Swahili Bible2

16

1KANDI Kora, mutabani wa Izaha, mutabani wa Kohasi, mutabani wa Levi, hamu na Dasani na Abiramu, batabani ba Eryabu, na Oni mutabani wa Pelesi, batabani ba Reuben, bakatwara abantu. 2Baimuka omu maiso ga Musa hamu nabamu ha bana ba Isareri, abakuru bomu kitebe bikumi bibiri mwatano abayetwaga hali okuso’rokana; abasaija abarangainwe: 3bayesoroleza hali Musa na Aroni, babagambira ngu Musagaine okwebuza, baitu ekitebe kyona nikyo kirukwera, omuntu wena omulibo, kandi MUKAMA ali omulibo: nukwo mwenyumiriza ki okukira ekitebe kya MUKAM? 4Baitu Musa obuyakihulire, 5yajumika amaisoge hansi: yagambira Kora nekitebekye kyona ati Nyenkya MUKAMA arayoleka abe okubali, nogu arukwera okwali, kandi alimuiriza ogu haihi namberali:nuwogu owarakoma aramuiriza namberali. 6Mukole muti; mutwale ebiswa ebyokwotera, 7Kora nekitebekye kyona; mutemu omu’ro, muteho emyami’ro omu maiso ga MUKAMA nyenkya: kandi kirahika omuntu MUKAMA owarakoma, nuwe arukwera: ninywe musagaine okwebuza, inywe batabani ba Levi. 8Musa yagambira Kora ati Muhu’re hati inywe batabani ba Levi: 9kigambo kike halinywe Ruhanga wa Isareri okubaganiza omu kitebe kya Isareri, okubairiza haihi namberali? Okukoraga okuhereza okwomu hema ya MUKAMA, nokwemera’ga omu maiso gekitebe okubaherezaga? 10kandi okukuiriza haihi, nabagenzi bawe bona batabani ba Levi hamu naiwe? kandi nimuse’ra nobunyakatagara? 11Nikyo mwesorolize ahamu hali MUKAMA iwe nekitebe kyawe kyona: kandi Aroni kiraha inywe ekimurukumuhyemera? 12Musa yatuma okweta Dasani na Abiramu, batabani ba Eryabu: bagamba ngu Titurukuiija okutembayo: 13ekigambo kinu kike iwe okutuiha omu nsi ijuire amata nobowki, nokututembesa okutuitira omu irungu, baitu nokwefora noyefora omubito mali halitwe? 14Kunu totulesere omu nsi ijuire amata nobwoki, kunu totuhaire obugwetwa bwemisiri nengonjo emizabib: nogonza okuihamu abantu banu amaiso? titurikuija okutembayo. 15Musa yabihirwa muno, yagambira MUKAMA ati Otaikiriza ekihongwa kyabu: tinkabaihahoga enkaina nemu, kunu tinkakoraga kubi nomu halibo. 16Musa yagambira Kora ati iwe nekitebe kyawe kyona mube omu maiso ga MUKAMA, iwe nabo na Aroni nyenkya: 17mukwate omuntu wena ekiswakye, mubiteho emyami’ro, mulete omu maiso ga MUKAMA omuntu wena ekikwakye, ebiswa bikumi bibiri mwatano; naiwe na Aroni, omuntu wena ekiswakye. 18Batwara omuntu wena ekiswakye, babitaho omu’ro, bataho emyami’ro bayeme’ra omu mulyango gwehema eyokutangatanganiramu, hamu na Musa na Aroni. 19Kora yasoroleza halibo ekitebe kyona ha mulyango gwehema yokutangatanganiramu: ekitinisa kya MUKAMA kyabonekera ekitebe kyona.

20MUKAMA yagambira Musa na 21Aroni ati Mwebaganize inywenka omu kitebe kinu, mbamaleho bwango. 22Bagwa bajumara, bagamba ngu Ai Ruhanga, Ruhanga owemyoyo ya bona abanyina omubiri, omuntu omu alisisa, kandi iwe olibihi’rwa ekitebe kyona? 23MUKAMA yagambira Musa ati 24Gambira ekitebe oti Muimuke muruge ha hema ya Kora na Dasani ha Abiramu. 25Musa yaimuka yagenda hali Dasani na Abiramu, nabakuru ba Isareri bamukuratira. 26Yagambira ekitebe ati Mbesengerize murugue ha hema ezabantu banu ababi, kunu mutakwata ha kintu kyona ekyabu, muleke okuhwerekerezebwa omu bibi byabu byona. 27Nukwo baimuka baruga omu hema ya Kora na Dasani na Abiramu ha mbaju zona: Dasani na Abiramu baturuka, bayeme’ra omu miryango yehema zabu, na bakazi babu na batabani babu nababana babu abato. 28Musa yagamba ati Ha kinu nuho muramanyira ngu MUKAMA akantuma okukora emirimo enu yona, baitu ntabikole omu magezi gange nyenka. 29Abantu banu obubarafa nkabantu bona okubafa obutosa, rundi obubaliizirwa nkabantu bona okubaizirwa; buli MUKAMA tantumire. 30Baitu MUKAMA obwarakora ekigambo ekihyaka, itaka okwasamya akanwa kalyo nokubamira hamu nebyabu byona, nabo okusirimuka okuzimu bakiri bomezi; nubwo murayetegereza ngu abantu banu bagayire MUKAMA. 31Kandi kyahika, obuyamazire okugamba ebigambo binu byona, itaka erikaba liri hansi yabu lyayatikamu habiri: 32ensi yayasamywa akanwa kayo, yabamira namaju gabu gona, nabantu bona aba Kora, nebintu byabu byona. 33Nukwo bo, nebyabu byona, basirimuka okuzimu bakiri bomezi: ensi yabasweke’ra, bahwere’ra omu kitebe. 34Abaisareri bona abakaba babehingulirize bairuka habwokukungulirize bairuka bakagamba ngu Ensi ereke okumira itwe. 35Kandi omu’ro gwaruga hali MUKAM, gwayokya abasaija bikumi bibiri mwatano abayotire emyami’ro. 36MUKAMA yagambira Musa 37ati Gambira Eryeza mutabani wa Aroni nyakatagara, aihe ebiswa omu kwokya, naiwe osese kuli omu’ro: baitu nibyo ebirukwera: 38ebiswa ebyabasisi abo abesisire bonka obwomezi bwabu, kandi mubihesamu amabate agokusweka ekyoto; baitu bakabihayo omu maiso ga MUKAMA, nikyo bifokire ebirukwera: kandi biriba ekyokuro’raho hali abana ba Isareri. 39Eryeza nyakatagara yatwara ebiswa ebyemiringa, babihesa babifora ekyokwesweka ekyoto: 40okuba ekiijukyo hali abana ba Isareri, nukwo omuntu ondi wena atali womu ruzaro rwa Aroni aleke okui’ra haihi okworeta emyami’ro omu maiso ga MUKAMA; aleke okuba Kora nekitebekye kyona: nka MUKAMA okuyamugambire abwomukono gwa Musa.

41Baitu obuire obubwakire nyenkya ekitebe kyona ekyabana ba Isareri bakahyemera Musa na Aroni nibagamba ngu Muisire abantu ba MUKAMA. 42Kandi kyahika, ekitebe obukikaba kyesoroize okuhakana na Musa na Aroni, batunu’ra ehema yokutangatanganiramu: kandi dora ekicu kikaba kigiswekerire nekitinisa kya MUKAMA kyaboneka. 43Musa na Aroni baija omu maiso gehema yokutangatanganiramu. 44MUKAMA 45yagambira Musa ati Murugeyo omu kitebe kinu mbamaleho bwango. Bagwa bajumara. 46Musa yagambira Musa ati Musa yagambira Aroni ati Kwata ekiswa kyawe, okitemu omu’ro oguruga ha kyoto, oteho emyami’ro, okitwale bwango omu kitebe, obalihi’re: baitu ekiniga kirugire ahali MUKAMA; orufu rubandize. 47Aroni yakikwata, nka Musa okuyagambire, yairuka yagenda omu kitebe hagati, kandi dora, orufu rukaba rubandize omu bantu: yataho emyami;ro yalihi’ra abantu. 48Yayemera’ho hagati yabafire nabomezi: orufu rwatangwa. 49Lero abo abafire orufu oru bahika kakumi mwenkumi ina mu rusanju, okutabara abo abafire omu bigambo bya Kora. 50Aroni yagaruka hali Musa hali omulyango gwehema yokutangatanganiramu: orufu rwatangwa.