Swahili Bible2

24

1KANDI Baramu obuyaboine ati MUKAMA ayesimire okuha Isareri omugisa tiyagenda, nkobundi, okuse’ra ebyokuragura, baitu yagumya amaisoge hali irungu. 2Baramu yaimukya amaisoge yarora Isareri ikaire nkenganda zabu okuziri; omwoyo gwa Ruhanga gwamuhikaho. 3Yacwa orufumorwe nagamba ati

Baramu mutabani wa Beora agambire,

Ogu abaire aigaire amaisoge agambire;

4Ogu arukuhu’ra ebigambo bya Ruhanga agambire,

Arukurora okwelekwa Kwowobusobozi bwona,

Agwire hansi namaisoge gaigukire, ati

5Ehema zawe ka nungi, ai Yakobo,

Enkande zawe, ai Isareri!

6Nkebihanga okubiri nukwo zisandaire ziti,

Nkemisiri eri ha musa gwekyambu,

Nkemiti eyomugaju MUKAMA eyiyabaire,

Nkemiti emikogoto ha maizi. 7Amaizi galisaga omu nsuhaze,

Embiboye eriba omu maizi maingi,

Nomukanwake aliraraiha okukira Agagi,

Obukamabwe bulinyumizibwa

8Ruhanga omuihire omu Misiri;

Anyina amani nkembogo:

Alirya amahanga abanyanzigwabe,

Namagufa gabu aligacwa ebicweka,

Kandi alicumita nengobeze.

9Akabundara, akabyama nkentale.

Nkentale ebuguma; noha alimwata?

Wena akusabira omugisa alitunga omugisa,

Ogu alikukyena nuwe elikyenwa.

10Ekiniga kya Baraka kyayakira Baramu, yateratera engaroze: Baraka yagambira Baramu ati Nkakweta okuija okyene abanyanzigwa bange, kandi dora, obasabire kimu omugisa emirundi enu esatu. 11Nukwo hati bunu, irukogende hali ekiikaro kyawe: nkaba nintekereza okukukuza nekitinisa kingi muno; baitu dora, MUKAMA akutangire okutaba nekitinisa. 12Baramu yagambira Baraka ati Na nyowe ntagambire abakwenda bawe abawatumire namberendi 13nti Baraka nobwalimpa enjuye ijuire efeza nezabu, tindikusobora okuhingura ha kigambo kya MUKAMA, okukora kubi habwamagezi gange nyenkya; eki MUKAMA ekyagamba nikyo nyowe ndagamba? 14Kandi hati bunu dora, ningenda hali abantu bowaitu: ija, nkumanyise abantu banu ekibalikora abantu bawe omu biro bya hanyuma. 15Yacwa orufomorwe nagamba ati

Baramu mutabani wa Beora agambire,

Omusaija akaba aigaire amaisoge agambire:

16Ogu agambire arukuhu’ra ebigambo bya Ruhanga,

Amanyire amagezi Gankyakulihaiguru muno,

Arukurora okwolekwa Kwowobusobozi bwona,

Agwire hansi namaisoge gaikukire; ati

17Nimurora, baitu titahli hati bunu: Mboine, baitu tibiri haihi: Haliruga enyunyuzi omu Yakobo,

Kandi omuigo gwobukama guliimuka omu Isareri,

Gulitera ensonga za Moabu,

Nugutera hansi abana bona abokujaga’ra.

18Edomu alifoka obutaka, Na Seyiri erifoka obutaka, abakaba bali banyanzigwabe;

Baitu Isareri alikora ebyobumanzi.

19Kandi haliruga omu Yakobo omu aliba nobusobozi, Alihwerekereza abasigaraho ha rubuga.

20Yarole’ra Amaleki yacwa orufumorwe nagamba ati Ameleki nuwe akabali wokubanza omu mahanga;

Baitu emperoye eya hanyuma erifoka kuhwereke’ra.

21Yarole’ra Omukeni yacwa orufumurwo nagamba ati

Ekiikaro kyawe ekyokuikaramu kyamani,

Nikiju kyawe kigumire omu mabale.

22Baitu Kaini alinyagwa, Okuhikya Asura obwalikusengura.

23Yacwa orufumorwe nagamba ati

Awe, noha aliikaara ali mwomezi Ruhanga obwalikora eki?

24Baitu ebyombo biriruga omusa gwa Kitimu,

Kandi balibonabonesa Asura, balimubonabonesa Ebere, Nauwe alihika ha kuhwereke’ra.

25Baramu yaimka yagenda yagarukayo owabu: na Baraka yayegendera.