Swahili Bible2

18

1KANDI MUKAMA akagambira 2Musa ati Baza nabana ba Isareri obagambire oti Ninyowe MUKAMA Ruhanga wanyu. 3Nkengeso ezensi wa Misiri okuziri, nambere mwaikaraga, nukwo mutalikora muti: kandi nkengeso ezensi ya Kanani okuziri, nambere ndukubatahya, nukwo mutalikora muti: kunu mutaligendera omu bigambo byabu ebitairweho. 4Ebyobulyo byange nibyo murakoraga, nebigambo byange ebinataireho, nibyo murakwataga okubigenderamu: ninyowe MUKAMA Ruhanga wanyu. 5Nikyo murakwatiraga ebigambo byange ebinataireho, nebyobulyo byange: ebi omuntu obwalibikora aliba mwomezi omubyo: ninyowe MUKAMA.

6Tihaliba omuntu nomu omulinywe alii’ra haihi na mwene wabu, okusukura enjuroye: ninyowe MUKAMA. 7Enjuro eya so, niyo njuro nyoko: otalisukura enjuroye,. 8Enjuro eya muka ’so otaligisukura: niyo enjuro eya ’so. 9Enjuro eya munyanyoko, omuisiki wa ’so rundi omuisiki wa nyoko, obwaliba azairwe omuka, rundi ahandi, enjuro yabu otaligisukura. 10Enjuro eyomuisiki owomwana wawe omwojo, rundi eyomuisiki eyomwana wawe omuisiki, enjuro yabu otaligisukura: baitu eyabu niyo enjuro yawe wenka. 11Enjuro eyomuisiki wa muka ’so, anyakuzarwa ’so, nuwe munyanyoko, otalisukura enjuroye. 12Otalisukura enjuro eya munyanya ’so: nuwe mwene wabu nyoko. 13Otalisukura enjuro eya nyokwento: baitu nuwe mwene wabu nyoko. 14Otalisukura enjuro eya mugenzi wa ’so, otalii’ra haihi ha mukaziwe: nuwe muka swento. 15Otalisukura enjuro eya muka mwana wawe: otalisukura enjuroye. 16Otalisukura enjuro ya mukazi womugenzi wawe: niyo enjuro eya mugenzi wawe: 17Otalisukura enjuro eyomukazi neyomwanawawe omuisiki womwanawe omuisiki, womwanawawe omuisiki, okusukura enjuroye; nibo bene babu: kibi muno. 18Kandi otalitwara omukazi hamu na wanyinawe okumukwasa ihali, okusukura enjuroye hamu noli akiri mwomezi. 19Kandi atalii’ra haihi nomukazi okusukura enjuroye, akiri omu kwesorora habwokutasemerakwe. 20Kandi otalibyama na mukazi wa mutahi wawe, okwesisa hamu nauwe. 21Kandi otalihayo nomu owomu ruzaro rwawe okubarabya omu mu’ro hali Moleki, kunu otalijumya ibara erya Ruhanga wawe: nyowe ndi MUKAMA. 22Otalibyama nabasaija, nkabakazi: eki kyomuziro. 23Kunu otalibyama nekisoro kyona okwesisa nakyo; kunu omukazi atalyeme’ra omu maiso gekisoro, okubyama nakyo: nukwo kujwangana.

24Mutesisa inywenka omu bigambo ebi nekimu: baitu omwebi byona amahanga gasisikaire agandukubinga omu maiso ganyu: 25nensi esisikaire; habwebi ningijunanizibwa okutahiki’ra kwayo, kandi ensi etanaka abantu bamu. 26Baitu inywe murakwataga ebigambo ebinataireho nebyobulyo byange, kunu mutalikora ebinugwa ebi nekimu: nobwekuba enzarwa, nobwakuba omunyaihanga anyakugonya omulinywe: 27(baitu ebinugwa ebi byona nibyo abantu bensi bakozire, ababandize, ensi yasisikara;) 28ensi etabatanaka nainywe, obumugisisa, nkokuyatandikire ihanga eryababandize. 29Baitu omuntu wena alikora kyona ha binugwa ebi, abantu abalikora baliihwa omu Bantu bowabu. 30Nukwo murayerindaga ebimbaterire, muleke okukora engeso zinu ezinugwa nemu, ezibakoraga okubanza inywe, kandi muleke okwesiba nazo: nyowe ndi MUKAMA Ruhanga wanyu.