Swahili Bible2

9

1KANDI kikahika ha kiro kya munana, Musa yayeta Aroni na batabanibe nabakuru ba Isareri: 2Yagambira Aroni ati Wetwa’re enimu ento okuba ekihongwa ekyekibi, nempaya okuba ekihongwa ekyokeze, italoho kamogo, ozihongere omu maiso ga MUKAMA. 3Kandi oragambira abana ba Isareri oti Mwetwa’re emburabuzi empaya okuba ekihongwa kyekibi; nenyana nentama ezitahikize omwaka, italoho kamogo, okuba ekihongwa ekyokeze: 4nenimi nempaya okuba ebihongwa ebyobusinge, okuhaya ekyonzira omu maiso ga MUKAMA; nokuba ekihongwa kyebyokulya ekitugirwe namagita: baitu hati MUKAMA arababonekera. 5Baleta ebi Musa ebiyaragire omu maiso gehema yokutangatanganiramu: abokuso’rokana bona bai’ra haihi bayeme’ra omu maiso ga MUKAMA. 6Musa yagamba ati Kinu nikyo kigambo MUKAMA ekiyaragire inywe mukikole: kandi ekitinisa kya MUKAMA kirababonekera. 7Musa yagambira Aroni ati I’ra haihi hali ekyoto, ohonge ebihongwa kyawe ekyebibi, nekihongwa kyawe ekyokeze werihi’re habwawe kandi habwabantu: kandi ohonge ekisembo ekyabantu, obalihi’re; nka MUKAMA okuyaragire. 8Nukwo Aroni yai’ra haihihali ekyoto, yaita enimi eyekihongwa ekyekibi ekikaba kiri habwe wenka. 9Na batabani ba Aroni bamuletera esagama: yaibika orukumurwe omu sagama, yagita ha mahembe gekyoto, yasesa esagama ha kibunu kyekyoto: 10baitu ebisajwa nensigo, nensahu eyarugire ha bune obwekihongwa ekyekibi, yabyokya ha Kyoto; nka MUKAMA okuyaragire Musa. 11Nenyama nomuguta yabyokya nomu’ro aheru yorukande. 12Kandi yaita ekihongwa ekyokeze; 13batabani ba Aroni bamuletera esagama, yagimisa ha Kyoto embaju zona. Kandi bamuletera ekihongwa ekyokeze; omwanya nomwanya, nomutwe: yabyokya aha kyoto. 14Kandi yayogya ebyomunda namaguru, 15yabyokya ha kihongwa ekyokeze ha Kyoto. Kandi yaleta ekisembo ekyabantu, yatwara embuzi eyekihongwa ekyekibi ekaberi habwabantu yagiita yagihonga habwekibi, nkekyokubanza. 16Kandi yaleta ekihongwa ekyokeze, yakihonga nkekiragiro okukiri. 17Kandi yaleta ekihongwa ekyebyokulya, yaroraho ekihi, yakyokya ha Kyoto, kandi nekihongwa ekyokeze ekya nyenkya. 18Kandi yaita enimi nempaya, ekyonzira kyebihongwa ebyobusinge ekibabi kiri habwabantu: batabani ba Aroni bamuletera esagama, yagimisa hakyoto embaju zona, nebisajwa ebyenimi; 19nebyempaya, omukira ogwebisajwa, kandi nebi ebisweke’ra ebyomunda, nensigo, nensahu eyobune: 20kandi bata ebisajwa ha mbanda, kandi yayokya ebisajwa ha Kyoto: 21nembanda nekirumbu ekyobulyo Aroni yabihungyahungya okuba ekihongwa ekyokuhungyahungya omu maiso ga MUKAMA; nka Musa okuyaragire. 22Aroni yaimukya emikonoye ahali abantu, ybasabira omugisa; yasirimuka amazire okuhonga ekihongwa ekyekibi nekihongwa ekyokeze, nebihongwa ebyobusinge. 23Musa na Aroni bagenda omu hema yokutangatanganiramu, baturuka basabira abantu omugisa: ekitinisa kya MUKAMA kyabonekera abantu bona.

24Nomu’ro gwaruga omu maiso ga MUKAMA, gwaruga omu maiso ga MUKAMA, gwayokya gwamaraho ha Kyoto ekihongwa ekyokeze nebisajwa: abantu bona obubabone batoka, bajumika amaiso gabu.