Swahili Bible2

20

1KANDI abana ba Isareri ekitebe kyona, bakaija omu irungu lya Zini omu kwezi kwokubanza: kandi abantu baikara omu Kadesi: kandi Miryamu akaferayo, kandi nuho yazikirwe. 2Kandi amaizi gakaburayo ekitebe: bagoma hamu okuhyemera Musa na Aroni. 3Abantu batera empaka na Musa nibagamba ngu Kuba twafire, omu maiso ga MUKAMA! 4Kandi mukaletera ki omu irungu linu okufera hanu itwe nente zaitu? 5Kandi mukatuihara ki omu Misiri okututahya omu kiikaro kinu ekibihire? tikiri kiikaro kinu ekibihire? tikiri kiikaro kyembiho, nobugakuba amatini, nobwekuba emizabibu, nobuzakuba enkomamahanga, kunu busaho maizi gokunywa. 6Musa na Aroni baruga omu maiso gekitebe, bagenda omu mulyango ogwehema yokutangatanganiramu, bagwa hansi nibajumara amaiso gabu: kandi ekitinisa kya MUKAMA kikababonekera. 7MUKAMA yagambira Musa ati 8Kwata omuigo, osoroze ekitebe, iwe na Aroni mugenzi wawe, mugambire omwandara omu maiso gabu gulete amaizi gagwo; kandi orabaletera amaizi okuruga omu mwandara: nukwo orabaha okunywa, ekitebe kya Bantu nente zabu. 9Musa yaiha omuigo omu maiso ga MUKAMA nkokuyamuragire. 10Musa na Aroni basoroza ekitebe omu maiso gomwandara, uwe yabagambira ati Muhu’re ’nu, inywe abemi; itwe turabaletera amaizi okuruga omu mwandara gunu? 11Musa yaimukya omukonogwe yatera omwandara nomuigogwe emirundi ebiri; amaizi garugamu maingi, nekitebe kyanywa nente zabu. 12MUKAMA yagambira Musa na Aroni ati Baitu mutanyikirize, okunyumiza omu maiso gabana ba Isareri,mutalitahya ekitebe kinu omu nsi egi eyimbahire.ganu nigo maizi ga meriba; 13Baitu abana ba isareri,bakahakana na Mukama,kandi yayeyeza omulibo. 14Kandi Musa akatuma abakwenda okuruga Kadesi bagende hali omukama wa Edomu ati Nukwo agambire mugenzi wawe Isareri ati Iwe omanyire okutabana kwona okwatugwireho: 15baisenkuruitwe okubasirimukire omu Misiri, twaikara omu Misiri omwanya mukoto; kandi Abamisiri bakatukora kubi, itwe nabaisenkuru itwe: 16obutwakungire MUKAMA, yahu’ra iraka lyaitu, yatuma maraika yatuihayo omu Misiri: kandi dora, tuli omu Kadesi, orubuga oruli ha mutano gwawe honyini: 17nkwesengerize, turabe omu nsi yawe; tituliraba omu musiri nobuhokuba omu rugonjo rwemizabibu, kunu titulinywa ha maizi agamaziba: tuliraba omu ngudo eyomukama, titulihunguka ha mukono gwobulyo nobuhokuba ha mukono gwemoso, okuhikya obutulihingura ha mutano gwawe. 18Edomu yamugambira ati Otaliraba hawange, ndeke okukuramagira na busitama. 19Abana ba Isareri bamugambira ngu Tuligenda omu ngudo: kandi obutulinywa ha maizi gawe, nyowe nente zange, ndiriha omuhendo gwago: kyonka ondeke ndabemu nebigere byange, ntarukukora kigambo kindi kyona. 20Yagamba ati Otalirabamu. Edomu yarugayo okumuramagira nabantu baingi, nomukono gwamani. 21Nukwo Edomu yayangira ati okuhinguza Isareri ha mutanogwe: nikyo Isareri yahindukira okumurugaho.

22Baimukya orugendo okuruga Kadesi: abana ba Isareri ekitebe kyona, baija ha rusozi Horu. 23MUKAMA yagambira Musa na Aroni omu rusozi Horu, ha mutano ogwensi ya Edomu 24nagamba ati Aroni alisorozebwa ahali abantube: baitu talitaha omu nsi eyimpaire abana ba Isareri, baitu mukemera ekigambo kyange ha maizi ga Meriba. 25Twara Aroni na Eryeza mutabaniwe obatembye orusozi Horu: 26ojule Aroni ebyokujwarabye, obimujweke Eryeza mutabaniwe: kandi Aroni alisorozebwa ahali abantube aliferayo. 27Musa yakora nka MUKAMA okuyamuragire: batemba orusozi Horu ekitebe kyona nibarora. 28Musa yajura Aroni ebyokujwarabye, yabimujweka Eryeza mutabaniwe; Aroni yaferayo ha ruguru yorusozi: Musa na Eryeza basirimuka orusozi. 29Kandi ekitebe kyona obubaboine Aroni ebiro amakumi asatu, enju yona eya Isareri.