Swahili Bible2

27

1KANDI MUKAMA akagambira 2Musa ati Baza nabana ba Isareri obagambire oti Omuntu obwaliba nahikiriza okweraga, abantu baliba habwa MUKAMA nkokwaracwaga omuhendo. 3Kandi olicwa omuhendo ogwomusaija ahikized emyaka enkaaga, olicwa omuhendo sekeri zefeza amakumi atano, nkesekeri eya harukwera okweri. 4Kandi obwaliba ali omukazi, nubwo olicwa omuhendo sekeri amakumi asatu. 5Kandi obwaliba ahinguire emyaka etano atakahikize emyaka amakumi abiri, olicwa omuhendo ogwomusaija sekeri zefeza isatu. 6Kandi obwaliba ahinguire okwezi kumu atakahikize emyaka etano, olicwa omuhendo ogwomusaija sekeri itano, kandi ogwomukazi olicwa omuhendo sekeri nefeza isatu. 7Kandi obwaliba ahikize emyaka enkaga nokukiraho obwaliba ali omusaija olicwa omuhendo sekeri ikumi na itano, kandi ogwomukazi sekeri ikumi. 8Baitu obwaliba ali omunaku, atarukuhika ha muhendo ogwocwire, balimuta omu maiso ga nyakatagara, kandi nyakatagara alimuramura omuhendo; nkobusobozi obwogu ayayeragire okubuli, nukwo nyatakatagara alimuramura omuhendo.

9Kandi obukiriba kiri ekisoro, abantu ekibaha nkekisembo hali MUKAMA, eki kyona omuntu wena ekyaha hali MUKAMA kiriba ekirukwera. 10Atalikihindura nokyakuba okukihingisad nobukyakuba ekirungi omu kiikaro kyebibihire, nobukyakuba ekibihire omu kiikaro kyekirungi: rundi obwaliba nahingisa eki neki ekyahingisamu, byombi biriba ebirukwera. 11Kandi obukiriba kiri ekisoro ekitasemire, abantu ekibatahongera MUKAMA okuba ekisembo, alitaho ekisoro omu maiso ga nyakatagara: 12kandi nyakatagara elikiramura omuhendo, nobukiri kirungi nobukiri kibi: nka nyakatagara okwariramura omuhendo nukwo kiriba kiti. 13Baitu okucungura obwalikicungura, alyongera ekicweka ekyakatano ha muhendo ogwoliramura.

14Kandi omuntu obwalyeza enjuye nagifora erukwera hali MUKAMA, nyakatagara aliramura nobweriberi mbi: nka nyakatagara okwaligiramura omuhendo nukwo eriba eti. 15Kandi ogu ayagyereze obwaligonza okugicungura, alyongeraho ekicweka ekyakatano ekyomuhendo ogworamura kandi eriikara ye wenka.

16Kandi omuntu obwalyeza hali MUKAMA ekicweka ekyomusiri gwobutakabwe, oliramura omuhendo nkokusigwa kwagwo okukuli: okusiga okwa homere ya sayiri, sekeri eza feza amakumi atano. 17Obwalyeza omusirigwe okuruga ha mwaka gwa yubile, nkomuhendo ogwoliramura okuguli, nukwo guliba guti. 18Baitu obwalyeza omusirigwe yubile ehinguireho, nyakatagara alimuba’ra efeza nkemyaka enyakusigaraho, hatahikire omwaka gwa yubile okweri, kandi alirekerwaho ekicweka ha muhendo ogwoliramura. 19Kandi ogu ayayereze omusiri obwaligonza okugucungura, alyongeraho ekicweka ekyakatano ekyefeza ezomuhendo ogwoliramura, kandi guligumibwa namberali. 20Kandi obwalitaligonza okucungura omusiri, rundi obwaliba aguzire omusiri hali omuntu ondi, tiguligaruka okucungurwa: 21baitu omusiri obulirugayo omu mwaka gwa yubile guliba ogurukwera hali MUKAMA, nkomusiri oguyaguzire, ogutali musiri ogwobutakabwe; 22Kandi obwalyeza hali MUKAMA omusiri oguyaguzire, ogutali musiri ogwobutakabwe 23nyakatagara alimuba’ra omuhendo ogwoliramura okuhikya omwaka gwa yubile; kandi alihayo ebyoliramura ha kiro eki, nkebintu ekirukwera hali MUKAMA. 24Omu mwaka gwa yubile omusiri guligaruka hali ogu ayaguzire, nuwogu akabali mukama wobutaka. 25Kandi emihendo yawe eyoliramura eriba nka sekeri eya harukwera eriba nka sekeri eya harukwera okweri: gera amakumi abiri niyo sekeri emu.

26Kimu kyonka ekizigaijo omu bisoro ekirukuforwa ekizigaijo hali MUKAMA, busaho muntu alikyeza; nobweriberi enimi nobweriberi entama, ya MUKAMA. 27Kandi obukiriba kiri ekisoro, ekitasemire, alikicungura nkokwoliramura omuhendo, kandi alyongeraho ekicweka ekyakatano: rundi obukutalicungurwa, kirigurwa nkokwaliramura omuhendo.

28Baitu busaho kintu ekisoroirwemu, omuntu ekyalisorora hali MUKAMA omu byona ebyanyinabyo, rundi omu bantu rundi omu bisoro, rundi omu musiri ogwobutakabwe, ekirugurwa; ekintu kyona ekisoroirwemu nikyo kirukwera muno hali MUKAMA. 29Busaho asoroirwemu abantu oubalisororamu abantu alicungurwa; mazimakwo aliitwa.

30Kandi ebicweka byona ebya ikumi ebiitaka, rundi ebyembibo yitaka, rundi ebyebyana byomuti, bya MUKAMA. 31Kandi omuntu obwalicungura ha bicwekabye ebiikumi, alyongeraho ekicweka ekyakatano. 32Kandi nebicweka ebiikumi ebyente rundi ebyembuzi, zona ezirukuraba hansi yomuigo, ekicweka ekya ikumi kiriba ekirukwera hali MUKAMA. 33Atalise’ra okumanya rundi eri nungi rundi eri mbi, kunu taligihingisa: kandi okuhingisa obwaligihingisa, egi negi eyailihingisamu zombi ziriba ezirukwera; tericungurwa.

34Binu nibyo biragiro MUKAMA ebiyaragire Musa habwabana ba Isareri omu rusozi Sinai.