Swahili Bible2

21

1KANDI Omukanani omukama wa Aradi, ayaikaraga omu nsi Yobukizi bwobulyo, akahu’ra nibagamba ngu Isareri naletwa omu muhanda gwa Asalimu: yarwanisa Isareri, yahambaho abamu. 2Isareri, yayeraga okweraga hali MUKAMA nagamba ati Obwolihayo mali abantu abo omu mukono gwange, nyowe ndihwerekereza kimu embuga zabu. 3MUKAMA yahu’ra iraka lya Isareri, yahayo Abakanani; babahwerekereza kimu bo nembuga zabu: nibahara lyekiikaro kyeyetwa Horuma.

4Kandi baimukya orugendo okuruga orusozi Horu nibagenda omu muhanda Gwenyanja Erukutukura, okwehinguliriza ensi ya Edom: emitima yabantu yafobe’ra muno habwomuhanda: 5abantu bajuma Ruhanga na Musa ngu Mukatuihirayo ki omu Misiri okufera omu irungu? baitu tiharoho byokulya kunu busaho maizi, kandi obwomezi bwaitu nubunuga ebyokulya binu ebibi. 6MUKAMA yatuma enjoka ezomu’ro omu bantu, zatema abantu; abantu baingi abomu Isareri bafa. 7Abantu baija hali Musa bibagamba ngu Tukasisa, baitu tukajuma MUKAMA naiwe, saba MUKAMA atuiheho enjoka. 8MUKAMA yagambira Musa ati Weko’re enjoka eyomu’ro ogite ha murongoti kandi kirihika omuntu wena atemerwe, obwaligirora aliba mwomezi. 9Musa yakora omulinga omu kisisani kyenjoka, yagita ha murongoti: kandi kyahika, enjoka obuyatemere omuntu wena, obuyarozire enjoka eyomulinga, yayomera. 10Kandi abana ba Isareri bakaimukya orugendo, batema enkande omu Obosi. 11Baimukya orugendo okuruga Obosi, batema enkande lye-abalimu, omu irungu eriri omu maiso ga Moabu ahali oburugaizoba. 12Okuruga aho baimukya orugendo batema enkande omu kihanga kya Zeredi. 13Okuruga aho baimukya orugendo batema enkande enseri ya Aranoni, eri omu irungu eriruga ha mutano Gwabamoli: baitu Araroni nugwo mutano gwa Moabu, hagati ya Moabu Nabamoli. 14Nikyo bagambira omu kitabu Kyobulemu bwa MUKAMA ngu Vahebu omu Sufa, nebihanga ebya Araroni,

15Nokukonkomoka kwebihunga Okusirimuka hali enju za Ara,

Nokuhe’rani omutano gwa Moabu.

16Kandi okuruga aho baimukya orugendo bagenda Beeri eri niryo iziba MUKAMA eriyagambireho Musa ati Soroza abantu ahamu, nanyowe ndabaha amaizi.

17Nubwo Isareri yazina ekizina kinu ngu

Bimba iwe iziba; mulizinire 18Iziba abantu eribalimire, Abakuru bomu bantu eribalimire.

Hamu nomuigo (gwobukama) kandi okuruga omu irungu baimukya orugendo bagenda Matama: 19kandi okuruga Matana bagenda Nahalyeri: kandi okuruga Nalyeri bagenda Bamosi: 20kandi okuruga Bamosi, bagenda hali ekihanga ekiri omu bwe’re bwa Moabu, ha ruguru ya Pisiga erolerire hansi ha irungu.

21Kandi Isareri yatuma abakwenda hali Sihoni omukama 22Wabamoli, nagamba ati Leka nkwesengerize, ndabe omu nsi yawe: titulihunguka omu musiri nobuhokuba omu rugonjo rwemizabibu; titulinywa ha maizi giziba: tuliraba omu ngudo yomukama okuhikya obutulihingura ha mutano gwawe. 23Sihoni yayanga okuikiriza Isareri okuhingura ha mutanogwe: baitu Sihoni yasoroza hamu abantube bona, yaramagira Isareri omu irungu, yahika Yahazi: yarwanisa Isareri. 24Isareri yamutema nobwogi bwa busitama, yalya ensiye okuruga Aranoni nokuhikya Yaboki, nukwo kuhikya abana ba Amoni; baitu omutano gwabana ba Amoni gukaba guli gwamani. 25Isareri yanyaga embuga ezi zona: Isareri yaikara omu mbuga zona eza Abamoli, omu Hesiboni nomu mbuga zayo. 26Baitu Hesiboni nurwo rubuga rwa Sihoni omukama wa Moabu owaira, yaiha ensiye yona omu mukonogwe, nokuhikya Aranoni. 27Abo abagamba enfumo nikyo bagambira ngu

Muije Hesiboni,

Orubuga rwa Sihoni rwombekwe ruranganwe;

28Baitu omu’ro gurugire Hesiboni, Rulimi rwomu’ro noruruga ha rubuga rwa Sihoni: Gumazireho Ara eya Moabu, Abakama abekiikaro bya Aranoni.

29Zirikubona iwe Moabu! Inywe muhoireho abantu ba Kemosi: Ahaireyo batabanibe nkabairuki, Nabaharabe, banyagwe, Hali Sihoni omukama wa Abamoli.

30Tukabarasa; Hesiboni ehwerekerire nokuhikya Diboni, Twahwerekereza nokuhikya Nofa,

31Nukwo Isareri yaikaire ati omu nsi ya Abamoli. 32Musa yatuma okutata Yazere, banyage embuga zayo, babingamu Abamoli abakaba bali oku. 33Bahinduka batemba omu muhanda gwa Basani: kandi Ogi omukama wa Basani yabaramagira, uwe nabantube bona, okurwanira Ederei. 34MUKAMA yagambira Musa ati Otamutima baitu nyowe muhaireyo omu mikono yawe, nabantu bona, nensiye: kandi olimukora nkokuwakozire Sihoni omukama wa Abamoli, ayaikaire Hesiboni. 35Nukwo bamuisire bati na batabanibe, nabantube bona, batamulekere nomu ayasigaireho: kandi balya ensiye.