Swahili Bible2

14

1KANDI MUKAMA akagambira 2Musa ati kinu nikyo kirabaga ekiragiro kyomugenge ha kiro kyokusemezebwakwe: 3aliretwa hali nyakatagara: nyakatagara alituruka omu rukande; kandi nyakatagara alirora, kandi dora, endwara yebigenge obweriba ekizire omu muntu webigenge; 4nubwo nyakatagara aliragira okukomera ogu agenda okusemezebwa enyonyi enyomezi ibiri ezisemire, nomuti gwomukogoto, nengoye ezirukunanata na hezobu: 5kandi nyakatagara aliragira okuita emu ha nyonyi omu kinaga kiibumba ha ruguru yamaizi agarukugera: 6kandi ebyenyonyi enyomezi aligikwata nomuti gwomukogoto nengoye ezirukutukura nehezobu, kandi alibiika hamu nenyonyi enyomezi omu sagama yenyonyi isirwe ha ruguru yamazi agarukugera: 7kandi alimisa hali ogu agenda okusemezebwa ebigenge emirundi musanju, kandi alimuranga asemire, kandi alirekera enyonyi enyomezi omu bwe’re. 8Nogu agenda okusemezebwa alyogya ebyokujwarabye, nayemwa isokelye lyona, nayoga omu maizi, kandi alifoka asemire: hanyuma yebi alita omu rukande, baitu liikara ahreu yehemaye ebiro musanju. 9Kandi kirihika ha kiro kya musanju, alyemwa isokerye ryona ha mutwegwe, nebirejubye nebisigibye, kandi alyogya omubirigwe omu maizi, kandi alifoka asemire. 10Kandi ha kiro kya munana alitwara entama empaya ibiri italoho kamogo, nentama emu ebuguma etakahikize omwaka gwokubanza, etaloho kamogo,nebicweka bisatu eby ikumi ebyefe emu eyensano enungi okuba ekihongwa ekyebyokulya ekitugirwe namagita, nekibindi kimu ekyamagita. 11Kandi nyakatagara anyakumusemeza alita omuntu agenda okusemezebwea nebintu ebi omu maiso ga MUKAMA, ha mulyango gwehema yokutangatanganiramu: 12kandi nyakatagara alikwata emu hali entama empaya nagihonaga okuba ekihongwa ekyomusango, nekibindi ekyamagita, alibihungyahungya okuba ekihongwa ekyokuhungyahungya omu maiso ga MUKAMA: 13kandi aliitira entama empya omu kiikaro nambere baitira ekihongwa ekyekibi, nekihongwa ekyokeze omu kiikaro kya harukwera: baitu nkekihongwa ekyekibi okukiri, kya nyakatagara alitwara ha sagama eyekihongwa ekyomusango, 14kandi nyakatagara aligita ha nsonga yokutu kwobulyo okwogu agenda okusemezebwa, na ha kyara kisaija ekyomukonogwe ogwobulyo: 15kandi nyakatagara alitwara ha kibindi nyamagita agasese omu kiganja ekyomukonogwe ogwemoso, 16kandi nyakatagara alimisa ha magita norukumurwe emirundi musanju omu maiso ga MUKAMA: 17namagita agalisigaraho agali omu mukonogwe nyakatagara aligata ha nsonga yokutu obwobulyo okwogu agenda okusemezebwa, na ha kyara kisaija ekyomukonogwe ogwobulyo, na ha kyara kisaija ekyekigerekye ekyobulyo, ha sagama yekihongwa ekyomusango: 18namagita agalisigara omu Mukono gwa nyakatagara aligata ha mutwe gwogu agenda okusemezebwa; kandi nyakatagara alimulihi’ra omu maiso ga MUKAMA. 19Kandi nyakatagara alihonga ekihongwa ekyekibi, okulihi’ra ogu agenda okusemezebwa okutasemerakwe; kandi hanyuma aliita ekihongwa ekyokeze: 20Kandi nyakatagara alihonga ekihongwa ekyokeze nekihongwa kyebyokulya ha Kyoto; kandi nyakatagara alimulihi’ra kandi alifoka asemire.

21Kandi obwaliba ali omunaku atarikusobora okutunga bingi biti, nubw oalitwara entama emu empaya okuba ekihongwa ekyomusango okuhungyahungya, omulihi’ra, kandi ekicweka kimu ekya ikumi ekyefa yensano enungi etugirwe namagita okuba ekihongwa kyebyokulya, kandi ekibindi kyamagita: 22nenduka ibiri, rundi amaiba amato abiri, nkokwolisobora okutunga: kandi emu eriba ekihongwa ekyekibi, nendi eriba ekihongwa ekyokeze. 23Kandi ha kiro ekya munana alibireta habwokusemezebwakwe hali nyakatagara, ha mulyango ogwehema yokutangatanganirmau, omu maiso ga MUKAMA. 24Kandi nyakatagara alitwara entama eyekihongwa kyomusango, nekibindi kyamagita, kandi nyakatagara alibihungyahungya okuba ekihongwa ekyokuhungyahungya omu maiso ga MUKAMA: 25kandi aliita entama eyekihongwa kyomusango, kandi nyakatagara alitwara ha sagama eyekihongwa kyomusango, nagita ha nsonga eyokutu kwobulyo okwogu agenda okusemezebwa, na ha kyara kisaija ekyomukonogwe ogwobulyo na ha kyara kisaija ekyekigerekye ekyobulyo: 26kandi nyakatagara alisesa ha magita omu kiganja ekyomukonogwe wenka ogwemoso: 27kandi nyakatagara alimisa norukumurwe orwobulyo ha magita agali omu mukonogwe ogwemoso emirundi musanju omu maiso ga MUKAMA: 28kandi nyakatagara alitwara ha magita omu mukonogwe nagata ha nsonga yokutu kwobulyo okwogu agenda okusemezebwa na ha kyara kisaija ekyomukonogwe ogwobulyo, na hakyara kisaija ekyekigerekye ekyobulyo, ha kiikaro ekyesegama eyekihongwa kyomusango: 29namagita agalisigaraho omu Mukono gwa nyakatagara aligata ha mutwe gwogu agenda okusemezebwa, okumulihi’ra omu maiso ga MUKAMA. 30Kandi alihonga emu ha nduka, rundi ha maiba amato, nkokwalisobora 31okutunga, emu okuba ekihongwa kyekibi, nendi okuba ekihongwa kyebyokulya: kandi nyakatagara alirihi’ra ogu agenda okusemezebwa omu maiso ga MUKAMA. 32Kinu nikyo kiragiro ekyogu nambere ezokamu endwara yebigenge, etarukusobora okutunga ebi ebihikirire okusemezebwakwe.

33Kandi MUKAMA yagambira 34Musa na Aroni ati Obumulikataha omu nsi ya Kanani eyindukubaha okuba obutaka, nayonwe ndita endwara yebigenge omu nju eyomu nsi yobutaka bwanyu, 35nubwo ogu omukama wenju aliija agambire nyakatagara nagamba ati Mbaire ntekerize nti omu nju harumu endwara: 36kandi nyakatagara aliragira baihe ebintu byona omu nju, nyakatagara atakahikire okurora endwara, byona ebiri omu nju bireke okufoka ebitasemire: kandi hanyuma nyakatagara alitahamu okurora enju: 37kandi alirora endwara, kandi dora, endwara ebweriberi omu bisika ebyenju neyeko’ra emihanda eyorukonge rundi erukutukura, kandi nezoka eri hansi yekisika; 38nubwo nyakatagara alituruka omu nju ha mulyango ogwenju: alikingaho enju ebiro musanju: 39kandi nyakatagara aligaruka okuija ha kiro kya musanju, kandi alirora: kandi dora, endwara obweriba ekanyire omu bisika byenju: 40nubwo nyakatagara aliragira baihemu amabale nambere harumu endeara, baganage omu kiikaro ekitasemire aheru yorubuga: 41kandi aliragira bahale enju omunda embaju zona, kandi balisesa inoni eribahara aheru yorubuga omu kiikaro ekitasemire: 42kandi balireta amabale agandi, kandi baligata omu kiikaro kyamabale gali, kandi alireta inoni erindi, ahuhule enju. 43Kandi endwara obwerigaruka, neturuka omu nda yenju, hanyuma amazire okuihayo amabale, kandi amazire okugihara, kandi bamazire okuguhuhura, inoni, 44nubwo nyakatagara alitahamu narora, kandi dora, endwara obweriba ekanyire omu nju, nibyo bigenge ebirukukanya omu nju; tesemire. 45Kandi alisesa enju, amabale gayo, emiti yayo, nobudongo bwona obwenju: alibuturukya aheru yorubuga nabitwara omu kiikaro ekitasemire. 46Kandi ogu anyakutaha omu nju omu kicu ekyokukingwaho alifoka atasemire nokuhikya akairirizi. 47Kandi ogu alibyama omu nju alyogya engoyeze; kandi ogu alirira omu nju alyogya engoyeze. 48Kandi nyakatagara obwalitahamu nalora, kandi dora, endwara tekanyire omu nju, enju obweriba emazire okuhuhurwa inoni, nubwo nyakatagara aliranga enju esemire. 49Kandi alitwara habwokusemeza enju enyonyi biri, nomuti gwomukogoto nengoye ezirukunanata, na hezobu: 50Kandi alisa’ra emu ha nyonyi omu kibindi ekyibumba ha ruguru yamaizi agarukugera: 51kandi alitwara omuti gwomukogoto, na hezobu,nengoye ezirukunanata nenyonyi enyomezi, alibiibika omu sagama yenyonyui isirwe, nomu maizi agarukugera, kandi alimisi enju emirundi musanju: 52kandi alisemeza enju nesagama yenyonyi, kandi namaizi agarukugera, kandi nenyonyi enyomezi, kandi nomuti ogwomukogoto, kandi na hezobu, kandi nengoye ezirukutukura; 53baitu alirekera enyonyi enyomezi omu rubuga agende omu kisaka: nukwo alirihi’ra enju: kandi erifoka esemire.

54Kinu nikyo kiragiro habwendwara ezebigenge ezemiringo yona, kandi habwekikoko: 55kandi habwemigenge ebyokyokujwara, kandi habwenju: 56kandi habwekizimba, kandi habwekikoko, kandi habwakamogo akekisababa: 57okwegesaga obukiba kitasemire: kinu nikyo kiragiro ekyebigenge.