Swahili Bible2

23

1KANDI MUKAMA akagambira 2Musa ati Baza nabana ba Isareri, obagambire oti obugenyi bwa MUKAMA obwatairweho, inywe obumurarangir’aga okuba okuso’rokana okurukwera, nubwo bugenyi bwange obwatairweho. 3Ebiro mukaga birako’rwahoga omulimo: baitu ha kiro kya musanju haroho sabiti eyokuhumu’raho, okusoro’kana okurukwera: mutalikora mulimo ogwomulingo gwona: niyo sabiti hali MUKAMA omu nju zanyu zona.

4Bunu nubwo bugenyi bwa MUKAMA obwatairweho, okuso’rokana okurukwera, okumurarangi’raga omu busumi bwakwo obwatairweho. 5Omu kwezi kwokubanza ha kiro kya ikumi na bina ekyokwezi akairirizi, nukwod Kuhinguraho okwa MUKAMA. 6Kandi ha kiro ekya ikumi nabitano ekyokwezi oku nubwo bugenyi obwemigati etatumbisibwe hali MUKAMA: muralyaga emigati etatumbisibwe ebiro musanju. 7Ha kiro ekyokubanza murabaga nokuso’rokana okurukwera: mutalikora mulimo gwona ogwokutalibana. 8Baitu mulihonga ekihongwa ekikorwa nomu’ro hali MUKAMA ebiro musanju: ha kiro kya musanju halibaho okusoro’kana okurukwera, mutalikora mulimo gwona ogwokutalibana.

9MUKAMA yagambira Musa ati 10Baza nabana ba Isareri obagambire oti obumulitaha omu nsi eyindukubaha, kandi muligesa amagesa gamu, nubwo mulireta ekiba ekyomuganuro gwamagesa ganyu hali nyakatagara: 11kandi alihungyahungya ekiba omu maiso ga MUKAMA, kiikirizibwe habwanyu: ha kiro ekirukuhondera sabiti nubwo nyakatagara alikihungyahungya. 12Kandi ha kiro eki obumulihungyahungya ekiba, mulihonga entama empaya etaroho kamogo etakahikize omwaka gumu okuba ekihongwa ekyokeze hali MUKAMA. 13Kandi ekihongwa kyayo ekyebyokulya kiriba ebicweka bibiri ebya ikumi ebya efa emwe eyensano enungi etugirwe namagita, ekihongwa ekikorwa nomu’ro hali MUKAMA okuba ekisorokoko ekirungi: nekihongwa kyayo ekyokunywa kiriba kyamarwa, ekicweka ekyakana ekya hini emu. 14Kandi mutalirya mugati obubyakuba engano ekarangirwe, nobuzakuba entwe embisi, okuhikya obumulikaleta ekisembo kya Ruhanga wanyu: kiba kiragiro ebiro byona okuhikya obusinge bwanyu omu nju zanyu zona.

15Kandi mulibara namberemuli okubandiza ha kiro ekikuratira sabiti, okuruga ha kiro ekimwatiremu ekiba ekyekihongwa kyokuhungyahungya; sabiti musanju ziribaho zihikirire: 16okuhikya ha kiro ekikuratira sabiti eyomusanju mulibara ebiro amakumi atano; kandi mulihonga ekihongwa kyebyokulya ekihyaka hali MUKAMA. 17Muliiha omu nju zanyu emigati ebiri eyokuhungyahungya eyebicweka bibiri ebya ikumi ebya efa: eriba yensano enungi, eryokebwa nekitumbisa, okuba omuganuro hali MUKAMA. 18Kandi mulihonga hamu nemigati ebyana byentama musanju hataloho kamogo ebitakahikize mwaka gumu, nenimi emu nto, nempaya ibiri: ziriba ekihongwa ekyokeze hali MUKAMA, hamu nekihongwa kyebyokulya byazo, nebihongwa byokunywa byazo, ekihongwa ekikorwa nomu’ro ekyekiserokoko ekirungi hali MUKAMA. 19Kandi mulihonga embuzi empaya emu okuba ekihongwa ekyekibi, nentama empaya ibiri ezitakahikize omwaka gumu okuba ekyonzira, ekyebihongwa byobusinge. 20Kandi nyakatagara alibihungyahungya hamu nemigati eyomuganuro okuba ekihongwa ekyokuhungyahungya omu maiso ga MUKAMA, hamu nebyana byentama bibiri; biriba ebirukwera hali MUKAMA habwa nyakatagara. 21Kandi mulinduma ebigambo ha kiro eki halibaho okusoro’kana okurukwera nambere muli: mutalikora mulimo gwona gwokutalibana: nikyo kiragiro ekyebiro byona omu nju zanyu zona okuhikya obusinge bwanyu.

22Kandi obumuliba nimugesa amagesa gitaka lyanyu, otaligesera kimu ensaro ezomusiri gwawe, kunu otalisoroza ebiragara omu magesa gawe: olibisigira omunaku nomunyaihanga: nyowe ndi MUKAMA Ruhanga wanyu.

23Kandi MUKAMA akagambira 24Musa ati Gambira abana ba Isareri oti Omu kwezi okwa musanju, ha kiro ekyokubanza ekyokwezi, halibaho namberemuli okuhumura okwataireweho, ekiijukyo ekyokutera amakondere, okuso’rokana okurukwera. 25Mutalikora omulimo gwona ogwokutalibana: kandi mulihonga ebihongwa ekikorwa nomu’ro hali MUKAMA.

26Kandi MUKAMA akagambira 27Musa ati Baitu ha kiro ekya ikumi ekyokwezi kwa musanju haroho ekiro ekyokulihi’ra; kirabaga namberemuli okuso’rokana okurukwera, kandi nurayebonabonesaga obwomezi bwanyu: kandi murahongaga ekihongwa ekikorwa nomu’ro hali MUKAMA. 28Kandi ha kiro eki mutalikora omulimo gwona; baitu kiba kiro ekyokulihi’ra, okubalihi’ra omu maiso ga MUKAMA Ruhanga wanyu. 29Baitu obwomezi bwona obutalibonabonesebwa ha kiro eki, aliihwa ha Bantu bowabu. 30Kandi obwomezi bwona obulikora omulimo gwona gwona hakiro eki, obwomezi obu ndibuhwerekereza omubantu bowabu. 31Mutalikora mulimo gwona gwaona: kiba kiragiro ekyebiro byona okuhikya obusinge bwanyu omu nju zanyu zona. 32Kirabaga namberemuli sabiti eyokuhumura okwatairweho, kandi murayebonabonesaga obwomezi bwanyu: ha kiro kya mwenda ekyokwezi akairirizi, okuruga akairirizi nokuhikya akairirizi, murayerindaga sabiti yanyu.

33Kandi MUKAMA akagambira 34Musa ati Gambira abana ba Isareri oti Ha kiro kya ikumi na bitano ekyokwezi kunu okwa musanju haroho obugenyi obwenkande, okuhikya ebiro musanju hali MUKAMA. 35Ha kiro kyokubanza halibaho okuso’rokana okurukwera: mutalikora omulimo gwona ogwokutalibana. 36Ebiro musanju orahongaga ekihongwa ekikorwa nomu’ro hali MUKAMA: ha kiro kya munana halibaho okuso’rokana okurukwera namberemuli; kandi mulihonga ekihongwa ekikorwa nomu’ro hali MUKAMA: nukwo kwesoroza okwatairweho; mutalikora mulimo gwona ogwokutalibana.

37Bunu nubwo bugenyi bwa MUKAMA obwatairweho, obumulirangi’ra okuba okuso’rokana okukwera, okuhonga ekihongwa ekikorwa nomu’ro hali MUKAMA, ekihongwa ekyokeze, nekihongwa kyebyokulya, enkyonzira, nebihongwa byokunywa, kimu kimu ha kiro kyakyo kyonka: 38okutabaraho sabiti za MUKAMA, kandi okutarabaho ebisembo byanyu, kandi okutabaraho okweraga kwanyu kwona, kandi okutabaraho ebihongwa byanyu byona ebyokugonza, ebimuha MUKAMA.

39Baitu ha kiro kya ikumi na bitano ekyokwezi kwa musanju, obumulikamara okusoroza ebyana biitaka, murilinda obugenyi bwa MUKAMA okuhikya ebiro musanju: ha kiro kyokubanza halibaho okuhumura okwatairwho, kandi ha kiro kya munana halibaho okuhumura okwatairwaho, kandi ha kiro kya munana halibaho okuhumura okwatairweho. 40Kandi mulyetwa’ra inywenka ha kiro kyokubanza ebyana ebyemiti eimirungi, namatagi gemikondo, namatagi gemiti emikoto, nemikinga eyebyamu, kandi mulisemererwa omu maiso ga MUKAMA Ruhanga wanyu ebiro musanju. 41Kandi mulibwerinda obugenyi hali MUKAMA ebiro musanju omwaka gumu: kiba kiragiro ekyebiro byona omu businge byanyu: murabwerindaga omu kwezi kwa munana. 42Mulirara omu nkande ebiro musanju bona abaza’rwa omu Isareri balirara omu nkande: 43nukwo abaijukuru banyu bamanyege okunaraize abana ba Isareri obugenyi bwa MUKAMA obwatairweho. 44Musa yadumira abana ba Isareri obugenyi bwa MUKAMA obwatairweho.