Swahili Bible2

15

1KANDI MUKAMA akagambira 2Musa na Aroni ati Baza nabana ba Isareri obagambire to Omusaija wena obwaliba anyina ebiruga omu mubirigwe, habwebi ebimurugamu, tasemire. 3Kandi nukwo kuliba okutasemerakwe habwebi ebimurugamu: rundi omubirigwe nugugenda nebi ndi omubirigwe nugugenda nebi ebimurugamu, rundi omubirigwe nugutangwa hali ebi ebimurugamu, nukwo kutasemerakwe. 4Ekitabu kyona ekyabyamaho anyakurugwamu ebi kirifoka kitasemire: nekintu kyona ekyaikara’ho kirifoka kitasemire. 5Kandi wena alikora ha kibukye alyogya engoyeze, alyoga omu maizi, kandi alifoka kitasemire okuhisya akairirizi. 6Kandi ogu anyakuika’ra ha kintu kyona ekyaikalireho, anyakurugwamu ebi, alyogya engoyeze alyogya wenka omu maizi, kandi aliba atasemire.okuhikya akairirizi. 7Kandi anyakukora ha mubiri gwogu anyakurugwamu ebi alyogya engoyeze, alyogya wenka omu maizi aliba atasemire okuhikya akairirizi. 8Kandi ogu anyakurugwamu ebi obwalicwera amacwanta omuntu asemire, alyogya engoyeze, alyogya wenak omu maizi, kandi aliba atasemire okuhikya akairirizi. 9Namatandiko gona ogu anyakurugwamu ebi agatembaho galiba agatasemire. 10Kandi omuntu wena akora ha kintu kyona ekibaire hansiye aliba atasemire okuhikya akairirizi; nogu alimukya ebintu ebi alyogya engoyeze, alyoga wenka omu maizi, kandi aliba atesemire okuhikya akariririzi. 11Kandi omuntu wena ogu anyakurugwamu ebi owakoraho atakanabisize engaroze emaizi, alyogya engoyeze, alyogya wenka omu maizi, kandi aliba atasemire okuhikya akairirizi. 12Kandi ekintu akiibumba ogu anyakurugwamu ebi ekyokoraho balikyata; nekintu kyona ekyomuti kiryogebwa namaizi. 13Kandi ogu anyakurugwamu ebi obwalikasemezebwa ebi ebimurugamu, nubwo alibara habwe wenka ebiro musanju habwokusemezebwakwe, alyogya engoyeze; kandi alyoga omubirigwe omu maizi agagera, kandi alisemezebwa. 14Kandi ha kiro kya munana alyetwa’ra enduka ibiri, rundi amabiba amato abiri, naija omu maiso ga MUKAMA ha myulyango ogwehema yokutangatanganiramu, kandi alizaha nyakatagara: 15kandi nyakatagara alizihonga, emu okuba ekihongwa ekyekibi, nendi okuba ekihongwa ekyokeze; kandi nyakatagara alimulihi’ra omu maiso ga MUKAMA habwebi ebimurugamu.

16Kandi omusaija wena obwaliba narugwamu amaizi, nubwo alyoga omubirigwe gwona omu maizi, kandi aliba atasemire okuhikya akairirizi. 17Nekyokujwara kyona nenkanda, yona nambere harumu amaizi, kiryogebwa namaizi kandi kiriba kitasemire okuhikya akairirizi. 18Kandi nomukazi omusaija owalibyama nauwe namaizi abo bombi balyoga omu maizi, baliba abatasemire okuhikya akairirizi.

19Kandi omukazi obwaliba anyina ebimurugamu kandi ebiruga omu mubirigwe obubiriba biri esagama, aliikara omu kutasemerakwe ebiro musanju: kandi omuntu wena alimukoraho aliba atasemire okuhikya akairirizi. 20Kandi ekintu kyona ekyabyamaho omu kutasemerakwe kiriba kitasemire: kandi nekintu khona ekyaikara’ho kiriba kitasemire. 21Kandi omuntu wena alikora ha kitabukye alyogya engoyeze, alyogya wenka, kandi aliba atasemire okuhikya akairirizi. 22Kandi omuntu wena alikora ha kintu kyona ekyaika’ho alyogya engoyeze, alyoga wenka omu maizi, kandi aliba atasemire okuhikya akairirizi. 23Kandi obubiriba biri ha kitabu, rundi ha kintu kyona ekyaikara’ho, omuntu obwalikoraho aliba atasemire okuhikya akairirizi. 24Kandi omuasaija wena obwalibyama nauwe, kandi okutasemerakwe kumubaho, aliba atasemire ebiro musanju: kandi ekitabu kyona ekyalibyamaho kiriba kitasemire.

25Kandi omukazi obwaliba anyina ekyejwiso kyesagama ebiro bingi, hatali omu kasumi kokutasemerakwe, rundi obwaliba anyina ekyejwiso okuhingura ha kasumi kokutasemerakwe; ebiro byona ebyekyejwiso kyokutasemerakwe aliba nkokwali omu biro byokwesororakwe: tasemire, 26Ekitabu kyona ekyabyamaho ebiro byona ebyekyejwisokye kiriba namberali nkekitabu ekyokwesororakwe: kandi ekintu kyona ekyabyamaho kiriba kitasemire, nkokutasemera okwokwesororakwe. 27Kandi omuntu wena alikora ha bintu ebi aliba atasemire, alyogya engoyeze, alyoga wenka omu maizi, kandi aliba atesemire okuhikya akairirizi. 28Baitu obwalisemezebwa ekyejwisokye, nubwo alyeba’ra wenka ebiro musanju, kandi hanyuma yebi aliba asemire. 29Kandi hakiro ekya munana alyetwa’ra wenka enduka ibiri, alizireta hali nyakatagara,ha mulyango ogwehema yokutangatanganiramu. 30Kandi nyakatagara alihonga omu okuba ekihongwa ekyekibi, nendi habwekihongwa ekyokeze; kandi nyakatagara alimulihi’ra omu maiso ga MUKAMA habwekyejwiso kyokutasemerakwe.

31Nukwo murabaganiza muti abana ba Isareri nokutasemera kwabu, batafera omu kutasemera kwabu, nibasisa ehema yange eri hagati yabu.

32Kinu nikyo kiragiro ekyogu anyakurugwamu ebi, kandi ekyogu arugwamu amaizi, nokufoka afoka atasemire: 33kandi ekyomukazi ogu anyakurwara habwokwesororakwe, kandi ekyogu anyakurugwamu ebi, rundi omusaija, rundi omukazi, kandi ekyogu anyakubyama nogu atasemire.