Swahili Bible2

26

1MULYEKO’RA ebisisani nakake, kunu mutalyeyimukiza ekisisani ekisaruirwe, nobulyakuba ibale eriraihire, kunu mutalita ibale ryona eritairweho ekisisani omu nsi yanyu okuliinamira: baitu nyowe ndi MUKAMA Ruhanga wanyu. 2Murayerindaga sabiti zange, kandi muratinaga hawange harukwera: nyowe ndi MUKAMA.

3Obumuragenderaga omwebi ebinataireho, nimwerinda ebiragiro byange, nimubikora; 4nubwo ndahaga enjura zanyu omu busumi bwazo, kandi ensi erireta ensagi zamu, kandi emiti eyomu misiri zamu, kandi emiti eomu misiri eryana ebyana byanyo. 5Kandi okuhura kwanyu kulihika hali okunoga emizabibu, nokunoga emizabibu kulihika hali isiga: mulirya ebyokulya nimuiguta, nimuikara omu nsi yowanyu nobusinge. 6Kandi ndireta obusinge omu nsi, kandi mulibyama, busaho alibatinisa: kandi ndimaramu enyamaiswa embi omu nsi, nobwekuba busitama teriba omunsi yanyu. 7Kandi mulibinga abanyanzigwa banyu, kandi baligwa omu maiso ganyu habwa busitama. 8Kandi batano halinywe balibinga kikumi, kandi kikumi halinywe balibinga kakumi: kandi abanyanzigwa banyu baligwa omu maiso ganyu habwa busitama. 9Kandi ndibataho omutima, ndibanisa ebyana nimbakanyisa; kandi ndigumya ekiragano kyange nainywe. 10Kandi mulirya ebyokulya ebyahuirwe ira, kandi muliihamu ebikuru habwebimuliihamu ebikuru habwebihyaka. 11Kandi nditera ehema yange hagati yanyu: kandi obwomezi bwange tibulibanuga. 12Kandi ndagenderaga omulinywe, nimba Ruhanga wanyu, nainywe muliba Bantu bange. 13Nyowe ndi MUKAMA Ruhanga wanyu ayabaihire omu nsi ya Misiri, muleke okuba abairu babu rubale; kandi nacwa emiti eyekikoligo kyanyu, nabagendesa bwemi.

14Baitu obumutalihu’ra nyowe, nimwanga okukora ebiragiro ebi byona; 15kandi obumulyanga ebi ebinataireho, nobwomezi bwanyu obubulinuga ebyobulyo byange inywe okutakora ebiragiro byange byona, baitu nimucwa ekiragano kyange; 16nanyowe ndibakora ekigambo kinu, ndibateraho ekirukutinisa akakonko nomusuija, ogulimaraho amaiso, nuguhwereza obwomezi: mulisigara busa embibo yanyu, baitu abanyanzigwa banyu nibo baligirya. 17Kandi ndibateraho amaiso gange, kandi mulitemwa omu maiso gabanyanzigwa banyu: abarukubonabona nibo balibalema; kandi muliiruka bwomuntu atabahondire. 18Kandi obumutalihu’ra nyowe habwebigambo ebi, nubwo ndayongera okubonabonesa emirundi musanju babwebibi byanyu. 19Kandi ndicwamu emyehembo yobusobozi bwanyu; kandi ndifora iguru lyanyu okuba nkekyoma, nensi yanyu okuba nkomulinga: 20namani ganyu muligamara’ho busa: baitu itaka lyanyu tirireta ensagi zamu, kunu emiti yensi teryana ebyana byayo. 21Kandi obumuragendaga nimuhakana nanyowe, nimwanga okuhu’ra nyowe: ndyeyongera okubaletaho emihito emirundi musanju nkebibi byanyu okubiri. 22Kandi ndituma enyamaiswa zomu kisaka omulinywe, ziribaka abana banyu, nizihwerekereza ente zanyu, nizibahehya omuhendo; nemihanda yanyu eriba kifuruka. 23Kandi obumulyanga habwebi okuhinduka nokugarukira nyowe, baitu nimugenda nimuhakana nanyowe, 24nanyowe ndigenda nimpakana nainywe, kandi ndibatema, nyowe nyenka, emirundi musanju habwebibi byanyu. 25Kandi ndibaletaho busitama, erihora enzigu ezikarigano; kandi mulisorezebwa ahamu omu mbuga zanyu: kandi ndituma orufu omulinywe; kandi mulihebwayo omu Mukono gwomunyanzigwa. 26Obundicwa omuigo gwanyu ogwebyokulya, abakazi ikumi balyokya emigati yanyu omu lyokezo limi, kandi baligaruka okugaba ebyokulya byanyu nibalenga: mulirya, baitu timuliiguta.

27Baitu obumulihu’ra nyowe habwebi byona, baitu nimugenda nimuhakana nanyowe; 28nubwo nyowe ndigenda nimpakana nainywe omu kiniga kandi nyowe ndibabonabonesa emirundi musanju habwebibi byanyu. 29Kandi mulirya enyama eyabana banyu abojo, nenyama eyabana banyu abaisiki muligirya. 30Kandi ndihwerekereza ebiikaro byanyu ebiraihire, nditema ebsisisani byanyu ebiizoba, ndinaga emitumbi yanyu ha mitumbi yebisisani byany, kandi obwomezi bwange bulibanuga. 31Kandi ndifora embuga zanyu ebitongo kandi habwanyu harukwera ndigifora kifuruka, kunu tindikagiriza ekisorokoko ekyebiboya byanyu ebirungi. 32Kandi ndifora ensi ekitongo: nabanyanzigwa banyu abagiikaraho baligihuni’raho. 33Kandi inywe ndibararangya omu mahanga, kandi ndisomora busitama enyuma yanyu: nensi yanyu eriba kifuruka, nembuga zanyu ziriba bitongo. 34Nubwo ensi erisemererwa, sabiti zayo ebiro byona ekiri kifuruka, nainywe muli omu nsi yabanyanzigwa banyu: nubwo ensi erihumura, erisemererwa sabiti zayo. 35Ebiro byona ekri kifuruka erihumura; nukwo humura okwetaratungire omu sabiti zanyu, obumwagiikairemu. 36Kandi ebyabo abasigara halinywe nditweka okugwad ensazi omu mutima gwabu omu nsi zabanyanzigwa babu: kandi okuhi’ra okworubabi orubingwa omuyaga kulibabinga:kandi baliiruka, nkomuntu okwairuka busitama: kandi baliiruka nobwomuntu atabahondire. 37Kandi baliribatangana bonka na bonka nkabairuka busitama, nobwomuntu atabahondire: kandi muliburwa amani okweme’ra omu maiso bgabanyanzigwa banyu. 38Kandi mulihwereke’ra omu mahanga nensi yabanyanzigwa banyu eribalya. 39Nabo abalisigaraho halinywe balihwe’ra omu kutahiki’ra kwabu omu nsi zabanyanzigwa banyu: 40Kandi baligamba omukutahiki’ra kandi omu kutahiki’ra kwabaisenkurubo, omu kusisa kwabu okubansisire, kandi baliikiriza ngu habwokugenda kwabu okwahakaine nanyowe, 41nikyo nyowe nagendire nimpakana nabo, nabatahya omu nsi yabanyanzigwa babu: kandi omutima gwabu ogwatarasazibwe obuguliba nugwebundaza nibaikiriza okubonabonesebwa habwokutahiki’ra kwabu; 42nubwo ndiijuka ekiragano kyange na Yakobo; kandi nekiragano kyange na Isaka, kandi nekiragiro kyange na Iburahimu ndikiijuka; kandi ndijuka ensi. 43Nensi baligifurukamu, kandi erisemerewa sabiti zayo, ebiro byona ekiri kifuruka bo bataloho; kandi baliikiriza okubonabonesebwa habwokutahiki’ra kwabu: baitu bakanga ebyobulyo byange; nobwomezi bwabu bwanga ebinataireho. 44Baitu nobwebi byona biroho okubaliikara omu nsi yabanyanzibwababu, nyowe tindibehoga, kunu tindibauga, okubahwerekereza kimu nokucwa ekiragano kyange hamu nabo: baitu nyowe ndi MUKAMA Ruhanga wabu; 45baitu habwabu ndijuka ekiragano kyabaisenkurubo, abanaihire omu nsi ya Misiri, omu maiso gamahanga, mbe Ruhanga wabu; nyowe ndi MUKAMA.

46Binu nibyo byatairweho, uwe nabana ba Isareri namberebali omu rusozi Sinai habwomukono gwa Misa.