Swahili Bible2

1

1KANDI MUKAMA akagambira Musa omu irungu lya Sinai, omu hema yokutanganiramu, ha kiro kyokubanza ekyokwezi okwakabiri, omu mwaka gwakabiri bamazire okuruga omu nsi ya Misiri, nagamba ati

2Mubale omuhendo ogwekitebe kyona ekyabana ba Isareri nkebitabu byabu okubiri, nkenju zabaisebo okuziri, nkomuhendo ogwamabara okuguli, abasaija bona nkemitwe yabu okweri, 3abahikize emyaka abiri nokuhinguraho, bona abarukusobora okuramaga okurwana abomu Isareri, iwe na Aroni mulibabara nkamahe gabu okugali. 4Kandi hamu nainywe halibaho omuntu owomu ruganda rwona; omuntu wena mutwe gwenju yabaisenkuru. 5Kandi ganu nigo mabara gabasaija abalyeme’ra hamu nainywe: owomu Reubeni; Erizura mutabani wa Sedeyura. 6Owomu Simeoni, Serumyeri mutabani wa Zulisadai. 7Owomu Yuda, Nahasoni mutabani wa Aminadabu. 8Owomu Isakara, Netaneri mutabani wa Zuara. 9Owomu Zeburuni; Eryebu mutabani wa Heroni. 10Owomu bana ba Yusufu: omu Eferaimu; Erisama mutabani wa Amihudi: omu Manase; Gamalyeri mutabani wa Pedazura. 11Owomu Benyamin; Abidani, mutabani wa Gideoni. 12Owomu Dani; Ahyezere mutabani wa Amisadai. 13Owomu Asere; Pagyeri mutabani wa Okirani. 14Owomu Gadi; Eryasafu mutabani wa Deueri. 15Owomu Nafutali; Ahira, mutabani wa Enani. 16Banu nibo bayeserwe okuruga omu kitebe abakuru abenganda za baisenkurubo; bakaba bali emitwe eyenkumi za Isareri. 17Kandi Musa na Aroni batwara abasaija abo abarangirwa hanu amabara: 18basoroza ekitebe kyona ha kiro kyokubanza ekyokwezi kwakabiri, kandi baduma okuzarwa kwabu okukuli nkebitabu byabu okubiri, nkomuhendo ogwamabara okuguli, okuruga ha mwaka gwamakumi abiri nokukiraho, nkemitwe yabu okweri. 19Nka MUKAMA okuyaragire Musa, nukwo yababazire ati ogu irungu lya Sinai.

20Kandi abana ba Reubeni omuzigaijo wa Isareri, okuzarwa kwabu, nkebitabu byabu okubiri, nkenju zabaisenkurubo okuziri, nkomuhendo ogwamabara okuguli, nkemitwe yabu okweri, omusaija wena anyakuhikize emyaka amakumi abiri nokukiraho, bona abasoboire okuranga okurwana: 21abo ababazirwe mulibo abomu ruganda rwa Reubeni bahika bukumi rwa Reubeni bahika obukumi buna mu kakaga mu bitano.

22Omu bana ba Simeoni, okuzarwa kwabu, nkebitabu byabu okubiri, nkenju zabaisebo okuziri, abo ababazirwe omulibo, nkomuhendo ogwamabara okuguli, nkemitwe yabu okweri, omusaija wena anyakuhikize emyaka abiri nokukiraho, bona abasoboire okuramaga okurwana; 23abo abazirwe omulibo, abomu ruganda rwa Simeoni, bahika bukumi butano mu kenda mu bisatu.

24Omu bana ba Gadi, okuzarwa kwabu, nkebitabu byabo okubiri, nkenju zabaisebo okuziri, nkomuhendo ogwamabara okuguli, okuruga ha myaka amakumi abiri nokukiraho, bona abasoboire okuramaga okurwana; 25abo ababazirwe omulibo, abomu ruganda rwa Gadi, bahika bukumi buna mwenkumi itano mu rakaga mwatano.

26Omu bana ba Yuda, okuzarwa kwabu, nkebitabu byabu okubiri, nkenju zabaisebo okuziri, nkomuhendo gwamabara okugali, abahikize emyaka amakumi abiri nokukiraho, bona abasoboire okuramaga okurwana; 27abo ababazirwe omulibo, abomu ruganda rwa Yuda, bahika bukumi musanju mu nkumi ina mu rukaga.

28Omu bana ba Isakara, okuzarwa kwabu, nkebitabu byabu okubiri, nkenju, zabaisebo okuziri, nkomuhendo gwamabara okugali, abahikize emyaka amakumi abiri nokukiraho, bona abasoboire okuramaga okurwana; 29abo abazirwe omulibo, abomu bana ba Isakara, bahika bukumi butano mwenkumi ina mu bina.

30Omu bana ba Zeburuni, okuzarwa kwabu, nkebitabu byabu okubiri, nkenju zabaisebo okuziri, nkomuhendo gwamabara okugali, abahikize emyaka amakumi abiri nokukiraho, bona abasoboire okuramaga okurwana; 31abo ababazirwe omulibo, abomu ruganda rwa Zeburuni, bahika bukumi butano mu kasanju mu bina.

32Omu bana ba Yusufu, nukwo kugamba omu bana ba Eferaimu, okuzarwa kwabu, nekibtabu byabu okubiri, nkenju zabaisebo okuziri, nkomuhendo gwamabara okugali, abahikize emyaka amakumi abiri nokukiraho, bona abasoboire okuramaga okurwana; 33abo ababazirwe omulibo, abomu ruganda rwa Eferaimu, bahika bukumi buna mu bitano.

34Omu bana ba Manase, okuzarwa kwabu, nkebitabu byabu okubiri, nkenju zabaisebo okuziri, nkomuhendo gwamabara okugali, abahikize emyaka amakumi abiri nokukiraho, bona abasoboire okuramaga okurwana; 35abo ababazirwe omulibo, abomu ruganda rwa Manase, bahika bukumi busatu mwenkumi ibiri mu bibiri.

36Omu bana ba Benyamini, okuzarwa kwabu, nkebitabu byabu okubiri, nkenju zabaisebo okuziri, nkomuhendo gwamabara gabuokuguli, abahikize emyaka amakumi abiri nokukiraho, bona amakumi abiri nokukiraho, bona abasoboire okuramaga okurwana. 37abo ababazirwe omulibo, abomu bana ba Benyamini, bahika bukumi busatu mwenkumi itano mu bina,

38Omu bana ba Dani, okuzarwa kwabu, nkebitabu byabu okubili, nkenju zabaisebo okuziri, nkomuhendo gwamabara okugali, abahikize emyaka amakumi abiri nokukiraho, bona abasoboire okuramaga okurwana; 39abo ababazirwe omulibo, abomu ruganda rwa Dani, bahika bukumi mukaga mwenkumi ibiri mu kasanju.

40Omu bana ba Asere, okuzarwa kwabu, nkebitabu byabu okubiri, nkenju zabaisebo okuziri, nkomuhendo gwamabara okugali, abahikize emyaka amakumi abiri nokukiraho, bona abasoboire okuramaga okurwana; 41abo ababazirwe omulibo, abomu ruganda rwa Asere, bahika bukumi buna mu rukumi mu bitano.

42Omu bana ba Nafutali, okuzarwa kwabu, nkebitabu byabu okubiri, nkenju zabaisebo okuziri, nkomuhendo gwamabara okugali, abahikize emyaka amakumi abiri nokukiraho, bona abasoboire okuramaga okurwana; 43abo ababazirwe omulibo, abomu ruganda rwa Nafutali, bahika bukumi butano mwenkumi isatu mu bina.

44Banu nibo babazirwe, Musa na Aroni ababazire, nabakuru ba Isareri, abasaija ikumi nababiri: omuntu wena habwenju yabaise. 45Nukwo abo bona ababazirwe omu bana ba Isareri nkenju zabaisebo okuziri, abahikize emyaka amakumi abiri nokukiraho, bona abasoboire okuramaga, okurwana abomu Isareri; 46abo bona ababazirwe bahika busirira mukaga mwenkumi isatu mu bitano mwatano.

47Baitu Abalevi nkoruganda rwabaisebo okuruli batabarwe hamu nabo. 48Baitu MUKAMA 49akagambira Musa ati Oruganda rwa Levi nurwo rwonka otalibara, kunu otalibara omuhendo gwabu omu bana ba Isareri: 50baitu oteho Abalevi ha hema yobwakaiso, na ha byamu byona, na ha byona ebirukuterana nayo: barahimbaga ehema, na byamu byona; kandi baragiherezaga kandi baratemaga orukande rwabu nibehinguririza ehema. 51Kandi ehema obweraimukaga habworugendo, Abalevi baragisimburaga: kandi omunyaihanga anyakui’ra haihi araitwaga. 52Kandi abana ba Isareri barasimbaga ehema zabu, omuntu wena omu rukande rwowabu, kandi omuntu wena haihi neberu yowabu, nkamahe gabu okugali. 53Baitu Abalevi barasimbaga nibehinguririza ehemad yobwakaiso, ekiniga kireke okugwa ha kitebe k`yabana ba Isareri: kandi Abalevi baralindaga ehema yobwakaiso. 54Nukwo abana ba Isareri bakozire bati; nka byona MUKAMA ebiyaragire Musa okubiri nukwo bakozire bati.