Swahili Bible2

17

1KANDI kunu nukwo kutoma okwomugabo okworuganda rwa Manase; baitu akabali omwana omuzigaijo owa Yusufu. Ebya Makiri omwana omuzigaijo wa Manase, ise Gireadi, akabali omusaija omurwani, nikyo yaherirwe Gireadi na Basani. 2Kandi okutoma okwomugabo okwabana ba Manase abasigaireho nkebitabu byabu okubiri; habwabana ba Abyezere, na habwabana ba Hereki, na habwabana ba Asiryeri, na habwabana basekema, na habwabana ba Semida: banu bakaba bali bana basaija ba Manase mutabahi wa Yusufu, nkebitabu byabu okubiri. 3Baitu Zerofehadi, mutabani wa Gireadi, mutabani wa Makiri, mutabani wa manase,akabatanyina batabani, rundi abahara bonka: kandi ganunigo mabara gabaharabe, Mahara, na Noha, Hogura,Mirika, na Tiruza. 4Kandi bakai’ra haihi omu maiso ga Eryeza nyakatagara, nomu maiso ga Yosuha mutabani wa Nuni, nomumaiso gabakuru, nibagamba ngu MUKAMA akaragira Musa okutuha obugwetwa omu bene baitu: nukwo nkekiragiro kya MUKAMA okukiri, yabaha obugwetwa hamu na baisento. 5Ebicweka ikumi bikagabirwa Manase, okutabaraho ensi ya Gireadi na basani, nseri ya Yorudani. 6baitu abahara ba manase bakatunga obugwetwa hamu na batabanibe: nensi ya Gireadi ekaberi ya batabani ba Manase abasigaireho. 7Nomutano gwa Manase gukaruga Asere, gwahika Mikimesasi, erolerire Sekemu; omutano gwahinguraho gwaraba ha mukono gwobulyo okuhikya abantu abomu Eni-tapuha. 8Ensi eya Tapuha ekaberi ya Manase: baitu tapuha eyaha mutano gwa manase ekaberi yabana ba Eferaimu. 9kandi omutano gukasirirmuka okuhikya akambu Kana, ha rubaju rwakambu orwobukizi bwobulyo: embuga ezi zekaba ziri za Eferaimu hagati omu mbuga za Manase: kandi omutano gwa Manase gukaba guli ha rubaju rwakambu orwobukizi bwemoso, kandi gwagarukira ha nyanja: 10Ha bukizi bwobulyo ensi ekaberi ye Eferaimu, kandi ha bukizi bwemoso ensi ekaberi ya Manase, nenyanja ekaberi omutanogwe; kandi bakahika Asere ha bukizi bwemoso, na Isakara oburugaizoba. 11kandi manase akabanyina omu Isakara nomu Asere besi-seani nembuga zayo, na Ibuleamu nembuga zayo, nabantu abomu Dora nembuga zayo, nabantu abomu Eni-doru nembuga zayo, nabantu bomu megido nembuga zayo nizo ensozi isatu. 12Baitu abana ba Manase batasobole okubingamu abantu abomu mbuga ezi; baitu Abakanani bakaguma okuikara omu nsi egi. 13Kandi kyahika, abana ba Isareri obubafokere bamani, bakoza Abakanani omulimo gwobuiru, kunu batababingiremu kimu.

14Kandi abana ba Yusufu bakagambira Yosuha bati Kiki Ekikimpaisize okutoma okwomumugabo kumu kwona, nomugabo gumu gwonka okuba obugwetwa, baitu ndi ihanga erikoto, baitui nokuhikya hati MUKAMA ampaire omugisa? 15Yosuha yabagambira ati Obworaba oli ihanga erikoto, temba omu kibira oyetemereryo ebibanja omu nsi eya Abaperizi neya Abarefa;obworaba nofunda omu nsi eyensozi eye Efuraimu. 16Abana ba Yusufu bagamba ngu Ensi eyensozi terukutumara: baitu Abakanani abataha omu nsi eyekihanga banyina egali ezebyoma, abo abali omu Besi-seani nembuga zayo, nabo abali omu kihanga kya yezereri. 17Kandi Yosuha yagambira enju ya Yusufu, nibo Abeferaimu na Manase ati Iwe oli ihanga erikoto, kandi onyina amani maingi: toliba nomugabo gumu gwonka: 18baitu ensi eyensozi eriba yawe; baitu nobukiba kibira olikitema, nempero yakyo eriba yawe: baitu ensi eyensozi eriba yawe; baitu olibingamu Abakanani, nobubanyina egali ezebyoma, nobubali bamani.