Swahili Bible2

11

1KANDI abantu bakaba nibahyema, nibabaza kubi omu matu ga MUKAMA: MUKAMA obuyakihurire ekinigakye kyayaka; omu’ro gwa MUKAMA gwayokya omulibo, gwabalya nokuhikya ha mpero zorukande. 2Abantu bakunga Musa; Musa yasaba MUKAMA, omu’ro gwahwaho. 3Ibara lyekiikaro eki lyayetwa Tabera: baitu omu’ro gwa MUKAMA gukokya omulibo.

4Kandi ekitebe ekyabanyaihanga abakaba bali omulibo babanza okwegomba: nabana ba Isareri bagaruka oku’ra nibagamba ngu Noha alituha enyama tugirye? 5Tuijukire encu, ezitwaliraga busa omu Misiri; nemyongo nebihweju, nemikubi, nobutunguru nenjagi: 6baitu hati bunu obwomezi bwaitu bwomere mali: tiharoho kintu na kake: titunyina kantu akokwesiga, rundi emanu enu. 7Kandi emanu ekaberi nkensigo za gada, nokusisana kwayo nkokusisana kwa bedoli. 8Abatnu bagendagendaga, bagisoroza, bagisa ha mengo, rundi bagihonda omu nsenkuro, bagicumba omu binaga, bagibumbamu emigati; kandi okunura kwayo kukaba kuli nkokunura kwamagita amahyaka. 9Kandi orume oburwagwaga omu rukande ekiro, emanu yagwaga narwo. 10Musa yahu’ra abantu niba’ra omu nju zabu zona, omuntu wena omu mulyango gwehemaye: ekiniga kya MUKAMA kyayaka muno, na Musa yabihirwa. 11Musa yagambira MUKAMA ati Kiki ekikukoleze kubi omuiru wawe? kandi kiki ekintangire okubona embabazi omu maiso gae: baitu ontaireho enketoeyabantu banu bona? 12Ninyowe natwaire enda yabantu banu bona? ninyowe nabazaire, iwe okungambira oti Bahimbe omu kifuba kyawe, nka ise omwana omulezi okwahimba omwana arukwonka, hali ensi eyiwarahire baisenkurubo? 13Nyowe nkuhire nkaha enyama okugiha abantu banu bona? baitu niba’ra namberendi nibagamba ngu Tuhe enyama tugirye. 14Tindukusobora okuhimba abantu banu bona nyowe nyenkya, baitu eki kinkizre amani. 15Kandi obworaba nonkora oti onyitire kimu nkwesengerize, obundaba mboine embabazi omu maiso gawe: ndeke okurora omu maiso gawe:

16MUKAMA yagambira Musa ati Soroza namberendi abantu ensanju abomu bakuru ba Isareri, abomanyire nibo bakuru ba Isareri, abomanyire nibo babantu, nabakuru abaramalemaga; obalete hali hema yokutangatanganiramu, beme’re aho hamu naiwe. 17Nyowe ndasirimuka ndabaliza oku hamu naiwe: kandi ndiiha ha mwoyo oguli haliwe, ndiguta halibo; kandi barahimbaga enketo eyabantu hamu naiwe, oleke okugihimba wenka. 18Kandi ogambire abantu oti Mweyeze inywenka habwa ijo, kandi mulirya enyama, baitu mulirire emu matu ga MUKAMA nimugamba ngu noha alituha enyama tugirye? baitu kikaba kiri mugisa namberetuli omu Misiri: nikyo MUKAMA alibahera enyama, kandi mulirya. 19Timulirya ekiro kimu, nobukyakuba ebiro bitano, nobubyakuba ebiro amakumi abiri; 20baitu okuhikya okwezi kwona; okuhikya obwerituruka om nyindo zanyu; kandi erinahwa namberemuli: baitu mwahakaine MUKAMA ali omulinywe hagati, kandi muliririre omu maisoge nimugamba ngu Kiki ekyatuihireyo omu Misiri? 21Musa yagambira ati Abantu abandi hagati yabu bahika abasaija abagenda nebigere busirira mukaga; kandi ogambire oti Ndibaha enyama, balye bahikye omwezi kwona. 22Barabaitiraga ente nembuzi okubaigusa? rundi encu zona eziri omu nyanja zirisorozebwa habwabu okubaigusa?

23MUKAMA yagambira Musa ati Omukono gwa MUKAMA gugufuhire nandiki? nubwo orarora, rundi ekigambo kyange kirihika, rundi tikirihika 24Musa yaturuka, yagambira abantu ebigambo bya MUKAMA: yasoroza abantu ensanju abomu bakuru babantu, yabataho okwehinguliriza Ehema. 25MUKAMA yasirimuka omu kicu, yabaza nauwe, yaiha ha mwoyo ogukaba guli haluwe, yaguta ha bakuru ensanju: kandi kyahika, omwoyo obugwabahikireho, baragura, baitu batakole bati obwakabiri. 26Baitu abasaija babiri bakaba basigaire omu rukande, ibara eryomu nuwe Eridadi, nibara eryomu nuwe Medadi; kandi bakaba bali bomuli abo abahandikirwe, baitu bakaba bataturukire okugenda hali Ehema: baraga’ra omu rukande. 27Kandi omusigazi yairuka yatebeza Musa nagamba ati Eridadi na Medadi nibaragu’ra omu rukande: 28Kandi Yosuha mutabani wa Nuni, omuhereza wa Musa, omu hali abasaija abakomerwemu, yagarukamu nagamba ati Mukama wange Musa obatange. 29Musa yamugambira ati Okwasirwe ihali habwange? Ningonza abantu bona aba MUKAMA babe banabi, kandi MUKAMA abateho omwoyogwe! 30Musa yagenda omu rukande, uwe nabakuru ba Isareri. 31Kandi omuyaga gukarugayo hali MUKAMA, gwaleta endahi ezarugire ha nyanja, gwazinaga ha rukande, okuingana orugendo orwizoba limu ha rubaju runu norugendo orwizoba limu ha rubaju ruli, okwehinguririza orukande, kandi nkemikono ebiri okuruga ha maiso gitaka. 32Abantu baimuka baiza obuire kandi bakiisa obuire kandi bayeyongera izoba lya nyenkya nibasoroza endahi: ayasoroize enke muno nuwe yasoroize homere ikumi: bazeyanikira hona hona okwehinguririza orukande. 33Enyama obwekaba ekiri omu maino gabu, batakagifutaine, ekiniga kya MUKAMA kyayakira abantu, MUKAMA yatema abantu, MUKAMA yatema abantu norufu rwingi mono. 34Kandi ibara eryekiikaro eki kilyetwa Kiburosi-hatava: baitu nuho bazikire oku abantu abegombere. 35Okuruga Kiburosi-hatava abantu baimukya orugendo bagenda Hazerosi; baikara Hazerosi.