Swahili Bible2

5

1KANDI omuntu wena obwarasisaga, baitu ahu’ra iraka eryokurahiza, uwe ali kaiso, rundi aboine, rundi amanyire, obwaliba atarukugamba aligwerwa omusango; 2rundi omutumbi gwekisoro ekitasemire, rundi omutumbi ogwebinyakweku’ra ebitasemire, kandi atakakimanyire, kandi afoka atasemirie, nubwo aragwerwaga omusango: 3rundi obwarakoraga ha kutasemera okukora kubi, rundi okukora kurungi nkokukiriba kiri omuntu ekyalirahira kwomuntu, okutasemerakwe nkokukurabaga ha kutasemiera kwomuntu, okutasemerakwe nkokukurabaga kuli okumusisa, kandi atakakimanyire, obwalikimanya nubwo aligwerwa omusango; 4rundi omuntu wena obwaliba narahira bwango nayanguhiza, kadi atakamanyire obwalikimanya nubwo aligwerwa omusango omu bigambo ebi: 5kandi kirihika obwaligerwa omusango omu bigambo ebi; alyatura eki ekyaliba akozire, ebuguma eyomu igana, rundi entama, rundi emburabuzi, okuba ekihongwa ekyekibi; 6kandi nyakatagara alimulihi’ra habwekibikye. 7Kandi obwalibali omunaku atarukusobora ekyana kyentama, nubwo alireta ekihongwakye ekyomusango habweki ekyaliba asisiire, enduka ibiri, hali MUKAMA, emu okuba ekihongwa kyekibi, kandi emu okuba ekihongwa ekyokeze. 8Kandi alibireta hali nyakatagara, nuwe alibanza okuhonga egi eyekihongwa kyekibi, kandi alihotora omutwe gwayo ha bikya byayo, baitu taligisaramu habiri; 9kandi aliiha ha sagama yekihongwa kyekibi nagimisa ha rubaju rwekyoto; nesagama esigaraho erikenenuka ha kibunu kyekyoto; nikyo kihongwa kyekibi. 10Kandi alihonga eyakabiri okuba ekihongwa ekyokeze nkekiragiro okukiri; kandi nyakatagara olimulihi’ra habwekibikye ekyaliba akozire, kand aliganyirwa.

11Baitu obwalibali omunaku atarukusobora enduka ibiri rundi amaiba amato abiri, nubwo alireta ekisembokye habwekibi eki ekyaliba akozire, ekicweka kya ikumi ekya efa yesano enungi okuba ekihongwa ekyekibi; talikitaho amagita, kunu talikitaho enkwasi: baitu nikyo kihongwa kyekibi. 12Kandi aligireta hali nyakatagara, kandi nyakatagara aliyoraho ekihi okuba ekikijukyo kyayo nagyokya ha Kyoto, ha bihongwa bya MUKAMA ebikorwa nomu’ro: nikyo kihongwa ekyekibi. 13Kandi nyakatagara alimuli’ra, habwekibikye ekyaliba akozire omu bigambo ebi byona, kandi aliganyirwa kandi erisigaho eriba ya nyakatagara nkekihongwa ekyebyokulya okukiri.

14MUKAMA yagambira Musa ati 15Omuntu wena obwaliba nasobya atagenderire, omu bigambo bya MUKAMA ebirukwera: nubwo alireta ekihongwakye ekyomusango hali MUKAMA, empaya eyomu igana etaloho kamogo, nkokwolicwa omuhendo omu sekeri zefeza, nkesekeri eya harukwera okweri, okuba ekihongwa ekyomusango: 16kandi aliriha habweki ekyaliba asobeze omu kigambo ekirukwera, kandi alyongeraho ekicweka ekyakatano nakiha nyakatagara; kandi nyakatagara alimulihi’ra nempaya eyekihongwa ekyomusango, kandi aliganyirwa.

17Kandi omuntu wena obwaliba nasisa nakora kyona hali ebi MUKAMA ebiyaragire okutabikora, nobwaliba atamanyire buli agwerirwe omusango, kandi alibaho omusango. 18Kandi alireta empaya eyomu igana etaloho kamogo, nkokwolicwa omuhendo okuba ekihongwa kyomusango hali nyakatagara; kandi nyakatagara alimulihi’ra habweki ekiyakozire atagenderire, kandi atamanyire, kandi aliganyirwa. 19Nikyo kihongwa kyomusango: mananukwo agwerirwe omusango omu maiso ga MUKAMA.