Swahili Bible2

8

1KANDI MUKAMA yagambira 2Musa ati Twara Aroni na batabanibe hamu nauwe, nebyokujwara, namagita egokusiga, nenimi eyekihongwa kyebibi, nempaya ibiri, nekiibo ekyemigati etatumbisibwe; 3osoroze abokuso’rokana bona ha mulyango gwehema yokutangatanganiramu. 4Musa yakora nka MUKAMA okuyamuragire; obokuso’rokana bayesoroza ha mulyango gwehema yokutangatanganiramu. 5Musa yagambira abokuso’rokana ati Kinu nikyo kigambo MUKAMA ekiyaragire okukorwa. 6Musa yaleta Aroni na batabanibe yabogya na maizi. 7Yamutaho ekizibaho, yamutega nomweko, yamujweka orugoye, yamutaho efodi, yamutega omunda norukoba orwefodi orwarukirwe namagezi, yagimugumyaho narwo. 8Yamutaho ekyahakifuba yatamu Ulimu na Tumimu. 9Yataho ekiremba ha mutwegwe; kandi ha kiremba omu maiso yataho epapi yezabu, ekondo erukwera; nka MUKAMA okuyaragire Musa.

10Musa yakwata amagita agokusiga, yasiga ehema na byona ebikaba birumu, yabyeza. 11Yamisago ha Kyoto emirundi musanju, yasiga ekyoto nebintu byakyo byona, norwoho nekibunu kyarwo okubyeza. 12Yasesa amagita gokusesaho ha mutwe gwa Aroni, yagumusesaho okumweza. 13Musa yaleta batabani ba Aroni, yabajweka ebizibaho, yabatega omunda nemyeko, yabagumyaho ebihuta ebyahamitwe; nka MUKAMA okuyaragire Musa. 14Yaleta enimu eyekihongwa kyekibi; kandi Aronina batabanibe bata emikono eyekihongwa kyekibi. 15Yagiita; Musa yakwata ha sagama, yagita ha mahembe gekyoto embaju zona norukumurwe, yasemeza ekyoto, yasesa esagama ha kibunu kyekyoto, yakyeza okulihi’ra. 16Yakwata ebisajwa byona ebikaba biri ha byomunda nensahu yobune, nensigo ibir, nebisajwa byazo, Musa yabyokya ha Kyoto. 17Baitu enimi, nomuguta gwayo, nenyama yayo, nefa yayo yabyokya nomu’ro aheru yorukande; nka MUKAMA okuyaragire Musa. 18Yaleta empaya eyekihongwa ekyokeze; Aroni na batabanibe bata emikono yabu ha mutwe gwempaya. 19Yagiita: Musa yamisa esagama ha Kyoto embaju zona. 20Yiiha empaya emyanya yayo; Musa yayokya omutwe, nemyanya nebisajwa. 21Yagogya ebyomunda namaguru namaizi: Musa yayokya empaya yona ha Kyoto: kikaba kiri ekihongwa ekyokeze okuba ekisorokoko ekirungi: kikaba kiri ekihongwa ekikorwa nomu’ro hali MUKAMA; nka MUKAMA okuyaragire Musa. 22Yaleta empaya endi, empaya eyokusoroza; kandi Aroni na batabanibe bata emikono yabu ha mutwe gwempaya. 23Yatiita, Musa yaiha ha sagama yayo, yagita ha nsonga yokutu okwobulyo okwa Aroni, na ha kyara kisaija ekyomukonogwe ogwobulyo, na ha kyara kisaija ekyekigerekye ekyobulyo. 24Yaleta batabani ba Aroni, Musa yaiha ha sagama, yagita ha nsonga yokutu kwabu okwobulyo, na ha kyara kisaija ekyomukono gwabu ogwobulyo, na ha kyara kisaija ekyekigere kyabu ekyobulyo: Musa yamisa esagama ha Kyoto embaju zona. 25Yakwata ha bisajwa,nomukira gwebisajwa,nebisajwa byona ebikaba biri habyomunda, nensahu yobune,nensi go ibiri,nebisajwa byazo,nekirumbu ekyoburyo: 26kandi yaiha omu kiibo kyemigati etatumbisibwe ekaberi omu maiso ga MUKAMA omugati gumu ogutatumbisibwe, nomugati gumu oguloho amagita, necupati emu, yabita ha bisajwa na hakirumbu ekyobulyo: 27yata byona ha ngaro za Aroni na hangalo za batabanibe, yabihungyahungya okugba ekihongwa ekyokuhungyahungya omu maiso ga MUKAMA. 28Musa yabiiha ha ngalo zabu yabyokya ha Kyoto ha kihongwa ekyokeze: bikaba biri ebyokusorozamu okuba ekisorokoko ekirungi: kikaba kiri ekihongwa ekikorwa nomu’ro hali MUKAMA. 29Musa yatwara embanda, yagihungyahungya okuba ekihongwa ekyokuhungyahungya omu maiso ga MUKAMA: kihaba kiri omugabo gwa Musa ogwempaya eyokusororamu; nka MUKAMA okuyaragire Musa. 30Musa yaiha ha magita agokusiga, kandi ha sagama ekaberi ha Kyoto, yagimisa ha Aroni, ha byokujwara bya batabanibe hamu nauwe; yayeza Aroni, ebyokujwarabye, na batabanine, hamu nauwe. 31Musa yagambira Aroni na batabanibe ati Mucumbe enyama ha mulyngo gwehema yokutangatanganiramu: kandi nuho muragirira nomugati oguli omu kiibo ekyokusororamu, nkokunaragire ningamba nti Aroni na batabanibe barabirya. 32Kandi ebi ebirisaga ha nyama nomugati mulyokya nomu’ro. 33Kandi mutaliruga omu mulyango gwehema yokutangatanganiramu ebiro musanju, okuhikya ebiro ebyokusororwa kwanyu obuburihik’ra: baitu alibasorora ebiro musanju. 34Nkokubakozire hati, nukwo MUKAMA aragire okukora, okubalihi’ra. 35Kandi ha mulyango ogwehema yokutangatananiramu muliikaraho nyamusana nekiro okuhikya ebiro musanju, nimukwata ekiragiro kya MUKAMA, mutafa: baitu nukwo ndagirwe nti. 36Kandi Aroni na batabanibe bakakora ebigambo byona MUKAMA ebiyaragire habwomukono gwa Musa.