Swahili Bible2

21

1NUBWO emitwe eyenju zabaisebo Abaleyi bai’ra haihi Eryeza nyakatagara, na Yosuha mutabani wa Nuni, nemitwe eyenju zabaisebo abenganda zabana ba Isarer; 2babagambira omu Siro omu nsi ya kanani ngu MUKAMA akaragira ha bwamukono gwa Musa okutuha embuga ezokuraramu, hamu namalisizo gazo habwente zaitu. 3Abana ba Isareri ba bagabira Abalevi ha bugwetwa bwabu bonka,nkekiragiro kya MUKAMA okukikaba kiri, embuga zinu namalisizo gazo. 4Kandi okutoma kukaizira ebitabu Byabakohasi: nabana ba Aroni nyakatagara, abakaba bali bomu Baleyi, batunga ha bwokutoma, omu ruganda rwa Yuda, nomu ruganda rwa Abasimeoni, embuga ikumi naisatu. 5Nabana ba Kohasi bakatunga habwokutoma omu bitabu ebyoruganda rwa Eferaimu, nomu ruganda rwa Dani, nomu kieweka ekyoruganda rwa Manase, embuga ikumi. 6Nabana ba Geresoni bakahabwa habwokutoma omu bitabu ebyoruganda rwa Isakara, nomu ruganda rwa Asere, nomuruganda rwa Nafutali, nomu kieweka ekyoruganda rwa Manase omu Basani, embuga ikumi na isatu. 7Abana ba Merali nkebitabu byabu okubiri bakatunga omuruganda rwa Reubeni, nomu ruganda rwa Gadi, nomu ruganda rwa Zeburuni, embuga ikumi na ibiri. 8Kandi abana ba Isareri bagabira Abaleyi habwokutoma embuga ezi hamu namalisizo gazo, nka MUKAMA okuyaragire omu mukono gwa Musa. 9Kandi bagaba nibaiha omu ruganda rwabana ba Yuda, nomu ruganda rwabana ba Simeoni, embuga zinu ezigambirwe hanu amabara gazo: 10Kandi zikaba ziri zabana ba Aroni, omu bitabu bya Abakohasi, abkaba bali bana ba Levi: baitu nibo batungire okutoma okokubanza. 11Kandi babaha Kiryasi-aba, Aba ogu akabali ise Anaki (niyo Heburoni) omu nsi yensozi eya Yuda, hamu namalisizo gazo agayehingulirize. 12Baitu emisiri eyaha rubuga nebika byarwo bakabiha Kalebu mutabani wa Yefune abirye. 13Nabana ba Aroni nyakatagara bakabaha Heburoni namalisizo gayo, orubuga orwokuirukiramu habwomuisi womuntu, na Libuna hamu namalisizo gayo; 14na Yatiri hamu namalisizo gayo, na Esitemoa hamu namalisizo gayo; 15na Horoni hamu namalisizo gayo, na Debiri hamunamalisizo gayo; 16na AINI hamu namalisizo gayo, na Yuta hamu namalisizo gayo, na Besi-semesi hamu namalisizo gayo; embuga mwenda ezi ibiri. 17Nomu ruganda rwa Benyamini, Gibeoni hamu namalisizo gayo, Geba hamu namalisizo gayo; 18Anatosi hamu namalisizo gayo, na Alimoni hamu namalisizo gayo; 19embuga ina. Embuga zona ezabana ba Aroni, banyakatagara, zikaba ziri embuga ikumi na isatu hamu namalisizo gazo. 20Kandi ebitabu ebyabana ba Kohasi, Abalevi, nibo bana ba Kohasi abasigaireho, bakahabwa embuga habwokutoma kwabu omu ruganda rwa Efuraimu. 21Kandi babaha Sekemu hamu namalisizo gayo omu nsi eyensozi eya Efuraimu, orubuga orwokuirukiramu habwomuisi womuntu, na Gezere hamu namalisizo gayo; 22na Kibuzaimu hamu namalisizo gayo, na Besi-horoni hamu namalisizo gayo; embuga ina. 23Nomu ruganda rwa Dani, Eriteke hamu namalisizo gayo; Geibesoni hamu namalisizo gayo, 24Aiyaroni hamu namalisizo gayo, Gasi-rimoni hamu namalisizo gayo; embuga ina. 25Nomu kieweka ekyoruganda rwa Manase, Taanaki hamu namalisizo gayo, na Gadi-rimoni hamu namalisizo gayo; embuga ibiri. 26Embuga zona ezebitabu byabana ba Kohasi zikaba ziri ikumi hamu namalisizo gayo. 27Nabana ba Geresoni, abomu bitabu Byabalevi, omu kieweka ekyoruganda rwa Manase bakabaha Golani omu Basani hamu namalisizo gayo, orubuga orwokuirukiraamu habwomuisi womuntu; na Be-esitera hamu namalisizo gayo; embuga ibiri. 28Nomuruganda rwa Isakara, Kisioni hamu namalisizo gayo, Daberasi hamu namalisizo gayo; 29Yaramusi hamu namalisizo gayo, Eni-ganimu hamu namalisizo gayo; embuga ina. 30Nomu ruganda rwa Asere, Misali hamu namalisizo gayo; 31Herikasi hamu namalisizo gayo na Rehobu hamu namalisizo gayo; embuga ina. 32Nomu ruganda rwa nafutali, Kedesi omu Galiraya hamu namalisizo gayo,orubuga orwokuirukiramu habwomuisi womuntu na Hamosi-doru hamu namalisizo gayo na Karatani hamu namalisizo gayo; embuga isatu. 33Embuga zona Ezabageresoni nkebitabu byabu okubiri zikaba ziri embuga ikumi naisatu hamu namalisizo gazo. 34Na halui ebitabu Byabana ba Merali, Abalevi abasigaireho, omu ruganda rwa Zeburoni, Yokineamu hamu namalisizo gayo, na Karata hamu namalisizo gayo, 35Dimuna hamu namalisizo gayo, Naharali hamu namalisizo; embuga ina. 36Nomu ruganda rwa Reubeni, Bezere hamu namalisizo gayo, na Yahazi hamu namalisizo gayo, 37Kedemosi hamu namalisizo gayo, na Mefaasi hamu namalisizo gayo;embuga ina. 38Nomu ruganda rwa Gadi, Ramosi omu Gireadi hamu namalisizo gayo, orubuga orwokuirukiramu habwomuisi womuntu, na Mahanaimu hamu namalisizo gayo; 39Hesiboni hamu namalisizo gayo, Yazere hamu namalisizo gayo; embuga zona ina. 40Ezi zona nizo embuga ezabana ba Merali nkebitabu byabu okubikaba biri, nibyo bitabu Byabalevi ebyasigaireho: kandi omugabo gwabu ogwokutoma gukaba guli embuga ikumi naibiri. 41Neimbuga zona Ezabalevi hagati omu butaka obwabana ba Isareri zikaba ziri embuga amakumi ana mu munana hamu namalisizo gazo. 42Embuga ezi zona zikaba zinyina amalisizo gazo gazihe’raine: nukwo zikaba ziri ziti embuga zona. 43Nukwo MUKAMA yahaire Isareri ati ensi yona eyiyarahire okuha baisenkurubo; bagirya bagitahamu. 44MUKAMA yabaha okuhumura embaju zona, nka byona ebiyarahirire baisenkurubo okubikaba biri: tihayeme’raho omuntu nomu omu banyanzigwa babu bona omu maiso gabu; MUKAMA akahayo abanyanzigwa babu bona omu mikono gwabu. 45Busaho kigambo nekimu ekitarahikire habwebirungi byona MUKAMA ebiyagambire enju ya Isareri; byona bikahika.