Swahili Bible2

11

1Kandi kyahika Yabini omukama wa Hazora obuyakihulire, yatumira Yobabu omukama wa Madoni, nomukama wa Simironi, nomukama wa 2Akisafu, nabakama abkaba bali aha rubaju orwobukizi obwemoso, omu nsi yensozi, nomu Araba ha rubaju rwa Kinerosi orwobukizi bwobulyo nomu kyeya, nomu nsozi za 3Dora obugwaizoba, Nabakananiha burugaizoba, nobugwaizoba, Nabamoli, Nabahiti, Nabaperizi, Nabayebusi omu nsi ye nsozi, Nabahivi nambere Haremoni rume’ra omu nsi ya Mizipa. 4Kandi barugayo, abonamahe gabu gona hamu nabo, abantu baingi nkomuseyi oguli ha musagwenyanja okuguli mwingi, nembarasi negali nyingi muno. 5Abakama abo bona baso’rokana hamu ha maizi ga Meromu, okurwanisa Isareri. 6MUKAMA yagambira Yosuha ati Otatina habwabu: baitu ijo nkakasumi kanu, ndibahayo bona baisirwe omu maiso ga Isareri: embarasi zabu olizitema ebitega, negali zabu olizokya nomu’ro. 7Nukwo Yosuha yaija, nabantu bona abokurwana hamu nauwe, babasesera batamanyire ha maizi ga 8Meromu nibabagwaho. MUKAMA yabahayo omu mukono gwa Isareri, babatema, bababinga okuhikya Zidoni enkoto na Mizirifosi-Maimu, nokuhika ekihanga kya Mizipe oburugaizoba; babatema, batasigeho nomu. 9Kandi Yosuha yakora nka MUKAMA okuyamuragire: akatema ebitega embarasi zabu nomu’ro. 10Omu biro ebi Yosuha akagaruka yanyaga Hazora, yatema omukama wayo na busitama, baitu omu biro bya kara obukama bwa Hazora bukaba buli omutwe gwobukama obu bwona. 11Kandi batema abantu bona abakaba barumu nobwogi bwa busitama, nibabahwerekerereza kimu: hatasigalemu nomu ayaikize orwoya:kandi yayokya Hazora nomu’ro. 12nembuga zona ezabakama abo, nabakama bazo bona Yosuha akabanyaga, yabatema nobwogi bwa busitama, yabahwerekerereza kimu; nka Musa omuiru wa MUKAMA okuyaragire. 13Baitu ebyembuga ezayombekirwe ha mitumo yazo,abaisareri batazokye, rundi Hazora rwonka; orubuga oru Yosuha akarwokya. 14Neminyago yona eyo mumbuga ezi, nente, abana ba Isareri baketwa’ra bonka okuba eminyago yabu; baitu abntu bona bakabatema nobwogi bwa busitama, okuhikya obubabahwerekerize, kunu batasigeho nomu ayaikize orwoya. 15Nka MUKAMA okuyaragire Musa omuiruwe, nukwo Musa yaragire ati Yosuha:kandi nukwo Yosuha yakozire ati; atasige kyona kitakozirwe ha byona MUKAMA ebiyaragire Musa.

16Nukwo Yosuha yanyagire ati ensi yona, ensi eyensozi, Nobukizi bwona Obwobulyo, nensi yona eya Goseni, nekyeya, neya Araba, nensi yensozi eya 17Isareri, nekyeya kyayo; okuruga orusozi Haraki, orrukutemba Seyiri, nokuhikya baali-gadi omu kihanga kya lebanoni haihi norusozzi Heremoni: yahamba nabakama bazo bona yabatema yabaita. 18Kandi Yosuha akaikaraho ebiro bingi narwanisa abakama abo bona. 19Busaho rubuga orwateraine nabana ba Isareri,rundi Abahivi abomu Gibeoni: bakanyaga zona omu bulemu. 20Baitu kikaruga hali MUKAMA okugumanganiza emitima yabu, bo okuramagira Isareri okurwana, nukwo abahwerekereze kimu, baleke okubona embabazi, baitu abahwerekereze,nka MUKAMA okuyaragire Musa.

21Kandi Yosuha akaija omu biro ebi, yamaraho Abanaki omu nsi eyensozi, omu Heburoni, omu Debiri, nomu Anabu, nomu nsi yona eyensizi eya Yuda nomu nsi eyensozi, omu Heburoni, omu Debiri, nomu Anabu, nomu nsi yona eyensozi eya Yuda, nomu nsi yona yensozi eya Isareri: Yosuha akabahwerekereza kimu nembuga zabu. 22Hatasigaleho nomu ha Banaki omu nsi yabana ba Isareri: rundi omu Gaza nomu Gasi, nomu Asidodi, hakasigaramu abamu. 23Nukwo Yosuha yanyagire ati ensi yona, nka byona MUKAMA ebiyagambire Musa okubikaba biri: Yosuha yagigaba okuba obugwetwa hali Isareri nkokubabaganizibwe omu nganda zabu. Kandi ensi ekahumura obulemu.