Swahili Bible2

20

1KANDI MUKAMA akagambira 2Musa ati Kandi oligambira abana ba Isareri oti Omuntu wena wena owomu bana ba Isareri, rundi owomu banyaihanga abagonya omu Isareri, aliha ha ruzarorwe hali Moleki; namazimakwo aliitwa: abantu bensi balimutera amabale. 3Nanyowe ndigumya amaiso gange okurwana nomusaija ogu, kandi ndimuiha omu Bantu bowabu; baitu ahaire ha ruzarorwe hali Moleki, okusisa hawange harukwera, nokujumya ibara lyange erirukwera. 4Kandi abantu bensi obubalisereka amaiso gabu hali omuntu ogu obwaha ha ruzarorwe hali Moleki, kunu tibamuita: 5nubwo ndigumya amaiso gange okurwana nomuntu ogu nabenjuye, kandi ndimuiha, na bona abamuhondera omu busihani obu, okusihana na Moleki, omu Bantu bowabu. 6Kandi omuntu alihindukira abo ababandwa emizimu, nabarogo okubahondera nobusihani, mazimakwo ndigumya amaiso gange okurwana nomuntu ogu, kandi ndimuiha omu Bantu bowabu. 7Nubwo mweyeze mube abarukwera baitu nyowe ndi MUKAMA Ruhanga wanyu. 8Kandi murakwataga ebigambo byange ebinataireho mubikolege: nyowe ndi MUKAMA arukubeza. 9Baitu omuntu wena alikyena ise rundi nyina mazimakwo aliitwa: akyenere ise rundi nyina; esagamaye erimubaho. 10Kandi omusaija alisihana na mukazi womusaija ondi, uwe anyakusihana na mukazi womutahiwe, omusihani baliitwa mali. 11Kandi omusaija alibyama na muka ise, buli asukuire enjuro ya ise: bombi baliitwa mali; esagama yabu eribahaho. 12Kandi omusaija obwalibyama na mukomwanawe bombi baliitwa bakozire okujwangana esagama yabu eribahaho. 13Kandi omusaija obwalibyama nomusaija nkokwabyama nomukazi, bombi bakozire ekinugwa; mazimakwo baliitwa esagama yabu eribabaho. 14Kandi omusaija obwalitwara omukazi hamu na nyina omukazi kibi muno: balyokebwa nomu’ro uwe nabo haleke okuba obubi omulinywe. 15Kandi omusaija obwalibyama nekisoro, mazimakwo aliitwa: kandi muliita ekisoro. 16Kandi omukazi obwalii’ra haihi ekisoro kyona habyama nakyo, oliita omukazi kandi nekisoro mazimakwo baliitwa,esagama yabu eribabaho. 17Kandi omusaija obwalitwwara munyanya, omuisiki wa ise, rundi omuisiki wa nyina, narora enjuroye, nomuisiki narora enjuroye; nikyo kigambo kyensoni: kandi baliihwa omu maiso gabana babantu bowabu: buli asukuire enjuro ya munyanya; alibaho omusangogwe. 18Kandi omusaija obwalibyama nomukazi anyina okurwarakwe, nasukura enjuroye, asukuire ensoroye, nomukazi ogu asukura ensoro eyesagamaye: kandi bombi baliihwa omu Bantu bowabu. 19Kandi otalisukura enjuro ya wanyina nyoko, nobwekuba eya munyanya ’so: baitu asukuire bene babu: balibaho omusango gwaabu. 20Kandi omusaija obwalibyama na mukazi wa isento, buli asukuire enjuro ya insento: balibaho ekibi kyabu; balifa batazaire abana. 21Kandi omusaija obwalitwara omukazi wa mugenziwe, nukwo kutasemera: asukuire enjuro ya mugenziwe; tibalizara abana.

22Nukwo murakwataga ebigambo byange byona ebinataireho nebyebulyo byange bona mubikolege: ensi nambere ndukubaleta okuikarmau, ereke okubatanaka. 23Kandi mutaligendera omu ngeso zihanga erinabingire omu maiso ganyu: baitu bakakora ebi byona, kandi nikyo nabanugire. 24Baitu nyowe mbagambire nti Muligwetwa ensi yabu, kandi ndigibaha inywe mugirye, ensi erukugera namata nobwoki: nyowe ndi MUKAMA Ruhahanga wanyu ayababaganize namahanga. 25Nukwo muliganizamu ekisoro ekisemire nekisoro ekitasemire, mulibaganiza enyonyi esemire nenyonyi etasemire: kandi mutalisisa emibiri yanyu nekisoro, rundi nenyonyi, rundi nekintu kyona ekirukweku’ra hansi, ekinabaganiza nainywe nti tekisemire. 26Kandi muliba abarukwera namberendi: baitu nyowe Mukama ndi arukwera, kandi mbaganize inywe namahanga, mube abange.

27Kandi omusaija rundi omukazi anyakubandwa omuzimu, rundi ali omurogo aliitwa mali: balibatera amabale; esagama yabu eribabaho.