Swahili Bible2

13

1LERO Yosuha akaba agurusire ahinguraine emyaka mingi; MUKAMA yamugambira ati Iwe okuzire, kandi ohinguraine emyaka mingi, kandi hakyasigaireho ensi nyingi muno okugirya. 2Enu niyo nsi esigaireho okulibwa: ensi zona Ezabafirisiti, Nabagesurabona; 3okuruga Sihora, erolerire Misiri, nokuhikya omutano gwa Ekeroni ha bukizi bwemoso, eba’rwa Abakanani: abakama abatano Ababafirisiti; Abagazi, Nabasidodi, Nabasikeroni, Abagiti, Nabakeroni; Kandi Nabayi, 4ha bukizi bwobulyo: ensi yona Eyabakanani, na Meara eya Abasidoni, okuhikya Afeki, nomutano gwa Abamoli: 5nensi Yabagebaliti, na Lebanoni yona, ha rubaju orwoburugaizoba, okuruga Baali-gadi hansi yorusozi Heremoni okuhika ha Hamasi nambere hatahikwa: 6bona abali omu nsi eyensozi okuruga Lebanoni okuhikya Mizirefosi-maimu, nibo Bazidoni bona; nibo ndibingamu omu maiso gabana ba Isareri: kimu kyonka ogigabire Isareri okuba obugwetwa, nkokunkuragire. 7Nukwo hati bunu ogabe ensi enu hali enganda mwenda nekicweka ekyoruganda rwa Manase okuba obugwetwa. 8Hamu nauwe Abareubeni Nabagadi bakahabwa obugwetwa bwabu, Musa obuyabahaire, nseri ya Yorudani oburugaizoba nka Musa omuiru wa MUKAMA okuyabahaire; 9okuruga Aroere, eri ha rubaju orwekihanga ekya Aranoni, norubuga oruli omu kihanga hagati nekyeya kyona ekya Medeba okuhikya Diboni; 10nembuga zona eza Sihoni omukama Wabamoli, ayalemeraga Hesiboni, okuhikya omutano gwabana ba Amoni; 11na Gireadi, nomutano Gwabagesura Nabamaakasi norusozi rwona Heremoni, na Basani yona okuhikya Saleka; 12nobukama bwona obwa Ogi omu Basani, ayalemeraga omu Asitarosi nomu Edereyi (nuwogu ayasigaireho omu Barefa abasigaireho); baitu abo Musa nuwe yabatemere yababingamu. 13Baitu abana ba Isareri batabingemu Abagesura nobubakuba Abamaakasi: baitu Abagesura Nabamaakasi batahaga omu Baisareri na hati hona. 14Oruganda rwa levi rwonka ataruhe obugwetwa; ebihongwa ebikorwa nomu’ro hali MUKAMA, Ruhanga wa Isareri nubwo bugwetwabwe, nkokuyamugambire.

15Kandi Musa akagabira oruganda orwabana ba Reubeni nkebitabu byabu okubikababiri. 16Kandi omutano gwabu gukaruga hali Aroere, eri ha rubaju orwekihanga kya Aranoni, norubuga oruli omu kihanga hagati, nekyeya kyona ekihe’raine Medeba; 17Hesiboni nembuga zayo zona eziri omu kyeya; Diboni, na Bamosi- Baali, 18na Besi-baali-meoni; na Yahazi na Kedemosi, na Mefaasi; na Kiryasaimu, 19na Sibuma, na Zeresi-sahara omu rusozi orwekihanga; 20na Besipeora, na ntembotembo za Pisiga, 21na Besi-yesimosi; nembuga zona ezekyeya nobukama bwona obwa Sihoni omukama Wabamoli, ayalemeraga Hesiboni, Musa ouyatemere hamu nabakuru ba Midiani, Evi, na Rekemu, na Zura, na Hura, na Reba, abakuru ba Sihoni abatahaga omu nsi. 22Na Baramu mutabani wa Beora omuraguzi, abana ba Isareri bakamuisa busitama hamu nabandi abaisirwe. 23Nomutano gwabana ba Reubeni gukaba guli Yorudani nomutano gwakyo. Bunu nubwo bugwetwa bwabana ba reubeni nkebitabu byabu okubikaba biri, embuga nibika byazo.

24Kandi Musa akagabira oruganda rwa gadi, abana ba Gadi nkebitabu byabu okubikaba biri. 25Nomutano gwabu gukaba guli Yazere, nembuga zona eza Gireadi, nekicweka ekyensi eyebana ba Amoni, okuhikya Aroere erolerire Raba; nokuruga 26Hesiboni okuhikya Ramasi-mizipe, na betonimu; nokuruga Mahanaimu okuhikya omutano gwa Debiri; 27nomu kihanga, Besi- haramu, na Besi-numura, na Sukosi, na Zafoni, ekieweka ekyasigaireho ekyobukama bwa Sihoni omukama wa Hesiboni, Yorudani nomutano gwakyo, okuhikya enyanja ya Kineresi nambere egarukira nseri ya Yorudani oburugaizoba. 28Bunu nubwo bugwetwa bwabana ba Gadi nkebitabu byabu okubikaba biri, embuga nebika byazo.

29Kandi Musa akagabira ekieweka ekyoruganda rwa Manase; nomugabo gukaba guli gwekicweka ekyoruganda rwabana ba Manase nkebitabu byabu okubikaba biri. 30Kandi omutano gwabu gukaruga Mahanaimu, Basani yona, obukama bwona bwa Ogi omukama wa basani nembuga zona eza Yairi, Eziri omu Basani, embuga enkaga: 31Nekicweka kya Gireadi, na Asitarosi, na Edereyi, embuga ezomu bukama bwa Ogi omu Basani zikaba ziri zabana ba Bakiri mutabani wa Manase, nikyo kieweka kyabana ba Makiri nkebitabu byabu okubiri.

32Obu nubwo bugwetwa Musa obuyagabire omu byeya bya Moabu, nseri ya Yorudani 33Yeriko, oburugaizoba. Baitu abomu ruganda rwa Levi Musa atabahe bugwetwa: MUKAMA Ruhanga wa Isareri nubwo bugwetwa bwabu, nkokuyabagambire.