Swahili Bible2

8

1KANDI MUKAMA akagambira Yosuha ati Otatina nobukwakuba okutuntuzibwa: otwalehamu naiwe abantu bona abokurwana, oimuke, otembe hali Ai, nabantube, norubugarwe, nensiye: 2olikora Ai nomukama warwo nkokuwakozire Yeriko nomukama warwo: baitu eminyago yarwo nente zamu mulizetwa’ra inywenka okuba eminyago; wesereke’re orubuga enyuma yarwo. 3Yosuha yaimuka, nabantu bona abokurwana, okutemba Ai: Yosuha yakomamu abasaija bakumi busatu, emanzi zamani, yabatuma ekiro. 4Yabaragira ati Dora, murayesereka’ra orubuga enyuma yorubuga: Mutai’rahara norubuga, baitu mwetekanize inywena: 5nanyowe, nabantu baona abali nanyowe, turai’rahaihi orubuga: kandi kirahika, obubaraturuka okuturwanisa, nkokubakozire kara, itwe 6turairuka omumaiso gabu; nabo bararugayo okutukuratira, okuhikya obuturababihabiha okubaiha ha rubuga; baitu baragamba ngu Nibatuiruka, nkokubakozire kara; nukwo turabaika: 7nainywe muraimuka nambere mweserekere, munyage orubuga: baitu MUKAMA Ruhanga wanyu araruhayo omumikono yanyu. 8Kandi obukirahika, obumurakanyaga orubuga, murayokya orubuga nomu’ro; nkekigambo kya MUKAMA nukwo murakora: dora, mbaragire. 9Yosuha yabatuma: bagenda nambere barayesereka, baikarayo hagati Beserina Ai, ha rubaju rwa Ai orwobugwaizoba: Baitu Yosuha akarara ekiro eki omu bantu. 10Kandi Yosuha yazinduka nyenkya, yasoroza abantu, yatemba uwe nabakuru ba Isareri, hali abantu ba Ai. 11Nabantu bona nibo basaija abarwani abakaba bali nauwe, batemba, nibai’ra haihi, baija omu maiso gorubuga, batema enkande ha rubaju orwo ai orwobukizi bwemoso: lero hakaba haroho ekihanga hagatiye na Ai. 12Kandi yatwara ha Bantu nkenkuni itano, yabata omu kwesereka hagati ya Beseri na Ai, ha rubaju rworubuga orwobugwaizoba. 13Nukwo bataho abantu bati, niryo ihe lyona erikaba liri ha rubaju rwo rubuga orwobugwaizoba; kandi Yosuha yaturuka ekiro kiri yagenda omu kihanga hagati. 14kandi kyahika, omukama wa Ai obuyakiboine,bazinduka nyenkya nibaimuk, nabasaija obumu rubuga barugayo okuramagira Isareri, uwe nabantube bona omu kasumi akatairweho, omu maiso ga araba; baitu atamanye haroho abamweserekerire enyuma yorubuga. 15kandi Yosuha na Isareri bairukira omu muhanda ogwirungu. 16nabantu bona abakaba bali omu rubuga bakasorozebwa hamu okubakuratira: bakaratira Yosuha nibabihabihabwa okuruga ha rubuga. 17Kunu hatasigale omusaija omu Ai nobuhokuba omu beseri, atararugireyo okubinga Isareri: kandi basiga orubuga rukinguirweho, nibakuratira Isareri. 18Yosuha ati Go’ra empirima eri omu mukono gwawe hali Ai; baitu ndaruhayo omu, mukono gwawe. Yosuha yago’ra empirima ekabari omu mukonongwe hali orubuga. 19Abakaba beserekere baimuka bwango omu kiikaro kyabu, bairuka obuyagoroire omukonogwe, bataha omu rubuga barunyaga; barahuka nibokya orubuga nomu’ro. 20kandi abantu ba Ai obubarozire enyuma yabu barora kandi dora, omuika gworubuga gukatemba haiguru, kandi batatunge amani gokuirukira orubaju runu nobuhokuba ha rubaju ruli: nabantu abairukire abakuratire. 21kandi Yosuha na Isareri yona obubaboine abeserekere banyagire orubuga, nomuika gworubuga nugutemba, nubwo bagaruka nibaita abasaija ba Ai. 22Nabandi bakaturuka omu rubuga okubarwanisa; nukwo babire bati omu Baisareri hagati, abamu ha rubaju runu, nabandi ha rubaju ruli: kandi babatema, kunu batadige muntu okuikaraho nobukwakuba okuiruka. 23Nomukama wa Ai bamuleta hali Yosuha. 24Kandi kyahi, Abaisareri obubamaesire okuita abantu bona aba Ai aheru yorubuga, omu irungu nambere babakuratire okutemwa obwogi bwa busitama, bona okuhwe’rayo kimu, nubwo Abaisareri bona bagarukayo hali Ai barutema nobwogi bwa busitama. 25Kandi bona abafire ha kiro eki, nabasaija nabakazi, bakaba bali kakumi mwenkumi ibiri, nibo Bantu bona aba Ai. 26Baitu Yosuha ataga’reyo omukonogwe oguyagoroize empirima okuhikya obuyamazire okuhwerekereza bona abakaba bali omu Ai. 27Rundi ente neminyago eyorubuga oru Abaisareri baketwa’ra bonka okuba empera, nkekigambo kya MUKAMA ekiyaragire Yosuha. 28Nikwo Yosuha yayokya Ai, yagifora omutumo ogwebiro byona, kandi ebitongo na hati hona. 29Nomukama wa Ai akamuhanika hamuti okuhikya akairirizi: kandi izoba obulyagwire Yosuha yaragira, baiha omutumbigwe ha muti bagunaga hamulyango ogwirembo eryorubuga, bagutamaho omutumo omukoto ogwamabale, okuhikya hati.

30Nobwo Yosuha yayombeka ekyoto hali MUKAMA Ruhanga wa Isareri, omu rusozi Ebali, 31nka Musa omuiru wa MUKAMA okuyaragire abana ba Isareri, nkokukyahandikirwe omu kitabu ekyebiragiro bya Musa, ekyoto ekyamabale agatabaizirwe, omuntu agatakatahoga ekyoma kyona: kandi bahongiraho ebihongwa ebyokeze hali MUKAMA, nibahayo nebihogwa ebyobusinge. 32Kandi akahandika oku ha mabale ebiragiro bya Musa, ebiyahandikire, omu maiso gabana ba Isareri. 33Nabaisareri bona,nabakuru babu,nabakungu nabacwi bemisango babu, bakeme’ra ha rubaju runu orwesanduko naha rubaju ruli omu maiso ga banyakatagara Abalevi, abahimbire esanduko eyekiragano kya MUKAMA, nomunyaihanga nenzarwa; ekieweka kyabu omu maiso gorusozi gerizimu, nekicweka kyabu omu maiso gorusozi Ebali; nka Musa omuiru wa mukama okuyaragire, nukwo okubanza byona basabire abantu omugisa. 34kandi hanyuma yasoma ebigabo byona ebyomu biragiro, omugisa nokukyenwa, nka byona okubiri ebyahandikirwe omu kitabu kyebiragiro. 35Busaho kigambo nekimu ekya byona musa ebiyaragire Yosuha ekyatarasomere omu maiso gokuso’rokana kwabaisareri, nabakazi nabana abato, nabanyaihanga abaikaire omubo.