Swahili Bible2

11

1MUKAMA yagambira Musa na 2Aroni ati Mugambire abana ba Isareri muti Mugambire abana ba Isareri muti Binu nibyo byomezi ebimuralyaga omu bisoro byona ebiri hansi. 3Ekintu kyona ekinyina ekigere ekyasize,kandi ekinyakwasize enkangasi, kandi ekinyakuga’ra obwakuma omu bisoro, nikyo muralyaga. 4Baitu binu mutalibilya omwebi ebinyakuga’ra obwakuma, rundi omwebi ebinyina ekigere ekyasize: engamira, baitu nega’ra obwakuma, kunu teyasize enkangasi, tesemire namberemuli. 5Nenjoga, baitu nega;ra obwakuma kunu teyasize enkangasi, tesemire namberemuli. 6Norume, baitu nuruga’ra obwakuma, kunu turwasize enkangasi, turusemire namberemuli. 7Nempunu, baitu eyasize enkangasi, kandi enyina ekigere ekyasize, kunu tega’ra obwakuma, tesemire namberemuli. 8Mutalirya ha nyama yebi, kandi emitumbi yabyo mutaligikoraho, tesemire namberemuli.

9Binu murabiryaga ha byona ebiri omu maizi: ekintu kyona ekinyina amapapa nebigamba omu maizi, nomu nyanja nomu byambu, nibyo muralyaga. 10Na byona ebitanyina amapapa nebigamba omu nyanja nomu byambu ha byona ebirukugendera omu miazi, nebintu byona ebyomezi ebiri omu maizi, nibyo binugwa namberemuli, 11kandi birabaga muziro namberemuli; mutalirya ha nyama yabyo, kandi emitumbi yabyo omuranugaga. 12Ekintu kyona ekitanyina amapapa bebigamba omu maizi, eki muziro namberemuli.

13Kandi binu nibyo birabaga muziro namberemuli omu nyoyinyi: tibiriribwa, byomuziro: 14esega, nisamba, nenunda; na malere, nempungu nkemiringo yazo okweri; 15ekingora kyona nkomulingo gwakyo okuguli; 16nehudu, nekisomabuire, nenyange, na gahirara nkomulingo gwayo okuguli, 17nekisindizi ekike, nenkuranga, nekisindizi ekikoto: 18nekindizi ekyamahembe, 19nenzikere, nesega; nekidongodongo, nenyawawa, nkomulingo gwayo okuguli, nekiisa muhana, nekihuguhugu.

20Ebintu byona ebinyakweku’ra ebinyina amapapa ebigenda namaguru ana muziro namberemuli. 21Baitu binu murasoboraga okulya ha binyakweku’ra byona ebinyina amapapa, ebigenda namaguru ha ruguru yebigere byayo okuguruka nabyo hansi; 22binu nibyo murabiryaga: oruzige nkomulingo gwarwo okuguli, noruzige orworuhara nkomulingo gwarwo okuguli, nekije’re nkomulingo gwakyo okuguli, norusenene nkomulingo gwarwo okuguli. 23Baitu ebintu byona ebinyakweku’ra ebinyina amapapa ebinyina amaguru ana muziro bamberemuli.

24Habwebi murafokaga abatasemire: omuntu wena alikora ha mutumbi gwabyo aliba atasemire okuhikya akairirizi: 25kandi wena alihimba kyona ha mutumbi gwabyo alyogya ebyokujwarabye naba atasemire okuhikya akairirizi. 26Ekisoro kyona ekyasize enkangasi, kunu tikinyina ekigere ekyasize kunu tikigi’ra obwakuma, tikisemire namberemuli: omuntu wena alibikoraho aliba atasemire. 27Kandi ekintu kyona ekigenda nebiganja byakyo omu bisoro byona ebigenda namaguru ana, tibisemire namberemuli: omuntu wena alikora ha mitumbi yabyo alifoka atasemire okuhikya akairirizi. 28Kandi ogu alihima omutumbi gwabyo alyogya engoyeze, naba atasemire okuhikya akaiririz: tibisemire namberemuli.

29Kandi binu nibyo bitasemire namberemuli omu bintu ebinyakweku’ra ha nsi: akanyamuharara nembeba nekikonkomi ekikoto nkomulingo gwakyo okuguli, 30nekikonkomi ekike nenswaswa, nomunya, nengurukize, nakampimpina. 31Nibyo bitasemire namberemuli omu byona ebinyakweku’ra: omuntu wena alibikoraho, bifire, alifoka atasemire okuhikya akairirizi. 32Kandi kyona omubyo obukiriba nikigwa ha kintu kyona ekindi, eki kirifoka kitasemire; rundi obukiribakiri ekintu kyomuti, rundi ekyokujwara, rundi omuguta, rundi ensahu, rundi obukiriba kiri ekintu kyona ekibakoza omulimo, kihikirire okukita omu maizi, kandi kiriba kitasemire okuhikya akairirizi; nubwo kiriba kisemire. 33Kandi ekintu kyona ekiibumba, nambere ebi byona biragwa, ekintu kyona ekirumu kirifoka kitasemire, kandi eki mulikyata. 34Ebyokulya byona ebyamu ebirukulibwa, ebibataho amaizi birifoka bitasemire: nebyokunywa byona ebirukunywibwa ebiri omu kintu eki birifoka bitasemire. 35Nekintu kyona kyona nambere eimitumbi yabyo erigwa kirifoka kitasemir; rundi eryokezo, rundi enyungu, balibyata: tibisemire, kandi baraikaraga bitasemire nambere muli. 36Baitu iziba, rundi ekiina nambere harumu amaizi kiriba kisemire: baitu eki ekikoraha mitumbi yabyo kiraba kitasemire. 37Rundi omutumbi gwabyo gwona obuguliba nugugwa hambibo ekokusiga eriba esemire. 38Baitu obubaliba bataireho amaizi ha mbibo, kandi omuntumbi gwabyo byona nuguwaho eriba etasemire namberemuli.

39Kandi ekisoro kyona ekimusobora okulyaho obukiriba nikifa: omuntu alikora ha mutumbi gwakyo aliba atasemire okuhikya akairirizi. 40Kandi ogu alirya ha mutumbi gwakyo alyogya engoyeze naba atasemire okuhikya akairirizi: kandi nogu alihimba omutumbi gwakyo alyogya engoyeze naba atasemire okuhikya akairirizi.

41Kandi ekintu kyona ekinyakweku’ra ha nsi nugwo muziro; tikiriribwa. 42Kyona kyona ekinyakugendesa enda, na kyona ekinyakugenda nebigere bina, nakyona ekinyina ebigere bingi, nibyo byona ebinyakweku’ra ha nsi, nibyo mutalirya: baitu byomuziro. 43Mutalifoka abomuziro nekintu kyona ekinyakweku’ra kunu mutalifoka mutasemire hamu nabyo, okusisikara muti. 44Baitu ninyowe MUKAMA Ruhanga wanyu: nukwo mweyeze, mube abarukwera, kunu mutalyesisa nekintu kyona kyona ekinyakweku’ra ekirukugendera ha nsi. 45Baitu ninyowe MUKAMA ayabaihireyo omu nsi ya Misiri okuba Ruhanga wanyu: nukwo muraikaraga abarukwera; baitu nyowe ndi arukwera.

46Kinu nikyo kiragiro ekyekisoro, nekyenyonyi, nekyebintu kyona ekyomezi ekirukugendera omu maizi, kandi ekyekintu kyona ekinyakweku’ra ha nsi: 47okwahukanizamu ebitasemire nebisemire, kandi ekintu ekyomezi ekisobora okulibwa nekintu ekyomezi ekitasobora okulibwa.