Swahili Bible2

2

1KANDI MUKAMA yagambira 2Musa na Aroni ati Abana ba Isareri barasimbaga omuntu wena haihi neberu yowabu, neberu ezenju zabaisebo: haihi nehema yokutangatanganiramu nuho barasimbaga nibehinguruliriza. 3Nabo abasimba ha rubaju rwoburugaizoba barabaga ababeru eyorukande rwa Yuda, nkamahe gabu okugali: kandi Nasoni mutabani wa Aminadabu nuwe aliba omukuru womubana ba Yuda. 4Kandi iherye nabo ababazirwe omulibo bahika bukumi musanju mwenkumina mu rukaga. 5Kandi abo abasimba nibahe’rana nauwe baliba bomu ruganda rwa Isakara: kandi Nataneri mutabani wa Zaura nuwe aliba omukuru wabana ba Isakara 6niherye, nabo ababazirwe omulyo, bahika bukumi butano mwenkumi ina mu bikumu bina: 7noruganda rwa Zeburuni: kandi Eryabu mutabani wa Heroni nuwe aliba omukuru wabana ba Zeburuni: 8niherye, nabo ababazirwe omulyo bahika bukumi butano mu kasanju mu bikumi bina. 9Bona ababazirwe omu rukande rwa Yuda bahika kasirira mu bukumi munana mu kakaga mu bikumi bina, nkamahe gabu okugali. Nibo barabanzaga okuimukya orugendo.

10Ha rubaju rwobukizi bwomulyo nuho haliba eberu yorukande rwa Ruebeni, nkamahe gabu okugali: kandi Erizura mutabani wa Sedeyura nuwe aliba omukuru wabana ba Reubeni. 11Kandi iherye nabo ababazirewe omulyo bahika bukumi buna mu kakaga mu bitano. 12Kandi abasimba nibamuhe’rana baliba bomu ruganda rwa Simeoni: kandi Serumyeri mutabani wa Zulisadai nuwe aliba omuikuru wabana ba Simeoni: 13kandi iherye nabo ababazirwe omulibo bahika bukumi butano mu kenda mu bisatu: 14Kandi oruganda rwa Gadi: 15kandi iherye, nabo ababazirwe omulibo bahika bukumi buna mwenkumi itano mu rukaga mwatano. 16Bona ababazirwe omu rukande rwa Reubeni bahika kasirira mu bukumi butano mu rukumi mu bina mwatano, nkamahe abu okugal. Kandi banu barakuratiraga bali okuimukya.

17Nubwo ehema yokutangatanganiramu eraimukyaga, norukande rwa Abalevi ruli hagati yenkande: nkokubatema enkande nukwo bariamukyaga orugendo bati, omuntu wena omukiikarokye haihi neberu yowabu.

18Ha rubaju rwobugwaizoba nuho haliba eberu ya Eferaimu nkamahe gabu okugali: kandi Erisama mutabani wa Amihudi nuwe aliba omukuru wabana ba Eferaimu. 19Kandi iherye, nabo ababazirwe omulibo bahika bukumi buna mu bitano. 20Kandi okuhe’rana uwe haliba oruganda rwa Manase: kandi Gamalyeri mutabani wa Pedazura nuwe aliba omukuru wabana ba Manase: 21kandi iherye naboababazirwe omulibo bahika bukumi busatu mwnkumi ibiri mu bikumi bibiri: 22kandi oruganda rwa Benyamini: kandi Abidani mutabani wa Gideioni nuwe aliba omukuru wabana ba Benyamini: 23kandi iherye, nabo ababazirwe omulibo hahika bukumi busatu mwenkumi isatu mu bina. 24Bona ababazirwe omu rukande rwa Eferaimu bahika kasisira mu kanana mu kikumi, nkamahe gabu okugali. Kandi banu barakuratiraga bali okuimukya.

25Ha rubaju rwobukizi bwemoso nuho haliba eberu yorukande rwa Dani, nkamahe gabu okugali: kandi Ahyzere mutabani wa Amisadai fnuwe aliba omukuru wabana ba Dani. 26Kandi iherye nabo ababazirwe omulibo bahika bukumi mukaga mwenkumi ibiri mu rusanju. 27Nabo abasimba nibahe’rana uwe baliba bomu ruganda rwa Asere kandi Pagyeri mutabani wa Okirani nuwe aliba omukuru wa bana ba Asere: 28kandi iherye nabo ababazirwe omulibo bahika bukumi buna mu rukumi mu bintano: 29kandi oruganda rwa Nafafutali: kandi Ahira mutabani wa Enani nuwe aliba omukuru wabana ba Nafutali: 30kandi iherye nabo ababazirwe omulimo bahika bukumi butano mwenkumi isatu mu bina. 31Bona ababazirwe omu rukande rwa Dani bahika kasirira mu bukumi batano mu kasanju mu rukaga. Nibo baraimukyaga nibaija enyuma nkeberu zowabu okuziri.

32Banu nibo babazirwe abomu bana ba Isareri nkenju zabaisebo okuziri: bona ababazirwe abomu nkande, nkamahe gabu okugali. Bahika busirira mukaga mwenkumi isatu mu bitano mwatano. 33Baitu Abalevi batabarwe omu bana ba Isareri; nka MUKAMA okuyaragire Musa. 34Nukwo abana ba Isareri bakozire bati; nka byona MUKAMA ebiyaragire Musa okubiri, nukwo batemaga enkande haihi neberu zowabu, kandi nukwo baimukyaga bati, omuntu wena nkekitabukye okukiri, nkenju zabaisebo okuziri.