Swahili Bible2

21

1KANDI MUKAMA akagambira Musa ati Baza na banyakatagara batabani ba Aroni, obagambire oti Hatalibaho omulinywe alyesisa habwabafu omu Bantu bowabu; 2rundi habwa bene babu abamuli haihi, habwa nyina, kandi habwa ise, kandi habwa mutabaniwe, kandi habwomuharawe, kandi habwa mugenziwe, 3kandi habwa munyanya atakamanyire omusaija, amuli haihi, atakabaga niba, habwe asobora okwesisa. 4Atalyesisa, obwaba ali omusaija mukuru omu bantube, okwebwaza. 5Batalyemwa oruhara ha mutwe, nobukwakuba okwemwa orubaju orwekireju kyabu, nobukwakuba okusara engondo ha mubiri gwabu. 6Barabaga abarukwera hali Ruhanga wabu, batalijunwa ibara erya Ruhanga wabu, batalijumya ibara erya Ruhanga babu; baitu ebihongwa ebya MUKAMA ebikorwa nomu’ro ebyokulya bya Ruhanga wabu, nibyo bahonga: nukwo harabaga abarukwera. 7Batalitwara omukazi malini, rundi esisikaire, kunu batalitwara omukazi abingirwe iba: baitu aliarukwera hali Ruhangawe. 8Nukwo olimweza, baitu ahonga ebyokulya ebya Ruhanga wawe: aliba arukwera namberoli: baitu nyowe MUKAMA arukubeza, ndi arukwera, 9Kandi omuhara owa nyakatagara wena obwalyesisa nafoka malini, buli ajumise ise: alyokebwa nomu’ro.

10Kandi ogu anyakuli nyakatagara omukuru wabu omu bene babu, arukuseswa ha mutwegwe amagita ogokusesaho,. Kandi asororwa ajwala, ogu atalisumu’ra isoke eryomutwegwe, 11kunu talitemura ebyokujwarabye; kunu talitahamu ahali omutumbi gwona, nobukwakuba okwesisa wenka habwa ise, nobuhokuba habwa nyina; 12kunu talituruka harukwera, nobukwakuba okujumya harukwera eya Ruhangawe; baitu ekondo eyamagita agokuseswaho aga Ruhangawe gamuloho: nyowe ndi MUKAMA. 13Kandi aliswera omukazi atakamanyire musaija. 14Omufakati, rundi omukazi abingirwe iba, rundi omukazi asisikaire, rundi malini, abo atalibatwala; baitu omuisiki ahikire owomu Bantu bowabu nuwe alitwara namberali amuswere. 15Kandi atalijumya oruzarorwe omu bantubowabu: batiu ninyowe MUKAMA arukumweza.

16Kandi MUKAMA akagambira 17Musa ati Gambira Aroni oti Omuntu wena wena owomu ruzaro rwawe okuhikya obusinge bwabu anyakunyina akamogo, aleke okui’ra haihi okuhonga ebyokulya bya Ruhangawe. 18Baitu omuntu wena wena anyakuyina akamogo, atalii’ra haihi: rundi omufu wamaiso, rundi omulema, rundi anyina enyindo atagukire, rundi ekintu kyona ekihasaine, 19rundi acwekere okuguru, rundi acwekere engaro, rundi anyina ibango, rundi kihuruka, rundi ayina ensonko ha liso, rundi anyina obuhere, rundi ayina akakoko, rundi ayatikire engurusu; 21busaho muntu owomu ruzaro rwa Aroni nyakatagara anyakuloho akamogo alii’ra haihi okuhonga ebihongwa bya MUKAMA ebikorwa nomu’ro: ayina akamogo;atilii’ra haihi okuhonga ebyokulya bya Ruhangawe. 22Alirya ebyokulya bya Ruhangawe, hebi ebirukukira okwera kandi nebirukwera. 23Kimu kyonka atalitaha omunda yenyigamo, nobukwakuba okui’ra haihi ha Kyoto, baitu ayina akamogo; aleke okujumya hawange hurukwera: baitu nyowe ndi MUKAMA arukubeza. 24Nukwo Musa yagambire Aroni na batabanibe nabana ba Isareri.