Swahili Bible2

10

1KANDI MUKAMA akagambira Musa ati Weko’re engwara ibiri ezefeza; 2olizihesa: kandi oraziteraga okweta ekitebe,kandi okuimukyanga orugendo. 3Kandi obubaraziteraga,ekitebe kyona barayesolorezaga nambelori hamulyango gehama yokutangatanganiramu. 4Kandi obubariba nibateraho limulyonka, nubwo abakuru, emitwe eyenkumi za Isareri, balyesoroleza namberoli. 5Kandi obumuliba nimutera okuzirahya omurundi ogwakabiri, enkande eziri ha rubaju rwobukizi bwobulyo ziriimukya orugendo: barateraga nibazirahya habwokuimukya orugendo. 6Kandi obumulitera okuzirahya omurundi ogwakabiri, enkande eziri ha rubaju rwobukizi bwobulyo ziriimukya orugendo: barateraga nibazirahya habwokuimukya orugendo. 7Baitu obumurabaga nimusoroza ekitebe murateraga, baitu mutalizirahya. 8Kandi batabani ba Aroni, banyakatagara, nibo barateraga engwara; kandi zirabaga namberemuli ekiragiro ekitalihwaho okuhikya obusinge bwanyu bwona. 9Kandi obumurararamaga omu nsi yowanyu okurwana nomunyanzigwa arukubahiga, nubwo murateraga engwara nimuzirahya, kandi muraijukwaga omu maiso ga MUKAMA Ruhanga wanyu, kandi murajunwaga hali abanyanzigwa banyu. 10Kandi omu kiro kyokusemererwa kwanyu, kandi omu bugenyi bwanyu obwataireho, kandi ha kubanza okwamezi ganyu, murateraga engwara ha byonzira byanyu ebyokeze, kandi ha byonzira ebyebihongwa byanyu ebyobusinge; kandi birabaga namberemuli ekiijukyo omu maiso ga Ruhanga wanyu; Ninyowe MUKAMA Ruhanga wanyu.

11Kandi kikahika omu mwaka gwakabiri, omu kwezi kwakabiri, ha kiro kyamakumi abiri ekyokwezi, ekicu kyaihwa ha ruguru yehema eyobwakaiso. 12Abana ba Isareri baimukya orugendo nkamagenda gabu okugali, nibaruga omu irungu lya Sinai; ekicu kyaikara omu irungu lya Parani. 13Kandi bakabanza okuimukya orugendo rwabu habwekiragiro kya MUKAMA omu mukono gwa Musa. 14Kandi okubanza, eberu eyorukande orwabana ba Yuda yaimukya orugendo nkamahe gabu okugali: kandi Nahasoni mutabani wa Aminadabu nuwe akabali omukuru, wiherye. 15Kandi Netaneri mutabani wa Zaura nuwe akabali omukuru wihe lyoruganda orwabana ba Isakara. 16Kandi Eryabu mutabani wa Heroni nuwe akabali omukuru wihe eryoruganda rwabana ba Zeburuni. 17Kandi basimbura ehema: batabani ba Geresoni na batabani ba Merali abahimbaga ehema baimukya orugendo. 18Kandi eberu eyorukande orwa Reubeni yaimukya orugendo nkamahe gabu okugali: kandi Erizura mutabani wa Sedeyura nuwe akabali omukuru wiherye. 19Kandi Serumyeri mutabani wa Zulisadai nuwe akabali omukuru wihe eryoruganda, rwabana ba Simeoni. 20Kandi Eryasafu mutabani wa Duyuweri nuwe akabali omukuru wihe eryoruganda rwabana ba Gadi. 21Kandi Abakohasi maimukya orugendo, bahimbire ebya harukwera abandi baimukya ehema bo batakahikire. 22Kandi eberu eyorukande rwabana ba Eferaimu yaimukya orugendo nkamahe gabu okugali: kandi Erisama mutabani wa Amihudi nuwe akabali omukuru wiherye. 23Kandi Gamalyeri mutabani wa Pedazura nuwe akabali omukuru wihe eryoruganda orwabana ba Manase. 24Kandi Abidani mutabani wa Gideoni nuwe akabali omukuru wihe eryoruganda orwabana ba Benyamini. 25Kandi eberu eyorukande orwabana ba Dani, orukaba ruli enyuma yenkande zona, rwaimukya orugendo nkamahe gabu okugali: kandi Ahyezere mutabani wa Amisadai nuwe akabali omukuru wiherye. 26Kandi Pagyeri mutabani wa Okirani nuwe akabali omukuru wihe eryoruganda orwabana ba Nafutali. 27Kandi Ahira mutabani wa Enani nuwe akabali omukuru wihe eryoruganda orwabana ba Nafutali. 28Oku nukwo kugenda kwabana ba Isareri nkamahe gabu okugali; baimukya orugendo.

29Kandi Musa yagambira Hobabu, mutabani wa Reuweri Omumidiani, isezera Musa ati Tuli omu rugendo, ntugenda omu nsi MUKAMA eyiyagambirehon ati Ndigibaha inywe: ija hamu naitwe, tulikukora kurungi: baitu MUKAMA agambire ebirungi ha Isareri. 30Yamugambira ati Tingende, baitu ndigarukayo omu nsi yowaitu, kandi omu bene baitu. 31Yagamba ati otatusiga nkwesengerize; baitu omanyire okuturukugonya omu irungu, kandi orabaga namberetuli omu kiikarokyamaiso. 32Kandi kirihika, obwoligenda naitwe, ego kirihika kiti, ekirungni kyona MUKAMA ekyaratukoraga, nikyo turakoraga iwe.

33Baimukya orugendo bagenda ebiro bisatu okuruga ha rusozi rwa MUKAMA; esanduko eyekiragano kya MUKAMA yabebembera orugendo orwebiro bisatu okubaseru’ra ekihumuro. 34Kandi ekicu kya MUKAMA kikaba kibaswekerire enyamusana, obubaimukize orugendo nibaruga omu rukande.

35Kandi kyahika esanduko obuyahimbwaga Musa yagambaga ati Imuka ai MUKAMA, abanyanzigwa bawe bararange; nabo abakunobere bairuke omu maiso gawe. 36Kandi obuyahumuraga yagamba ati Garuka ai MUKAMA, hali obukumi obwenkumi eza Isareri.