Swahili Bible2

5

1NUBWO habaho okukunga kwingi okwabantu na bakazi babu hali bene babu Abayudaya. 2Baitu hakabaho abagambire ngu itwe batabani baitu nabahara baitu tuli baingi: tutunge engano tulye tube abomezi. 3Kandi abandi bakagamba ngu Ntukwatira ebihinga emisiri yaitu, nengonjo zaitu ezemizabibu, namaju gaitu: leka tutunge engano, baitu haroho enjara. 4Kandi hakaba haroho abagambire ngu Tukohoza efeza okumara omusoro gwomukama, twakwatiriza emisiri yaitu nengonjo zaitu ezemizabibu. 5Baitu omubiri gwaitu guli nkomubiri gwa bene baitu, nabana baitu bali nkabana babu: kandi dora, ntutahya omu bairu abana baitu abojo nabaisiki okuba abairu, kandi abamu hali abahara baitu bali omu bairu na hati: kunu titunyina obusobozi okukitanga; baitu abasaija abandi banyina emisiri yaitu nengonjo zaitu ezemizabibu. 6Nabihirwa muno obunahulire okubihirwa muno obunahulire okukunga kwabu nebigambo ebi. 7Nubwo nahanura nyenka nomutima gwange, nahakana nabanyoro nabalemi, nabagambira nti Nimusagisa ensagi omutima wena ha mugenziwe. Nasoroza orukurato orwingi okuhakana nabo. 8Nabagambira nti itwe nkobusobozi bwaitu okubukaba buli tukacungura bene baitu Abayudaya, abakaba baguzirwe nabakafiri: kandi inywe nimwenda okugura bene banyu, kandi kisemerire bo okugurwa itwe? Nubwo baculera, batabone kigambo. 9Kandi nagamba nti Ekigambo ekimurukukora tikiri kirungi: tikibahikirire okugenda nimutina Ruhanga waitu, habwekijumo kyabakafiri abanyanzigwa baitu? 10Nanyowe, bene baitu nabairu bange, tubohoire efeza nengano habwensagi. Mbesengerize, tuleke ekigambo kinu ekyensagi. 11Mubaguru’re, mbesengerize, ha kiro kinu, emisiri yabu, engonjo zabu ezemizeituni, nenju zabu, kandi ekicweka kyekikumi ekyefeza, nekyengano, nekyamarwa, nekyamarwa, nekyamagita, ekimwabacwerire. 12Nubwo bagamba ngu Turabiga’ra, kandi titulibaihaho kantu; nukwo bagamba ngu Turabiga’ra, kandi titulibaihaho kantu; nukwo tulikora tuti,, nkokwogambire. Nubwo nayeta banyakatagara, nabarahiza ekirahiro, bakole nko murago ogu okugukaba guli. 13Kandi nakunkumura orugoye rwange ningamba nti Nukwo Ruhanga alikunkumura ati omu njuye nomu mulimogwe, omuntu wena atalihikiriza omurago gunu; nukwo alikunkumu’rwa namarwamu. Abekitebe bona bagamba ngu Amina,, bakugiza MUKAMA. Kandi abantu bakora nkomurago ogu okugukaba guli. 14Kandi okuruga ha kasumi obunatairweho okuba omulemi wabu omu nsi ya Yuda, okuruga ha mwaka gwa Atakisakisi omukama ogwasatu nebiri, nukwo kugamba ngu emyaka ikumi nebiri, nyowe nabagenzi bange tutalye ha byokulya ebyomulemi. 15Baitu abalemi abandi ababandize nyowe bakajwahya abantu, nibabaihaho ebyokulya namarwa, na sekeri zefeza amakumi ana; ego nabairu babu balemaga abantu: baitu nyowe ntakole nti, habwokutina Ruhanga. 16Nukwo, nkeyongera okukora omulimo gwa muhuruzi egi, kunu tutagule obutaka: nabairu bange bona bakesorela oku ha mulimo. 17Kandi ha meza yange hakaba haroho Abayudaya nabalemi abasaija kikumi mwatano, okutabaraho abo abaijaga namberatuli nibaruga omu bakafiri abatwehingulirize. 18Lero ebyokulya ebyekiro kimu ebibatekanisiga bikaba biri ente emu nentama enungi mukaga; kandi bantegekeraga bikaba biri ente emu nentama enungi mukaga; kandi bantegekeraga enkoko, kandi omurundi gumu ebiro ikumi amarwa agemiringo yona: baitu ebi byona nobubyabaire biti ntasabe ebyokulya ebyomulemi, baitu obuiru bukajwahya muno abantu abo. 19Ruhanga, oijuke namberendi habwoburungi, byona ebinakolire abantu banu.