Swahili Bible2

7

1KANDI kinu nikyo kiragiro ekyekihongwa ekyomusango: kiba ekirukwera muno. 2Omu kiikaro namberenuho baitira ekihongwa ekyokeze nuho baliitira ekihongwa ekyomusango: kandi esagama yakyo aligimisa ha Kyoto embaju zona. 3Kandi alihonga ebiswaja byakyo byona; emukira ogwebisajwa, nebisajwa ebiseke’ra 4ebyomunda, ensigo ibiri nebisajwa ebizoroho ebiri ha mugongo, nensahu eri ha bune hamu nensigo alibiihao: 5kandi nyakatagara alibyokya hakyoto okuba ekihongwa ekikorwa nomu’ro hali MUKAMA: nikyo kihongwa ekyomusango. 6Omuasaija wena omu banyakatagara alikiryaho: kiriribwa omu kiikaro ekirukwera: kiba ekirukwera muno. 7Nkekihongwa kyebibi okukiri, nukwo kiri kiti ekihongwa ekyomusango binyina ekiragiro kimu: nyakatagara anyakuliha nakyo, nuwe aliba nakyo. 8Kandi nyakatagara anyakuhonga ekihongwa ekyomuntu wena, nyakatagara ogu alitunga wenka omuguta ogwekihongwa ekyokeze ekyaliba ahongere. 9Kandi ekihongwa kyona ekyebyokulya ekyokebwe omu ryokezo, na kyoma ekikorwa nekikarango naha sufuliya kirabaga kya nyakatagara anyakukihonga. 10Nekihongwa kyona kyebyokulya ekitungwa kyona kyebyokulya ekitungwa namagita rundi ekyomere, abana ba Aroni bona barakitungaga, ondi nond nibaingananaingana. 11Kandi kinu nikyo kiragiro ekyekyonzira kyebihongwa ebyobusinge, omuntu ekyarahongaga hali MUKAMA. 12Obwaliba nakihonga habwokusima nubwo alihonga hamu nekyonzira kyokusima, emigati etatumbisibwe etugirwe namagita, necupati atatumbisibwe esigirwe namagita, nemigati etugirwe namagita nensano enungi ibikirwe. 13Alihonga ekisembokye hamu nemigati etumbisibwe ham nekyonzira kyebihongwabye ebyobusinge habwokusima. 14Kandi aliiha omugati gumu omu kisembo kyona nakihonga okuba ekihongwa ekihimbwa hali MUKAMA; kiriba kya nyakatagara anyakumisa esagama eyebihongwa ebyobusinge. 15Nenyama eyokyonzira nkebihongwabye ebyobusinge habwokusima eralibwaga ha kiro kyekisembokye taligisigaho okuhikya nyenkya. 16Baitu ekyonzira ekyekisembokye obukiriba kiri kyokwerraga, rundi ekihongwa ekyokugonza kiribwa ha kiro ekyahongeraho ekyonzirakye: kandi nyenkya egi enyakusigaraho eralibwa 17baitu enyama egi eyekyonzira erisigaraho okuhikya ekiro kyakasatu eryokebwa nomu’ro. 18Kandi enyama yona eyekyonzira kyebihongwabye ebyobusinge obweriba neribwa ha kiro kyakasatu, tiriiikirizibwa kunu teriba’rwa hali ogu anyakugihonga: kiriba ekinugwa, kandi obwomezi obuligiryaho bulibaho omusango. 19Nenyama erihika ha kintu kyona ekitasemire teriribwa;eryokebawa nomu’ro. 20Kandi ebyenyama, omuntu wena asemire aligilyaho: baitu omuntu anyakulya ha nyama eyekyonzira ekyebihongwa byobusinge ebya MUKAMA aloho okutasemerakwe, omuntu ogu aliihwa omu Bantu bowabu. 21Kandi omuntu wena obwarakoraga ha kintu kyona ekitasemire, okutasemera kwomuntu, rundi ekisoro ekitasemire, rundi ekinugwa kyona ekyitasemire, nalya ha nyama eyekyonzira kyebihongwa ebyobusinge, ebiri bya MUKAMA, omuntu ogu aliihwa omu Bantu bowabu.

22Kandi MUKAMA yagambira 23Musa ati Gambira abana ba Isareri oti Mutalirya ha bisajwa ebyenimi rundi ebyentama rundi ebyemburabuzi. 24Nebisajwa byegi erifa yonka, nebisajwa byegi eritagurwa enyamaiswa bnibisoro okukozebwa omulino gwona ogundi. Baitu mutalibilyaho na kake. 25Baitu omuntu wena aralyaga ebisajwa byekisoro abantu ekibahonga ekihongwa ekikorwa nomu’ro hali MUKAMA, omuntu ogu alibirya aliihwa omu Bantu bowabu. 26Kandi mutalirya ha sagama yona yona, rundi eyenyonyi rundi eyekisoro, omu nju zanyu zona. 27Omuntu wena wena alirya ha sagama, omuntu ogu aliihwa omu Bantu bowabu.

28Kandi MUKAMA yagambira 29Musa ati Gambira abana ba Isareri oti Ogu alihonga ekyonzira ekyebihongwabye ebyobusinge hali MUKAMA alireta ekisembokye hali MUKAMA nakiiha omu kyonzira ekyebihongwabye ebyobusinge.: 30Engaroze wenka nizo zirireta ebihongwa bya MUKAMA ebikorwa nomu’ro; ebisajwa hamu nembanda alibireta, embanda agihungyahungye omu maiso ga MUKAMA okuba ekihongwa ekyokuhungyahungya. 31Kandi nyakatagara alyokya ebisajwa ha Kyoto; baitu embanda eriba ya Aroni nabanabe. 32Nekirumbu ekyobulyo mulikiha nyakatagara okuba ekihongwa ekihimbwa nimukiiha omu byonzira byebihongwa byanyu ebyobusinge. 33Ogu owomu bana ba Aroni anyakuhonga esagama eyebihongwa byobusinge, nebisajwa, alitunga ekirumbu ekyobulyo okuba omugabo. 34Baitu embanda eyokuhungyahungya nekirumba ekihimbwa nyihire ha bana ba Isareri omu byonzira byebihongwa byabu ebyobusinge, kandi mbihaire Aroni nyakatagara nabanabe okuba nkibanja ebiro byona eryabana ba Isareri.

35Ogu nugwo mugabo gwa Aroni nomugabo gwabanabe oguiihwa omu bihngwa ebya MUKAMA ebikorwa nomu’ro, hakiro ekiyabaletireho okuhereza hali MUKAMA omu bunyakatagara; 36MUKAMA oguyaragire abana ba Isareri okubaha ha kiro eki ekiyabasesireho amagita. Liriba ibanja ebiro byona okuhikya obusinge bwabu. 37Eki nikyo kiragiro ekyekihongwa ekyokeze, kandi ekyekihongwa kyebyokulya, kandi ekyehihongwa kyekibi, kandi ekyekihongwa kyomusango, kandi ekyokusororamu, kandi ekyekyonzira kyebihongwa ebyobusinge; 38MUKAMA ekiyaragire Musa ha rusozi Sinai ha kiro eki ekiyaragiriremu abana ba Isareri okuhonga ebisembo byabu hali MUKAMA, omu irungu lya Sinai.