Swahili Bible2

22

1KANDI abana ba Isareri bakaimukya orugendo, batera enkande omu byeya bya Moabu, enseri ya Yorudani Yeriko.

2Kandi Baraka mutabani wa Zipo akarora byona Isareri ebiyakozire Abamoli. 3Moabu yafube’ra habwabana ba Isareri. 4Moabu yagambira abakuru ba Midiani ati Hati bunu ekitebe kinu nikigenda okukombera kimu byona ebituhe’raine nabyo, nkenimu okwekomba obunyansi obwomu kisaka. kandi Baraka mutabani wa Zipo akabali omukama wa Moabu omu biro ebi. 5Kandi akatuma abakwenda hali Baramu mutabani wa Beora omu Pesora aherire Ekyambu, hali ensi eyabana babantube okumweta, nagamba ati Dora, haroho abantu abarugire Misiri, kandi bagonyere nibandole’ra: 6nukwo oije, nkwesengerize, onkyenera abantu banu; baitu nibankira amani: rundi ndisingura tubatere, mbabinge omu nsi: baitu manyire nti ogu owasabira omugisa nuwe ahabwa omugisa, kandi ngu owokyena nuwe akyenwa. 7Kandi abakuru ba Moabu nabakuru ba Midiani bakagenda nomukimba omu ngaro zabu. Baija hali Baramu, bamugambira ebigambo bya Baraka. 8Uwe yabagambira ati Murale hanu ekiro kinu, ndagaruka okubaletera ekigambo nka MUKAMA okwarangambira: ababito ba Moabu barara na Baramu. 9Kandi Ruhanga yaija hali Baramu nagamba ati Banu bantu ki ahamu naiwe? 10Baramu yagambira Ruhanga ati Baraka mutabani wa Zipo omukama wa Moabu antumire 11nagamba ati Dora, abantu abarugire Misiri baswekere amaiso gensi: nukwo oije, abankyenere; rundi ndisobora okubarwanisa nokubabinga. 12Ruhanga yagambira Baramu ati Otagenda nabo; otalikyena abantu: baitu bahairwe omugisa. 13Baramu yaimukya nyenkya, yagambira ababito ba Baraka ati Mwegendera omu nsi yowanyu: baitu MUKAMA ayangire okundekera okugenda nainywe. 14Ababito ba Moabu baimuka, bagenda hali Baraka, nibagamba ngu Baramu ayangire ojuija naitwe. 15Kandi Baraka yagaruka okutuma abakuru, abakizire obwingi, kandi abakizire ekitinisa. 16Baija hali Baramu, bamugambira ngu Nukwo Baraka mutabani wa Zipo agambire ati Nkwesengerize otaikiriza ekigambo kyona okukutanga okuija namberendi: 17baitu ndikukuza nekitinisa kingi muno, kandi ekyolingambira ndikikora: nukwo oije nkwesengerize onkyenere abantu banu. 18Baramu yagarukamu nagambira abairu ba Baraka ati Baraka nobwalimpa enjuye ijuire efeza nezabu, tindukusobora okuhingurana ha kigambo kya MUKAMA Ruhanga wange, okukora ebirukukira obuke, nobukyakuba ebirukukira obwingi. 19Nukwo mbesengerize, murale hanu nekiro kinu, nyowe manye MUKAMA ekyarayongera okungambira. 20Kandi Ruhanga yaija hali Baramu ekiro, yamugambira ati Abantu obubaraba baizire okukweta, imuka ogende nabo; baitu ekigambo ekindukutebeza nikyo kyonka olikora. 21Baramu yaimuka nyenkya yataho amatandiko ha nkainaye, yagenda nababito ba Moabu. 22Kandi ekiniga kya Ruhanga kyayaka habwokugendakwe: mariaka wa MUKAMA yayeme’ra omu muhanda okumutanga. Akaba atembere ankainaye nabairube babiri bakaba bali nauwe. 23Enkaina yarora maraika wa MUKAMA ayemerire omu muhanda, na busitamaye esomoirwe eri omu ngaroze: enkaina yabutuka, yaruga omu muhanda, yagenda omu kisaka: Baramu yatera enkaina okugiga’ra omu muhanda. 24Nukwo mariaka wa MUKAMA yayeme’raho omu muhanda ogwomu kihanga, hagati yengonjo ezemizabibu, orugo ruli ha rubaju runu, norugo ruli ha rubaju ruli. 25Enkaina yarora mariaka wa MUKAMA yayemigiza ha rugo, yasasangu’ra ekigere kya Baramu ha rugo; uwe yagaruka okugitera. 26Maraika wa MUKAMA yahinguraho, yayeme’ra hafunzire muno, nambere habuzire omwanya gwokuhindukira orubaju orwobulyonobuhokuba orwemoso. 27Enkaina yarora maraika wa MUKAMA, yabyama hansi ya Baramu; ekiniga kya Baramu kyayaka, yatera enkaina nomuigo. 28MUKAMA yayasamya akanwa kenkaina, egi yagambira Baramu ati Nyowe nkukozire ki okuntera emriundi esatu? 29Baramu yagambira enkaina ati baitu onyekunikire: kakuba mbaire nyina busitama omu ngaro zange? baitu hati bunu nkukuisire. 30Enkaina yagambira Baramu eti Tininyowe enkaina yawe eyiwatembahoga ebiro byona ebyobwomezi bwawe, nokuhikya hati? nyowe ndagondeze okukora iwe nti? yagamba ati Nangwa. 31Nubwo MUKAMA yaigura amaiso ga Baramu, yarora marika wa MUKAMA ayemerire omu muhanda na busitamaye esomoirwe eri omu ngaroze: yainamya omutwe najumara hansi. 32Maraika wa MUKAMA yamugambira ati oterire ki enkaina yawe emirundi egi esatu? dora, nturukire, ninyinja okukutanga, baitu orugendo rwawe rwemyesungo omu maiso gange: 33kandi enkaina yandora, yanyehugura emirundi egi asatu: kuba etanyehuguire, mananukwo nkukuisire nindeka egi nyomezi. 34Baramu yagambira maraika wa MUKAMA ati Nsisire, baitu timanyire okwoyemerire omu muhanda okuntanga: nukwo hati bunu, obukiraba nikikubihiza ndagarukayao. 35Maraika wa MUKAMA yagambira Baramu ati Genda nabasaija abo; baitu ekigambo ekindukutebeza nikyo kyonka ogamba. Nukwo Baramu yagenda nababito ba Baraka. 36Kandi Baraka obuyahulire Baramu aizire, yaturukad okumutangi’ra hali orubuga rwokuhu’raho orwa Moabu oruli ha mutano gwa Aranoni, ekiri ha mpero yomutano. 37Baraka yagambira Baramu ati Ntekambe muno okukutumira okukweta? kiki ekyakutangire okuija namberendi? tindukusobra mali okukuza nekitinisa? 38Baramu yagambira Baraka ati Dora, nyizire namberoli: nyina obusobozi okugamba ekigambo nekimu? ekigambo Ruhanga ekyata omu kanwa kange nikyo ndagamga. 39Baramu yagenda na Baraka, bahika Kiryasi-huzosi. 40Baraka yasara ebyonzira byenimu nentama, yatwekera Baramu nabakuru abakaba bali nauwe. 41Kandi kyahika obuire obubwakire, Baraka yatwara Baramu, yamutemya hali ebiikaro ebiraihire ebya Baali, nuho yayemere okuleba empero yabantu.