Swahili Bible2

11

1KANDI abakura babantu baikaraga Yeruslemu: nabantu abasigaireho batoma, habwokuiha omuntu omu omu Bantu ikumi, aikalege Yerusalemu orubuga orurukwera, nabandi mwenda baikalege, nabandi omu mbuga ezindi. 2Kandi abantu basima abasaija bona abayekomere nibagonza okuikara Yerusalemu. 3Kandi banu nibo bakuru bisaza abaikaire Yerusalemu: baitu omu mbuga za Yuda omuntu wena yaikaraga omu butakabwe omu mbuga zabu, nukwo kugamba ngu Isareri, banyakatagara, Nabalevi, Nabanesini, nabana babairu ba Sulemani. 4Kandi omu Yerusalemu haikaramu abamu abomu bana ba Yuda, nabomu bana ba Benyamini. Abomu bana ba Yuda: Ataya mutabani wa Uziya, mutabani wa Zekaliya, mutabani wa Amaliya, mutabani wa Zefatiya, mutabani wa Muharaleri, 5owomu bana ba Perezi; na Maaseya mutabani wa Baruki, mutabani wa Koli-hoze, mutabani wa Hazaya, mutabani wa Adaya, mutabani wa Yoyalibu, mutabani wa Zekaliya, mutabani Womusiro. 6Abana bona aba Perezi abaikaire Yerusalemu bahika abasaija bobumanzi bina mu nkaga mu munana. 7Nabama ba Benyamini mbanu: Saru mutabani wa Yoedi, mutabani wa Pedaya, mutabani wa Mesuramu, mutabani wa Yoedi, mutabani wa Pedaya, mutabani wa Koraya, mutabani wa Maaseya, mutabani wa Ityeri, mutabani wa Yesaya. 8Kandi hanyuma yogu Gabai, Sarai, rwendamwabiri mu munana. 9Kandi Yoweri mutabani wa Zikiri nuwe akaba nabarole’ra: kandi Yuda mutabani wa Hasenuha nuwe akabali okwakabiri okulema orubuga. 10Abomu banyakatagara: Yedaya mutabani wa Yoyalibu, 11Yakini, Seraya mutabani wa Hirikiya, mutabani wa Mesuramu, mutabani wa Mesura, mutabani wa Zadoki, mutabani wa Merayosi, mutabani wa Ahitubu, omulemi wenju ya 12Ruhanga, na bene babu abakozire omulimo gwenju, runana mwabiri mu babiri: na Adiya, mutabani wa Yerohamu, mutabani wa Peraliya, mutabani wa Amuzi, mutabani wa Zekaliya, mutabani wa Pasihura, mutabani wa Malikiya, na bene babu, 13abakuru benju yabaisebo, bibiri mwana mu babiri: na Amasai mutabani wa Azareli, mutabani wa Ahizai, mutabani wa Mesiremosi, mutabani wa Imere, 14na bene babu, abasaija bamani abobumanzi, kikumi mwabiri mu munana: kandi Zabudyeri nuwe akaba nabarole’ra, mutabani wa Hagidolimu. 15Kandi abomu Balevi: Semaya mutabani wa Hasubu, mutabani wa Azirikamu, mutabani wa Hasabiya, mutabani wa Buni; 16na Sabisai na Yozabadi abomu bakuru Babalevi, abarolerire emirimo eyaheru eyenju ya Ruhanga; 17na Mataniya mutabani wa Mika, mutabani wa Zabundi, mutabani wa Asafu, kandi akabali omukuru okutandika okusima omu kusaba, na Bakibukiya, owakabiri omu bene babu; na Abuda mutabani wa Samuha, mutabani wa Garali, mutabani wa Yedusuni. 18Abalevi bona abomu rubuga orurukwera bahika bibiri mu kinana mu bana. 19Kandi abakumirizi, Akubu, Talimoni, na bene babu, abalindaga ha malembo, bahika kikumi mu nsanju mu babiri. 20Nabaisereri abasigaireho, ha banyakatagara Abalevi, bakaba bali omu mbuga zona eza Yuda, omuntu wena omu bugwetwabwe. 21Baitu Abesini baikaraga omu Oferi: na Ziha na Gisipa nibo barole’raga Abanesini. 22Kandi Uzi mutabani wa Bani, mutabani wa Hasabiya, mutabani wa Mataniya, mutabani wa Mika, womu batabani ba Asafu abazini, nuwe akabali omurolerezi Wabalevi omu Yerusalemu okusemeza omulimo ogwenju ya Ruhanga. 23Baitu omukama akaba aragire ekiragiro namberebali, ebigambo ebyagumirweho habwabazini, nkokutaga kwa bukyabukya okukukaba kuli. 24Kandi Petahiya mutabani wa Mesezaberi, owomu bana ba Zera mutabani wa Yuda, akabali ha mukono gwomukama omu bigambo byona ebyabantu. 25Kandi habwebika hamu nemisiri yabyo, abamu hali abana ba Yuda baikara Kiryasi-araba nembugazayo, nomu Diboni nembuga zayo,nomu Yekabuzeri nebika bya 26y0; nomu Yesuha, nomu Morada, 27na Besi-pereti; nomu Hazarasuhali, nomu Beeri-seba nembuga zayo; 28nomu Zikiragi, nomu 29Mekona nomu mbuga zayo; nomu Eni-rimoni, nomu Zora, nomu Yaramusi; 30Zanoha, Aduramu, nebika byazo, Lakisi nemisiri yayo, Azika nembuga zayo. Nukwo batemere bati enkande okuruga Beeri-seba nokuhikya ekihanga kya Hinomu. 31Nabana ba Benyamini bakaikara okuruga Geba nokweyongerayo omu maiso, Mikimasi na Aiya, na Beseri nembuga zayo; 32Anatosi, Nobu, Ananiya; 33Hazora, Rama, Gitaimu; 34Hadidi, Zeboimu, Nebarati; 35Lodi, na Ono, ekihanga kya bafundi. 36Kandi abomu Balevi, embu ezimu ezomu Yuda zikateranizibwa na Benyamini.