Swahili Bible2

6

1(KANDI yeriko ekaba ekingirwe kimu habwabana ba Isareri: busaho ayaturukire, kunu Busaho ayatahire) 2MUKAMA yagambira Yosuha ati Dora, mpaireyo omu mukono gwawe Yeriko, nomukama wayo nemanzi ezamani. 3kandi mulyehinguliriza orubuga omurundi gumu. Nukwa mulikora muti ebiro mukaga. 4na banyakatagara musanju ezamahembe agempaya nibehembera esanduko: ha kiro ekyomusanju mulyehinguliriza orubuga emirundi musanju, na banyakatagara balitera engwara. 5Kandi Kirihika, cbubalitera muno ihembe eryempaya, nainywe obumulihu’ra iraka eryengwara, abantu bona balitera obwogo bwingi; kandi muhuruzi yorubuga erigwa hansi nambereri, nabantu balitemba omuomu omu maisoge. 6Kandi Yosuha mutabani wa Nuni yayeta banyakatagara, yabagambira ati Muhimbe esanduka eyekiragano, nabayakatagara musanju ezamahembe gempaya nibebembera esanduko ya MUKAMA. 7bagambira abantu ngu Muhinguleho, mwehingulirize orubuga, nabasaija abanyina ebyokurwanisabahinguleho nibebembera esanduko ya MUKAMA. 8Kandi kyahika, Yosuha obuyamazire okugambira abantu, banyakatagara musanju abakwasire angwara musanju ezamabembe gempaya omu maiso ga MUKAMA bahinguraho, nibatera engwara: nesanduko eyekiragiro kya MUKAMA yabakuratira 9Nabasaija abanyina ebyokurwanisa bayebembera banyakatagara abatire engwara, nabenyuma bakuratira esanduko, banyakatagara nibateraengwara nibagenda. 10kandi Yosuha akaragira abantu ati Mutalitoka nobukwakuba oku huliza iraka lyayu, kunu ekigambo kyona kitaliruga omu kanwa kanyu, okuhikya ekiro obundibaragira okutoka; nubwo mulitoka. 11Nukwo yayehingulirizisa oru esanduko ya MUKAMA, baija omu rukande, barara omu rukande.

12Kandi Yosuha yaimuka nyenkya kara, banyakatagara bahimba esanduko ya MUKAMA. 13Na banyakatagara musanju abakwasire engwara musanju ezamahembe gempaya omu maiso gesanduko ya MUKAMA, bagwnda batarukulinda, nibatera engwara: nabasaija abanyina ebyokurwanisa bakabebembera; nabenyuma bakakuratira esanduko ya MUKAMA banyakatagara nibatera engwara obubagenzire. 14Nekiro ekyakabiri bayehinguliriza orubuga omurundi gumu, bagarukayo omu rukande: nukwo bakozire bati ebiro mukaga. 15Kandi kyahika ha kiro kya musanju, bakazinduka okuimuka emamba esazire, bayehinguliriza orubuga bati emirundi musanju, bayehinguliriza orubuga bati emirundi musanju: ha kiro eki kyonka bakehinguliriza orubuga emirundi musanju. 16Kangi kyahika ha murundi ogwa musanju banyakatagara obubatire engwara, Yosuha yagambira abantu ati amutike: baitu MUKAMA abahaire orubuga; 17Kandi orubuga rulisororwa hali MUKAMA, oru na byona ebirumu: Rahabu wenka malini aliba mwomezi, uwe na bona abali hamu nauwe omu nju, baitu akasereka abakwenda abatwatumire. 18Nainywe mwerindire kimu hali eki ekyasororwa rundi obumurakamara okukisorora, muleke okukwata hali eki ekyasororoirwe; baitu nukwo muliretera orukande rwa Isareri okukyenwa nimurutuntuza. 19baitu efeza zona nezabu, nebyoma, nibyo birukwera hali MUKAMA; biriija omu lyahu’ro lya MUKAMA. 20Nukwo abantu batoka, na banyakatagara batera engwara: kandi kyahika, abantu obubahulire iraka eryengwara, abantu batoka nobwogo Bwingi, na muhuruzi yagwa hansi namberekaberi, abantu batemba orubuga, omuomu omu kiikarokye wenka, banyaga orubuga. 21Kandi bakaba biri omu rubuga, nabasaija nabakazi, nabato nabakuru, nente, nembuzi,nenkaina, nobwogi bwa busitama. 22Kandi Yosuha yagambira abasaija babiri abatasire ensi ati Mutahe omu nju ya malini ogu, muiheyo omukazi nabona abanyinabo, nkokumwamurahirire. 23Na basigazi ano entasi batahamu, baihayo Rahabu, na ise, na nyina, nabagenzibe, nabona abakaba anyinabo, na bene babu bona bakabaihayo; babata aheru yorukande rwa Isareri. 24kandi bayokya orubuga nomu’ro, na byona ebikaba birumu: Kyonka efeza nezabu, Nebintu ebyemiringa eyomuhe’re nebyekyoma,babita omu lyahu’ro eryenju ya MUKAMA. 25Baitu Rahabu malini, nebenju yaise, na bona abakaba anyinabo, Yosuha akabajuna okufa; yarara hagati omu Isareri na hati hona; baitu akasereka abakwenda Yosuha abayatumire okutata yeriko. 26kandi Yosuha akabatere’ra nekirahiro ati Alikyenwa omu maiso ga MUKAMA, anyakuimuka okwombeka orubuga runu Yeriko: okusimba emiganda omwanawe macura alifa. 27Nukwo MUKAMA yaikaraga ati na Yosuha; nokuranganwakwe kukaba kuli omu nsi yona.