Swahili Bible2

16

1KANDI MUKAMA akagambira Musa, hanyuma yokufa kwa batabani ba Aroni ababiri, obubairire haihi omu maiso ga MUKAMA bafa: 2MUKAMA yagambira Musa ati Baza na Aroni mugenzi wawe, aleke okuija omubusumi bwona harukwera omunda yenyigamo, omu masio gentebe yokuganyira eri ha sanduko atafa: baitu nyowe ndabonekeraga omu kicu ekiri ha entebe yokuganyira. 3Binu nibyo Aroni araijaga nabyo omu kiikaro ekirukwera: enimi ento okuba ekihongwa ekyekibi, nempaya okuba ekihongwa ekyokeze. 4Alijwara ekizibaho ekirukwera ekyekitani, kandi alijwara ha mubirigwe empale eyekitani, kandi alyetega omunda nomweko gwekitani, nekitambara ekyekitani alikijwara: nibyo byokujwara ebirukwera, kandi alyoga omubirigwe omu maizi, kandi alibijwara. 5Kandi aliiha ha bokuso’rokana abomu bana ba Isareri embuzi empaya ibiri okuba ekihongwa ekyekibi, nentama empaya emu okuba ekihongwa ekyokeze. 6Kandi Aroni alihayo enimi eyekihongwa ekyokeze, eri habwe wenka nayerihi’ra wenka nenjuye. 7Kandi alitwara embuzi ibiri, alizita omu maiso ga MUKAMA ha mulyango ogwehema yokutangatanganiramu. 8Kandi Aroni alitoma habwembuzi ibiri: emu habwa MUKAMA, kandi endi habwa Azareri. 9Kandi Aroni alihayo embuzi eyatomire MUKAMA, kandi alihonga okuba ekihongwa ekyekibi. 10Baitu embuzi eyatomire Azazeri aligita omu maiso ga MUKAMA enyomezi okugirihi’ra, kandi okugisinduka omu irungu habwa Azazeri. 11Kandi Aroni alihayo enimi eyekihongwa ekyekibi, eri habwe wenka, kandi alyerihi’ra eri habwe wenka, kandi aliita enimi eyekihongwa ekyekibi eir habwe wenka: 12Kandi aliijuza ekiswa namakara gomu’ro oguli ha Kyoto omu maiso ga MUKAMA, kandi nengaroze ziijuire enyami’ro erukuboya ehonzirwe muno, kandi alikireta omunda yenyigamo, 13kandi aliita emyami’ro ha mu’ro omu maiso ga MUKAMA, ekicu ekyemyami’ro kisweke’re entebe yokuganyira eri ha bwakaiso, aleke okufa: 14kandi aliiha ha sagama eyenimi, aligimisa norukumurwe ha entebe yokuganyira oburugaizoba; kandi omu maiso gentebe yokuganyira alimisa ha sagama norukumurwe emirundi musanju. 15Nubwo aliita embuzi eyekihongwa ekyekibi, eri habwabantu, kandi alireta esagama yayo omunda yenyigamo, kandi alikora nesagama yayo nkokwakozire nesagamaeyenimi, aligimisa ha entebe yokuganyira, nomu maiso gentebe yokuganyira: 16kandi alihi’ra ekiikaro ekirukwera, habwobyokusisa byabu, ebibi byabu byona: kandi nukwo alikora ati habwehema yokutangatanganiramu, erukuikara nabo hagati yokutasemera kwabu. 17Kandi tahaliaba muntu omu hema yokutangatanganiramu obwalitahamu okulihi’ra omu kiikaro ekirukwera, okuhikya obwalituruka, amazire okwerihi’ra wenka, nabenjuye, nabokuso’rokana bona aba Isareri. 18Kandi alituruka nagenda hali ekyoto ekiri omu maiso ga MUKAMA, kandi alihirihi’ra; kandi aliiha ha sagama eyenimi, na ha sagama eyembuzi, kandi aligita ha mahembe gekyoto embaju zona. 19Kandi alimisa ha sagama halikyo norukumurwe emirundi musanju, nakisemeza, nakyeza okukiihaho okutasemera okwabana ba Isareri. 20Kandi obwalimara oklihi’ra ekiikaro ekirukwera, nehema yokutangatanganiramu, nekyoto, alihayo embuzi enyomezi: 21kandi Aroni alita emikonoye yombi ha mutwe gwembuzi enyomezi, nagamba ha ruguru yayo ebyokutahiki’ra byona ebyabana ba Isareri, nebyokusisa byabu byona, ebibi byabu byona; kandi alibita ha mugwe gwembuzi, aligisindika habwomukonogwe gwomuntu atairweho, agende omu irungu: 22kandi embuzi eryetweka yonka ebyokutandik’ra byabu byona omu nsi etarumu muntu: kandi aligireka agende omu irungu. 23Kandi Aroni alitaha ha omu hema yokutangatanganiramu elijura ebyokujwara ebyekitani, ebyajwara obwataha harukwera, kandi alibisiga oku: 24kandi alyoga omubirigwe omu maizi omu kiikaro ekirukwera, alijwara ebyokujwarabye alituruka, kandi alihonga ekihongwakye ekyokeze, nekihongwa ekyokeze ekyabantu nayerihi’ra wenka nabantu. 25Nebisajwa ebyekihongwa ekyekibi alibyokya ha Kyoto. 26Kandi ogu anyakulekera embuzi okugenda habwa Azazeri, alyogya engoyeze alyoga omubirigwe omu maizi, kandi hanyuma alitaha omu rukande. 27Nenimi eyekihongwa ekyekibi, esagama yazo erukutahibwa omu kiikaro ekirukwera aheru yorukande; kandi balyokya omu mu’ro empu zazo. 28Kandi ogu anyakuzokya alyogya engoyeze, alyoga omubirigwe omu maizi, kandi hanyuma alitaha omu rukande.

29Kandi kirabaga ekigambo ekitairweho nambere muli ebiro byona: omu kwezi okwa musanju: ha kiro ekya ikumi ekyokwezi, mulyebonabonesa obwomezi bwanyu, kandi timulikora omulimo gwona, nobwekuba enzarwa, nobwakuba omunyaihanga anyakugonya omulinywe: 30Baitu ha kiro eki muralihi’rwa, okubasemeza; omu bibi byanyu byona, murasemezebwaga omu maiso ga MUKAMA. 31Egi niyo sabiti eyokuhumura okwabaterirweho, kandi murayebonabonesaga obwomezi bwanyu; kiba kigambo ekitairweho habwebiro byona. 32Kandi nyakatagara, aliseswaho omagita kandi alisororwa okuba nyakatagara omu kiikaro kya ise, nuwe aralihiri’raga, kandi arajwaraga ebyokujwara ebirukwera: 33Kandi aralihira’ga harukwera hasororwa, kandi araihi’raga ehema yokutangatanganiramu kandi nekyoto, kandi arailihira’ga banyakatagara nabantu bona abokuso’rokana. 34Kandi eki kirabaga nambere muli ekigambo ekitairweho ekitalihwaho, okulihi’raga abana ba Isareri habwebibi byabu byona omurundi gumu omwaka gumu. Kandi akakora nka MUKAMA okuyaragire Musa.