Swahili Bible2

13

1KANDI MUKAMA yagambira 2Musa ati Tuma abantu batate ensi eya Kanani, eyindukuha abana ba Isareri: omuntu omu owomu ruganda rwona orwabaisenkurubo, omuntu wena omukuru omulibo. 3Musa yabatuma okuruga omu irungu lyua Parani, nkekiragiro kya MUKAMA okukiri, baona bakaba bali emitwe yabana ba Isareri. 4Kandi ganu nigo mabara gabu: Omu ruganda rwa Reubeni, Samuha mutabani wa Zakura. 5Omu ruganda rwa Simeoni Safati mutabani wa Holi. 6Omu ruganda rwa Yuda, Kalebu mutabani wa Yefune 7Omu ruganda rwa Isakara, Igali mutabani wa Yusufu. 8Omu ruganda rwa Eferaimu, Hoseha mutabani wa Nuni. 9Omu ruganda rwa Benyamini, Paliti mutabani wa Rafu. 10Omu ruganda rwa Zeburuni, Gadyeri mutabani wa Sodi. 11Omu ruganda Yusufu, nukwo kugamba ngu omu ruganda rwa Manase, Gadi mutabani wa Susi. 12Omu ruganda rwa Dani, Amyeri mutabani wa Gemali. 13Omu ruganda rwa Asere, Sesura mutabani wa Mikaeri. 14Omu ruganda rwa Nafutali, Nahabi mutabani wa Vofusi. 15Omu ruganda rwa Gadi, Geyuweri mutabani wa Maki. 16Ganu nigo mabara gabasaija Musa abayatumire okutata ensi. Musa yaruka Hoseha mutabani wa Nuni ibaralye Yosuha. 17Musa yabatuma okutata ensi ya Kanani, yabagambira ati Mugende omu muhanda gunu ha bukizi Bwobulyo, mutembe omu nsozi: 18morole ensi okwerukusisa, nabantu abamu, rundi bamani rundi nceke, rundi bake rundi baingi: 19nensi okweri eyibaikaramu, rundi nungi rundi mbi; nembuga okuziri ezibaikaramu, rundi bali omu nkande, rundi bali omu nkomero; 20nitaka okukiri rundi harumu enku rundi enku rundi libi, rundi tiharumu. kandi mugume omutima, mulete ha byana byomu nsi. Lero akasumi kakaba kali akasumi akemizabibu erukubanza okwenga. 21Nukwo batembere bati, batate ensi, okuruga irungu lya Zini okuhikya Rehobu, nokuhikya nambere batahira Hamasi. 22Batemba omu Bukizi bwobulyo, bahika Heburoni, kandi Ahimani, na Sesasi, na Talimai, abana ba Anaki bakaba bali oku. (Lero Heburoni ekombekwea emyaka musanju Zaoni eyomu Misiri etakombekerwe). 23Kandi bahika omu kihanga kya Esikoli, basarayo itagi eriroho omugimba gwemizabibu, abantu babiri baguhimba ha muti; kandi bakaleta ha makomamahanga na ha mitini. 24Ekiikaro eki kyayetwa Ekihanga kya Esikoli, habwomugimba abana ba Isareri ogubasazireho. 25Bagaruka obubamazire okutata ensi ebiro amakumi ana bihinguireho. 26Bagenda baija hali Musa, na hali Aroni, na hali ekitebe kyona ekyabana ba Isareri, omu irungu lya Parani, nokuhikya Kadesi; babaletera amakuru, bo nekitebe kyona, baboleka ebyana ebyomu nsi. 27Bamutebeza nibagamba ngu Tukahika omu nsi nambere watutumire, kandi mazimakwo negera namata nobwoki; kandi binu nibyo byana byamu. 28Baitu abantu abarukuikara omu nsi bamani, nembuga ziroho muhuruzi, kandi nkoto muno; kandi tukarora oku nabana ba Anaki. 29Amaleki naikara omu nsi Yobukizi bwobulyo, Nomuhiti, Nomuyebusi, Nomwamoli, nibaikara omu nsozi: Nomukanani naikara ha nyanja, kandi ha musa gwa Yorudani. 30Kandi Kalebu yaculeza abantu omu maiso ga Musa nagamba ati Tutembe ahonaho, bwango okugisingura. 31Baitu abasaija abatembere hamu nauwe bagamba ngu Titurukusobora okuramagira abantu; baitu nibatukira amani. 32Kandi baleta okuranganwa oubi okwensi eyibatasire hali abana ba Isareri, nibagamba ngu Ensi eyitwarabiremu, okugitata niyo ensi erukulya abantu bamu; nabantu bona abatwaboine oku abasaija bahonga muno. 33Kandi nuho twaboine oku Abanefiri, abana ba Anaki, abaijukuru Babanefiri: kandi itwe tukasisana omu maiso gaitu itwenka nkensenene, kandi nukwo twali tuti omu maiso gabu.