Swahili Bible2

2

1KANDI kikahika omu kwezi Nisani, omu mwaka gwa Atakisakisi omukama ogwamakumi abiri, amarwa obugakaba gali omu maisoge nyowe nakwata amarwa, nagahereza omukama. Lero nkaba ntakaganyaga omu naisoge. 2Omukama yagambira ati Kiki amaisogawe okuganya, baitu toli murwaire? Nukwo kutuntura mali okwomutima. Nyowe natina muno. 3Nagambira omukama nti Omukama ahangirize ebiro byona: amaiso gange okutatuntura niki, baitu orubuga, ekiikaro kyegasani yabaisenkurunyowe kiri kifuruka, nenyigi nyowe, ruli kifuruka, nenyigi zarwo zokibwe nomu’ro? 4Nubwo omukama yagambira ati Nosaba ki? Nukwo nasaba 5Ruhanga womu iguru. Nagambira omukama nti Obukiriba nikisemera hali omukama, kandi omuiru wawe obwaraba aboine embabazi omu maiso gawe, iwe okutuma Yuda, ha rubuga rwegasani yabaisenkuru nyowe, ndwombeke. 6Omukama yagambira ati (kandi omugo akaba aikalire ha rubajurwe), orugendo rwawe ruliba rwebiro bingaha? Kandiorigaruka di? Nukwo omukama yasima okuntuma; 7kandi nkamuraga akasumi. Kandi nagambira omukama, nti Obukiraba kisemire hali omukama, mpabwe ebaruha hali abalemi abenseri yekyambu, bandabyemu okumpikya Yuda; 8nebaruha hali Asafu omulinzi wekibira kyomukama, ampe emiti okukora embaho ezenyigi zorukomero oruli rwenju, kandi habwa muhuruzi yorubuga, kandi habwenju eyinditahamu. Omukama yampa habwomukono omurungi ogwa Ruhanga wange ogukaba guli hali nyowe. 9Nubwo naija hali abalemi abenseri yekyambu, nabaha ebaruha zomukama. Lero mukama akaba atumire engabwa ezihe nabahambarasi. 10Kandi sanibarati Omuhoroni na Tobiya omuiru Omwamoni obubakihurire, kikabasaliza muno, baitu omuntu aizire okuseru’ra abana ba Isareri omugisa. 11Nukwo naija Yerusalemu, naikarayo ebiro bisatu. 12Naimuka ekiro, nyowe nabasaija bake abakaba bali nanyowe; kunu ntagambire omuntu nomu eki Ruhanga wange ekiyataire omu mutima gwange okuko’ra Yerusalemu: kunu hatabeho ekisoro nanyowe, rundi ekisoro ekinatembere. Naturuka ekiro omu irembo eryekihanga, 13haihi niziba eryekijoka, nirembo eryobusa, narora muhuruzi ya Yerusalemu, ekaba eseserwe hansi, nenyingi zayo zokibwe nomu’ro. 14Nubwo nagenda hali irembo eryensoro yamaizi nekijongo kyomukama: baitu batabeho omwanya gwekisoro ekinatembere okurabamu. 15Nubwo natemba ekiro ha kyambu, narora muhuruzi; nahinduka enyuma, nataha omu irembo lyekihanga, nagaruka nti. 16Kandi abalemi batamanye nambere nagenzire nobukyakuba ekinakozire; baitu nkaba ntakagambire Abayudaya, nobubakuba banyakatagara, nobabakuba banyakatagara, nobabakuba abanyoro nobubakuba abalemi, nobubakuba abandi abakozire omulimo. 17Nubwo nabagambira nti Muboine okutuli kubi, Yerusalemu kifuruka, nenyigi zarwo zokibwe nomu’ro: muije twombeke muhuruzi ya Yerusalemu, tuleke okuba ekijumo. 18kandi nabagambira ebyo mukonogwa Ruhanga wange okugukaba guli murungi hali nyowe: Nebigambo ebyomukama ebiyagambire nyowe. Bagamba ngu Tuimuke, twombeke. Nukwo bagumya emikono yabu habwomulimo omurungi. 19Baitu Sanibarati Omuhoroni, na Tobiya omuiru,, Omwamoni, na Gesemu Omwarabu, obubakihulire, batusekereza muno, batugaya, nibagamba ngu Kigambo ki kinu ikimurukukora? Mu lyemera omukama? 20Nabagarukamu nimbagambira nti Ruhanga womu iguru, nuwe alituha omugisa; nikyo itwe abairube tulimukira twombeke: baitu inywe timunyina mugabo nobubwakuba obulyo nobukyakuba ekiijukyo, omu Yerusalemu.