Swahili Bible2

19

1KANDI MUKAMA akagambira 2Musa ati Baza nabokuso’rokana abomu bana ba Isareri, obagambire oti Inywe muliba abarukwera; baitu nyowe MUKAMA Ruhanga wanyu ndi arukwera. 3Omuntu wena omulnywe aratinaga nyina na ise, kandi muralindaga sabiti zange: nyowe ndi MUKAMA Ruhanga wanyu. 4Mutalihindukira ebisisani, kunu muteko’ra inywenka abacwezi abagibwe: nyowe ndi MUKAMA Ruhanga wanyu. 5Kandi obumulihonga ekyonzira ekyebihongwa ebyobusinge hali MUKAMA, mulikihonga muikirizibwe. 6Kiriribwa ha kiro ekimuhongeramu, naha kiro kya nyenkya: obukirisigaraho ha kiro kyakasatu, kiryokebwa nomu’ro. 7Kandi obukiriribwaho ha kiro kyakasatu kiriba muziro: tikirikwikirizibwa: 8baitu omuntu wena anyakukirya aligwerwa omusango, baitu asisire ekintu ekirukwera ekya MUKAMA: omuntu ogu aliihwa omu Bantu bowabu.

9Kandi obumuligesa ebyana ebyitaka lyanyu, otaligeserea kimu ensaro zomusiri gwawe, kunu otalisoroza ebiragara ha magesa gawe. 10Kandi otalisoroza omu rugonjo rwawe orwomuzabibu, kunu otalisoroza ebyana ebiragara omu rugonjo rwawe orwemizabibu; olibisigira omunaku nomunyaihanga: nyowe ndi MUKAMA Ruhanga wanyu. 11Mutaliiba; kunu mutaligobya, kunu mutalibi’rangana ebisuba. 12Kandi mutalirahi’ra busa ibara lyange, oleke okujumya ibara lya Ruhanga wawe: nyowe ndi MUKAMA. 13Otalyerenge’ra omutahi wawe, nobukwakuba okumuiba: empera eyomukozi agulirirwe etaliikara naiwe ekiro okusiisa obuire. 14Otalikyena abafu bamatu, kunu otalita enkongo eyokwesitaraho omu maiso gabafu bamaiso, baitu otarinaga Ruhanga wawe nyowe ndi MUKAMA. 15Mutalikora ebyokutahiki’ra obumucwa emisango: otalisorora omunaku omu Bantu, kunu otalitaho ekitinisa, ha bamani: baitu omu kuhiki’ra olicwera omusango omutaha wawe. 16Otaligendagenda nogeya omu bantu bowanyu: kunu otaliimuki’ra esagama eyomutahi wawe: nyowe ndi MUKAMA. 17Otalinoba mwene wanyu omu mutima gwawe: mazima olihana omutahi wawe, baitu otalikora kibi habwe. 18Otalihora enzigu, kunu otalibamu obwiko omu mutima gwawe hali abana babantu bowanyu, baitu oligonza omutahi wawe nkokwoyegonza omutahi wenka: nyowe ndi MUKAMA. 19Murakwataga ebigambo byange ebinateireho. Otalisaga’ra ebisoro byawe nebisoro ebitali byomulingo gumu: otalisiga omusiri, gwawe nembibo etali yomulingo gumu: kunu otalijwara ekyokujwara ekyengoye ezitali zimu zitabwire hamu. 20Kandi omuntu wena alibyama nomukazi omuzana omugurwa, anyakujumbirwe iba, kunu tununirwe nakake kunu tibamuhaire obugabe, balibonabonesebwa tibaliitwa, baitu tali wobugabe. 21Kandi alireta ekihongwakye ekyomusango hali MUKAMA, ha mulyango gwehema yokutangatanganiramu, empaya okuba ekihongwa. 22Kandi nyakatagara alimulihi’ra nempaya eyekihongwa ekyomusango omu maiso ga MUKAMA habwekibikye ekyakozire: kandi aliganyirwa habwekibi ekyakozire. 23Kandi obumulitaha omu nsi, kandi mubyaire emiti eyemiringo yona eyebyokulya, nubwo mulibara ebyana byayo nkokutasarwa kwayo: emyaka esatu eriba nketasazirwe, namberemuli; tibiriribwa. 24Baitu omu mwaka ogwakana ebyana byayo byona biriba ebirukwera, habwokukugiza MUKAMA. 25Kandi omu mwaka ogwakatano mulirya ha byana byayo, ebayanire ebyana byayo: nyowe ndi MUKAMA Ruhanga wanyu. 26Mutalirya akantu kona hamu nesagama: kunu mutaliha irogo, nobukwakuba okukora ebyokuragura. 27Mutalyemwa ebyeyera, kunu mutalisisa embaju ezebireju byanyu. 28Mutalyesara engondo ha mubiri gwanyu habwabafu, kunu mutalisara ebyokuyonda byona: nyowe ndi MUKAMA. 29Otalijumya omuhara wawe okumufora malini; ensi etakuratira obusihani, ensi nijura obubi. 30Mularindaga esabiti zange, nimutina harukwera yange: nyowe ndi MUKAMA. 31Mutalihindukira abo ababandwa emizimu, nobuhokuba hali abarogo: mutabase’ra, okusiswa bo: nyowe ndi MUKAMA Ruhanga wanyu. 32Oraimukaga omu maiso gomutwe ogumezere enju, notina amaiso gomugurusi, kandi oratinaga Ruhanga wawe: nyowe ndi MUKAMA. 33Kandi omunyaihanga obwaliba nagonya naiwe omu nsi yowanyu mutalibagobeza. 34Omunyaihanga enyakugonya nainywe arabaga nambere muli nkenzarwa omulinywe, kandi oramugonzaga nkokwoyegonza wenka, baitu inywe arabaga nambere muli nkenzarwa omulinywe, kandi baitu inywe mukaba muli banyaihanga omu nsi ya Misiri; nyowe ndi MUKAMA Ruhanga wanyu. 35Mutalikora ebyokutahiki’ra obumucwa emisango, okulengesa emikono, rundi okulengesa eminzani, rundi okulengesa ebirengo. 36Eminzani ehikire, amabale agokupimisa agobulyo, efa eyobulyo, na hini eyobulyo, nibyo murabaga nabyo: nyowe ndi MUKAMA Ruhanga wanyu, ayabaihire omu nsi ya Misiri. 37Kandi muralindaga byona ebinatireho, nebyobulyo byange byona okubikoraga: nyowe ndi MUKAMA.