Swahili Bible2

13

1KANDI MUKAMA akagambira 2Musa na Aroni ati Omuntu obwaliba anyina omu ruhu ekikoko, rundi akamogo akesibaba, kandi kifoka omu ruhu rwomubirigwe endwara yebigenge, nubwo balimuleta hali Aroni nyakatagara, rundi hali omu ha batabanibe banyakatagara: 3kandi nyakatagara alirora endwara eyomu ruhu orwomubirigwe: kandi obwoya obwomu ndwara obubuliba bufokere oburukwera, nokuzoka okwendwaraye kuhamire okukira oruhu rwomubirigwe, niyo endwara eyebigenge: nyakatagara alimurora kandi alimuranga tasemire. 4Kandi akamogo akesisababa obukaliba nikera omu ruhu rwomubirigwe, nokuzoka kwako tikuhamire okukira oruhu, nobwoya bwako tibufokere oburukwera, nubwo nyakatagara alimukingira owendwara ebiro musanju: 5kandi nyakatagara alimurora ha kiro kya musanju: kandi dora, endwara obweriba egarukire omu maisoge, kandi endwara tekanyire omu ruhurwe, nubwo nyakatagara alimukingira okwongera ebiro musanju: 6kandi nyakatagara aligaruka okumurora ha kiro kya musanju: kandi dora, endwara ebweriba ekehere, kandi endwara tekanyire omu ruhu, nubwo nyakatagara limuranga asemire: kandi kikoko: kandi alyogya engoyeze naba asemire. 7Baitu ekikoko obukiriba nikikanya omu ruhu uwe amazire okweyoleka hali nyakatagara habwokusemezebwakwe, aligaruka okweyoleka hali 8nyakatagara alirora, kandi dora, ekikoko obukiriba kikanyira omu ruhu, nubwo nyakatagara alimuranga tasemire: nibyo bigenge.

9Endwara eyebigenge obweriba ezokere omu muntu, aliretwa hali nyakatagara; 10kandi nyakatagara alirora, kandi dora, obulihalibaho ekizimba ekirukwera, kandi nobwoya bufokere oburukwera, kandi haroho enyama yekihoya omu kizimba, 11nibyo bigenge ebyaira omu ruhu orwomubirigwe, nyakatagara alimuranga tasemire. 12Kandi ebigenge obubiriba nibikanya omu ruhu, kandi ebigenge nibihikya oruhu rwona orwogu anyina endwara okuruga ha mutwegwe nokuhikya ha bigerebye, nkokwerizoka hali nyakatagara; 13nubwo nyakatagara alirora, kandi dora, ebigenge oburibiriba bihikize omubirigwe gwona alimuranga asemire ogu owendwara egi: yona efokere erukwera: afokere asemire. 14Baitu nambere enyama yekihoya erizoka hona omuluwe aliba tasemire. 15Kandi nyakatagara alirora enyama eyekihoya, alimuduma tasemire: enyama yekihoya tesemire: biba bigenge. 16Rundi enyama yekihoya obwerihinduka nefoka erukwera, nubwo aligaruka okuija hali nyakatagara alimurora, 17kandi nyakatagara alimurora: kandi dora, endwara obweriba ehindukire neyera, nubwo nyakatagara alimuranga asemire akaba anyina endwara: afokere asemire.

18Kandi omubiri obuguliba gunyina ekizimba omu ruhu rwago, 19kandi kikizire, kandi omu kiikaro kyekizimba omu ruhu akamogo akekisababa nikyera nikinanata, nubwo balikyoleka nyakatagara: 20kandi nyakatagara alirora, kandi dora, obukirizoka kiri hansi yoruhu, nobwoya bwakyo bufokere oburukwera, nubwo nyakatagara alimuranga tasemire: niyo endwara yebigenge eturukire omu kizimba. 21Baitu nyakatagara obwaliba nakirora, kandi dora, tiharumu obwoya oburukwera, kandi tiburi hansi yoruhu, baitu kikehere, nubwo nyakatagara alimukingira ebiro musanju: 22kandi obukirikanya omu ruhu, nubwo nyakatagara alimuranga tasemire: niyo endwara. 23Baitu akamogo akekisababa obukaliba nikaikaraho hawako, kunu tikakanyire, niyo enkoju yekizimba kandi nyakatagara alimuranga asemire.

24Rundi omubiri obuguliba gurumu okuhya omu’ro, nekihoya ekihire omu’ro kifoka akamogao akekisababa nikyera nikinanata, rundi nikyera kwonka: 25nubwo nyakatagara alikikora: kandi dora, obwoya obwa ha kamogo obubuliba bufokere oburukwera, kandi obukirizoka kiri hansi yoruhu; nibyo bigenge, biturukire omu kuhya, kandi nyakatagara alimuranga tasemire: niyo endwara yebigenga. 26Baitu nyakatagara obwalikora kandi dora, tiharumu oburukwera omu kamogo akekisababa, kandi tikiri hansi yoruhu, baitu kikehere; nubwo nyakatagara alimukingira ebiro musanju: 27kandi nyakatagara alimurora ha kiro kya musanju: obukiriba kikanyire omu ruhu, nubwo nyakatagara alimuranga tasemire: niyo endwara yebigenge. 28Kandi akamogo akekisababa obukaliba kaikaire ha wako, kunu tikakanyire omu ruhu, baitu kakehere: nikyo kizimba ekyokuhya, kandi nyakatagara alimuranga asemire: baitu niyo enkoju eyokuhya.

29Kandi omusaija rundi omukazi obwaliba anyina endwara ha mutwe 30rundi ha bireju, nubwo nyakatagara alirora ha ndwara: kandi dora, obwerizoka eri hansi yoruhu, kandi harumu isoke eryengere, nubwo nyakatagara alimuranga tasemire: nikyo kikoko, nibyo bigenge ebyomutwe rundi byebireju. 31Kandi nyakatagara obwalirora endwara yekikoko, kandi dora, nezoka teri hansi yoruhu, kandi tiharumu isoke erirukwiragura, nubwo nyakatagara alikingira ogu anyina endwara yekikoko ebiro musanju: 32kandi ha kiro kya musanju nyakatagara alirora endwara: kandi dora, ekiko ebukiriba kitakanyire, kandi tiharumu isoke eryengere, kandi ekikoko nikizoka tikiri hansi 33yoruhu, nubwo alimwibwa, baitu ekikoko atalikimwa. Kandi nyakatagara aligaruka okukingira ogu anyina ekikokok ebiro musanju: 34kandi ha kiro kya musanju nyakatagara alirora ekikoko: kandi dora, ekikoko obukiriba kitakanyire omu ruhu, kandi nikizoka tikiri hansi yoruhu: nubwo nyakatagara alimuranga asemire: kandi alyogya engoyeze naba asemire. 35Baitu ekikoko obukirikanya omu ruhu hanyuma yokusemezebwakwe; 36nubwo nyakatagara alimurora; kandi dora, ekikoko obukiriba kikanyire omu ruhu, nyakatagara atalise’ra isoke eryengere; tasemire. 37Baitu omu maisoge ekikoko obukiriba kiikaire, kandi isoke erirukwiragura likuziremu ekikoko kikizire, asemire: kandi nyakatagara alimuranga asemire.

38Kandi omusaija rundi omukazi obwaliba anyina omu ruhu rwomubirigwe obumogo obwebisababa, obumogo obwebisababa oburukwera; 39nubwo nyakatagara alirora: kandi dora, obumogo obwebisababa obowomu ruhu rwomubirigwe obubuliba nubwera mpora mpora, niyo endwara nkobuhere, eturukire omu ruhu; asemire.

40Kandi isoke eryomusaija obubulira lirugire na mutwegwe, nuwe ruhara, baitu asemire. 41Kandi isokelye obuliraba lirugire ha buso bwomutwegwe,. Nuwe ruhara; wobuso; baitu asemire. 42Baitu haliba haroho omu ruhara, rundi omu ruhara rwobuso, endwara erukunanata kandi erukwera; nibyo begenge biturukire omu ruhararwe, rundi oruhara rwobusobwe. 43Nubwo nyakatagara alimura; kandi dora, ekizimba ekyendwara obukiriba nikinanata nikyera omu ruharwe, rundi omu ruhara rwobusobwe, nkokusisana owebigenge omu ruhu rwomubiri; 44nuwe musaija webigenge, tasemire: mananukwo nyakatagara alimuranga tasemire; endwara ye eri omu mutwegwe.

45Kandi owebigenge nambere endwara erizokamu, ebyokujwarabye biriremurwa, nisoke eryaha mutwegwe lirisumurwa, kandi alisweke’ra omunwagwe ogweruguru, kandi alyami’ra ati Tinsemire, tinsemire. 46Ebiro byona endwara obweraikaraga omuluwe, araikaraga tasemire; tasemire; tasemire; araikaraga wenka: aheru yorukande, nuho araikaraga.

47Kandi nekyokujwara ekirumu endwara yebigenge, obukiriba kiri ekyokujwara kyebyoya byentama, rundi ekyokujwara kyekitani: 48obubiriba biri byehuzi ezobwemi rundi ezokibukizi; rundi ekyekitani, rundi ekyoruhu, 49rundi ekyomuguta; endwara obweriberi eyorukonge, rundi erukunanata omu kyojujwara, rundi omu nkanda, rundi omu huzi ezobwemi, rundi omu huzi ezobukizi, rundi omu kintu kyona ekyomuguta, eba ndwara yebigenge, eryolekwa nyakatagara: 50kandi nyakatagara alirora endwara, kandi alikingira ogu anyakuina endwara ebiro musanju: 51kandi alirora endwara ha kiro kya musanju: endwara obweriba ekanyire omu kyokujwara, rundi omu huzi ezobwemi, rundi omu huzi ezobukizi, rundi omu nkanda omulimo gwona omuguta ogugukora: endwaras nibyo bigenge ebirukukanya; tasemire. 52Kandi alyokya ekyokujwara, nobukiriba kiri kyehuzi ezobukizi, ekyebyoya byentama rundi kyekitani, rundi ekyenkanda nambere harumu endwara: baitu nibyo begenge ebirukukanya; kiryokebwa nomu’ro. 53Kandi nyakatagara obwalirora, kandi endwara tekanyire omu kyokujwara, nobuhokuba omu huzi ezobwemi,nobuhokuba omu kyokujwara kyona ekyenkanda; 54nubwo nyakatagara aliragira okwogya ekintu nambere harumu endwara, kandi aligaruka okukiboha ebiro musanju: 55kandi nyakatagara alirora, obubalikamara okwogya endwara: kandi dora, endwara ebweriba etahindikuri omulingo gwayo, kandi endwara tekanyire, kissemire; olikyokya nomu’ro: niyo endwara erukulya, nobukuraba ekunyubuka kuli omunda nobukuraba kuli heru. 56Kandi nyakatagara obwalirora, kandi dora, endwara ekeheze emazire okwogebwa, nubwo aligitemura omu kyokujwara, rundi omu nkanda, rundi omu huzi ezobwemi, rundi omu huzi ezobukizi: 57kandi obweriba niikaraho okuzoka omu kyokujwara, rundi omu huzi ezobwemi, rundi omu huzi ezobukizi, rundi omu kyokujwara kona ekyenkanda, buli nekanya: olyokya eki nambere harumu endwara nomu’ro. 58Kandi ekyokujwara, rundi ehuzi ezobwemi, runid ehuzi ezobukizi, rundi ekyokukwara kyona ekyenkanda nkokukiriba ekyolyogya, endwara obweriba erugiremu, bubwo kiryogebwa omurundi ogwakabiri, kandi kiriba kisemire. 59Kinu nikyo kiragiro ekyendwara yebigenge omu kyokujwara ekyebyoya byentama rundi ekyekitani, omu huzi ezobwemi rundi ezobukizi,rundi omu kyokujwara kyona ekyomuguta, okukiranga kisemire rundi okukiranga kitasemire.