Swahili Bible2

20

1KANDI MUKAMA akagambira Yosuha ati 2Gambira abana ba Isareri oti Mwetereho embuga ezokuirukiramu, ezinabagambireho omu mukonogwa Musa: 3omuisi anyakuita omuntu atagenderire kandi atamanyire airukireyo: kandi zirabaga na mberemuli ezokuirukiramu okuiruka omuhozi wenzigu eyesagama. 4Kandi arairukiraga omu rubuga rumu omu mbuga ezi, arayeme’raga omu irembo eryorubuga habatahira, nasobo’ra ebigambobye omu matu gabakuru borubuga oru: kandi baramutahyaga omu rubuga namberebali, bamuhe omwanya atahege omulibo. 5Rundi omuhozi wenzigu eyesagama obwaliba namukuratira, batalihayo omuisi omu mukonogwe; baitu akatera mutahiwe atagenderire, atabanze okumunoba. 6Kandi aratahaga omu rubuga oru okuhikya obwalyeme’ra omu maiso gekitebe okucwerwa omusago, okuhikya okufa kwa nyakatagara omukuru wabu anyakubaho omu biro ebi: nubwo omuisi aligaruka, naija omu rubuga rwowabu, nomu njuye wenka, hali orubuga oruyairukiremi, 7Kandi bakataho kedesi omu Giliraya omu nsi eyensozi eya nafutali na Sekemu omu nsi eyensozi eya Eferaimu na Kiryasi- araba (niyo Heburoni) 8omu nsi yensozi eya Yuda. Kandi nseri ya Yorodani Yeriko oburugaizoba, bataho Bezere omu irungu omu kyeya omu ruganda rwa Reubeni, na Ramosi omu Gireadi omu ruganda rwa Gadi, na Golani omu Basani omu ruganda rwa Manase. 9Zinu nizo embuga ezatairweho habwabana ba Isareri nomunyaihanga ataha omulibo, wena anyakuita omuntu atagenderire airukireyoga, ataha habwomukono gwomuhozi wenzigu eyesagama, okuhikya obwalyeme’ra omu maiso gekitebe.