi, nubwo muliha mwene wabu amuli haihi omu ruganda obugwetwabwe, kandi nuwe alibulya; kandi kirabaga hali abana ba Isareri ekiragiro ekyobulyo, nka MUKAMA okuyaragire Musa.

12Kandi MUKAMA akagambira Musa ati Temba orusozi runu orwa Abilamu, olebe ensi eyimparie abana ba Isareri. 13Kandi obwolimara okugireba, naiwe olisorozebwa hali abantu bowanyu, nka Aroni mugenzi wawe okuyasorozebwe: 14baitu mukemera ekigambo kyange omu irungu lya Zini, omu mpaka zabekitebe, okunyeza ahali amaizi omu maiso gabu. (Nigo maizi ga Meriba eya Kadesi omu irungu lya Zini) Musa yagambira 15Musa yagambira 16MUKAMA ati MUKAMA Ruhanaga wemyoyo ya bona abanyina omubiri, ateho omuntu okulema ekitebe, aturukege omu maiso gabu, 17atahege omu maiso gabu, kandi abaturukyege, abatahyege; ekitebe ekya MUKAMA kireke okusisana nkentama ezitanyina mulisa. 18MUKAMA yagambira Musa ati Twara namberoli Yosuha mutabani wa Nuni, omusaija nambere harumu omwoyo, omuteho omu maiso ga Eryeza nyakatagara; 19nomu maiso gekitebe kyona; omuragi’re omulimo omu maiso gabu. 20Kandi olita ha kitinisa kyawe haluwe, ekitebe kyona ekyabana ba Isareri bahu’re. 21Kandi areyeme’raga omu maiso ga Eryeza nyakatagara, uwe aramukagulizaga habwokucwa omusango okwa Ulimu omu maiso ga MUKAMA: habwekigambokye baraturukaga kandi habwekigambokye baratahaga, uwe nabana bona aba Isareri hamu nauwe, ekitebe kyona. 22Musa yakora nka MUKAMA okuyamugambire: yatwara Yosuha, yamuta omu masio ga Eryeza nyakatagara, nomu maiso gekitebe kyona: 23Yamutaho engaroze, yamuragi’ra omulimo, nka MUKAMA okuyambire habwomukono gwa Musa.