Swahili Bible2

7

1Baitu abana ba Isareri bakasisa omwebi ebyasoroirwe: baitu Akani, mutabani wa Karami, mutabani ea Zabudi, Mutabani wa Zera, owomu ruganda rwa Yuda, akatwara hali ebi ebyasoroirwe: ekiniga kya MUKAMA kyayakira abana ba Isareri. 2Kandi Yosuha akatuma abasaija okuruga Yeriko okugenda Ai, ehe’raine besi-aveni, ha rubaju rwa beseri orwoburugaizoba, yabagambira ati Mutembe mutate ensi. Abasaija batemba batata Ai. 3bagaruka hali Yosuha, bamugambira ngu Abantu baleke okugendayo bona; rundi nkenkumi ibiri, rundi isatu batembeyo bateme Ai; otagadya abantu bona okugendayo; baitu bo bali bake. 4Nukwo hatembayo abantu abasaija nkenkumi isatu: bairuka omu maiso gabantu ba Ai. 5Nabantu ba Ai bakabatemaho nkamakumi asatu mu mukaga:bababinga ha irembo Okuhikya Sebalimu, babatema ha nkonkomoko: emitima yabantu yahwe’ra yafoka nkamaizi. 6Yosuha yatemura ebyokujwarabye, yagwa hansi ajumaire omu maiso gesanduko ya MUKAMA okuhikya akairirizi, uwe nabakuru ba Isareri; bata ecucu hamitwe yabu. 7Yosuha yagamba ati Ai bambi Mukama RUHANGA, kiki ekyakuleseze abantu banu okwambuka Yorudani, Okutuhayo omu mukono gwabamoli, okutuhwerekereza kuba twaikirize okuikara nseri ya Yorudani! 8Ai Mukama, ndagamba nta Abaisareri obubamazire okutera amabega abanyanzigwa babu! 9Baitu aba Kanani na bona abomu nsi balikihu’ra, balitwehinguliriza nibaiha ibara lyaitu hansi: naiwe olikoraki habwibara lyawe erikuru 10MUKAMA yagambira Yosuha ati Imuka; kiki ojumaire oti hansi? 11Abaisareri basisire; ego, bacwire nekiragano kyange ekinabaragire: ego, batwaire haliebi ebyasoroirwe; kandi baibire, nibagobya, kandi bakiserekere omu bintu byabu bonka. 12Nikyo abana ba Isareri balemire okwemw’raho omu maiso gabanyanzugwa babu, nibatera amabega abanyanzigwa babu, baitu bafokere abakyenerwe: tindiikara nainywe nakake, obumutalihwerekereza omulinywe eki ekyasoroirwemu. 13Imuka, yeza abantu nogamba oti Mweyereze inywenka ekiro kya ijo: baitu nukwo agambire MUKAMA Ruhanga wa Isareri ati harumu ekintu ekyasoroirwe omuliwe, ai Isareri: torukusobora okweme’ra omu maikya obumuliihamu ekyasoroirwe omulinywe. 14Nukwo nyenkya murairizibwa omu nganda zanyu: kandi kirihika, oruganda MUKAMA orwarakomamu ruraindi ekintu ekyarakomamu barai’ra haihi omu omu. 15kandi Kirahika, ogu arakomwamu anyina ekyasoroirwe arayokebwa nomu’ro uwe na bona abanyinabo: baitu acwire ekiragano ekya MUKAMA, kandi habwokukora obutami omu Isareri.

16Nukwo Yosuha yaimuka nyenkya kara, yairiza haihi Abaisareri omu nganda zabu; oruganda rwa Yuda rwakomwamu: 17yairiza haihi ekitabu kya Yuda; yakomamu ekitabu Kyabazerahi: yairiza haihi ekitabu Kyabazerahi omu omu; kandi Zabudi yakomwamu: 18yairiza haihi abenjuye omu; kandi Akani,Mutabani wa Karami, Mutabani wa Zabudi, mutabani wa Zera, owomu ruganda rwa Yuda, Yakomwamu. 19Yosuha yagambira Akani ati Mwana wange, nkwesengerize, onyumize MUKAMA Ruhanga wa Isareri, omwatu’re omusango; ontebeze hati bunu ekyokozire; 20otakinsereka. Akani yagaruka mu Yosuha, nagamba ati Mananukwo nkasisira MUKAMA Ruhanga wa isareri, Kandi nukwo 21nakozire nti: Obonaboine omuminyaago orugoye orwa Baburoni orurungi muno, nefeza etaranta bikumi bibiri, nempanu yezabu, obulemezi bwayo sekeri amakumi atano, nubwo nabyegomba, nabitwara; kandi dora, biserekerwe omu itaka omunda yehema yange,nefeza hansi yabyo. 22Nukwo yosuha yatuma abakwenda, bairukira halie ehema; kandi dora, kikaba kiserekerwe omu hemaye, nefeza hansi yakyo. 23Babiiha omunda yehema, babireta hali Yosuha, nabana ba Isareri bona; babita hansi omu maiso ga MUKAMA. 24Kandi Yosuha, Nabaisareri bona hamu nauwe, bakwata Akani mutabani wa Zera, nefeza, norugoye,nempanu eyezabu, nabatabanibe, nabaharabe, nenteze, nenkainaze, nentamaze, nehemaye, na byona ebyakabanyinabyo: babireta hali ekihangakya Akora. 25Yosuha yagamba ati Kiki ekyakutuntuize itwe? Hati MUKAMA aratuntuza iwe. Abaisareri bona bamutera amabale; babokya nomu’ro nibatera amabale. 26Kandi bamutumaho omutumo omukoto ogwamabale, okuhikya hati; MUKAMA yaleka ekinigakye ekingi. Nicyo ekiikaro eki kyarukirwe ibara lyakyo Ekihanga kya * Akora, nahati hona.