Swahili Bible2

10

1KANDI kyahika Adoni-zedeki omukama wa yerusalemu obuyahulire Yosuha okuyanyagire Ai nagihwerekerereza kimu; nkokuyakozire yeriko nomukama wayo nukwo yakozire ati Ai nomukama wayo; nabali omu Gibeoni okubaragaine obusinge na Isareri, nibaterana nabo; 2batina muno, baitu Gibeoni rukaba ruli orubuga orukoto Nkorumu hali embuga ezabakama, kandi habwokukira Ai nabasaija bona abarwo okuba emanzi. 3Nikyo Adoni-zedeki omukama wa Yerusalemu yatumira Hohamu omukama wa heburoni na Piramu omukama wa Yaramusi na Yafiya omukama wa Rakisi, na Debiri omukama wa 4Eguroni,nagamba ati Mutembe muije namberendi, munkonyere, tuteme Gibeoni:baitu eteraine emirembe na Yosuha nabana ba Isareri. 5Nukwo abakama wayerusalemu, omukama wa Heburoni, omukama Yaramusi, oukama wa Rakisi,omukama wa Eguroni bayesoroza hamu, batemba bo namahe gabu gona, batema enkande omu maiso ga Gibeoni nibagirwanisa. 6Abasaija ba Gileoni batumira Yosuha omu nkande za Girigali nibagamba ngu Otaga’rayo omukono gwawe okuleka abairu bawe; temba bwango namberetuli otujune otukonyere: baitu abakama bona Ababamoliabataha omu nsi eyensozi bayesoroize okuturwanisa. 7Yosuha yaruga Girigali, uwe nabantu bona abokurwana, nemanzi zona ezamani. 8MUKAMA yagambira Yosuha ati Otabatina: baitu mbahaireyo omu mikono yawe; baitu balibo tihalyeme’raho nomu omu maiso gawe. 9Nukwo Yosuha yabaijaho bwago: baitu akarugayo Girigali ekiro nagenda nakiisa obuire. 10KANDI MUKAMA yababuranganiza omu maiso ga Isareri, yabatema nabaita muno omu Gibeoni, yababinga omu mahanda ogurukutemba Besi-horoni, Yabatera okuhikya azeka,nokukikya makeda. 11kandi kyahika obubairukire omu maiso Gabaisareri obubakaba bali omu nkonkomoko ya Besi-horoni, MUKAMA yanaga orubale orukoto halibo okuruga haiguru okuhikya azeka, bafa: kandi abo abafire orubale bakakira obwingi abo abatemerwe abana ba Isareri nobwogi bwa busitama.

12Nubwo Yosuha yagambira MUKAMA ha kiro MUKAMA ekiyaherireyo Abamoli Omu maiso Gabana ba Isareri; nagamba omu maiso ga Isareri ati

Izoba,yeme’raho ha Gibeoni; Naiwe, okwezi omu kihanga kya aiyaroni. 13Izoba lyayeme’raho, nokwezi kwaikaraho, Okuhikya ihanga obulyamazire okuhora enzigu ha banyanzigwa babu. Eki kitahandikwe omu kitabu kya Yasara? Kandi izoba lyayeme’raho hagati omu iguru, litanguhe okugwayo okuhikya omusana gumu. 14Kunubusaho ekiro ekindi okuingana neki, rundi ekyahanyuma, MUKAMA obuyahulire iraka eryomuntu: baitu MUKAMA akarwani’ra Isareri.

15Kandi Yosuha yagaruka, Nabaisareri bona hamu nauwe omu nkande za Girigali.

16Nabakama abo abatano bairuka,bayesereka omu buingira bwa 17Makeda. Kyagambirwa Yosuha ngu abakama abatano bairuka, bazokere, baserekere omu buingira bwa makeda. 18Yosuha yagamba ati Mukumbye amabale amakoto hali omunwa gwobuingira, muteho abantu aho okubalinda: 19baitu inywe mutaikaraho; mukuratire abanyanzigwa banyu, muteme abenyuma omubo; mutabaikirizaokutaha omu mbuga zabu: baitu MUKAMA Ruhanga wanyu abahaireyo omu mukono gwanyu. 20Kandi kyahika, Yosuha nabana ba Isareri obubamazire okubaita baingi muno, okuhikya obubahwerekerire, nabo abasigaireho batahire omumbuga eziroho muhuruzi, 21nubwo abantu bona bagarukayo omu nkende hali Yosuha Makeda nobusinge: busaho ayimukize orulimirwe okujuma abana ba Isareri nomu. 22Nubwo Yosuha yagamba ati Igu’ru omunwa gwobuingira, muturukye abakama abo abatano omu buingira mubalete namberendi. 23bakora bati, baturukya abakama abo abatano omu buingira babaleta namberali, omukama wa Yerusalemu, nomukama wa heburoni, nomukama wa Yaramusi, nomukama wa Eguroni. 24Kandi kyahika obubaturukize abakama abo babaleta hali Yosuha,Yosuha yayeta abasaija bona aba Isareri, yagambira abakuru babasaija abarwani abaizire nauwe ati Mui’rehaihi, mute ebigere byanyu habikya byabakama banu. Bai’ra haihi, bata ebigere byabu ha bikya byabu. 25Yosuha yabagambira ati Mtatina, kunu mutafube’ra; mufoke bamani, mugume emitima: baitu nukwo MUKAMA alikora ati abanyanzigwa banyu bona abamulirwanisa. 26Kandi hanyuma Yosuha yabatema, yabaita, yabahanika ha miti etano: kandi bakaba bahanikirwe ha miti 27okuhikya akairirizi. Kandi kyahika izoba obulyagwire, Yosuha yaragira, babahanura hamiti, babanaga omu buingira nambere bayeserekere, bata amabale amakoto ha munwagwobuingira, nokuhikya hati.

28Kandi Yosuha akanyaga Makeda ha kiro kiri, yagitema nobwogi bwa busitama, nomukama wayo; akabahwerekerereza kimu nabantu bona abakababali omu, atasigeho nomu: Makeda nkokuyakozire omukama wa Yeriko.

29Kandi Yosuha akaruga Makeda, na isareri yona hamu nauwe, bagenda Libuna, barwanisa Libuna. 30Negi MUKAMA yagihayo, nomukama wayo, omumukono gwa Isareri; yagitema nobwogi bwa busitama, nabantu bona abakaba bali omu; atasigemu nomu; yakora omukama wayo nkokuyakozire omukama wa Yeriko.

31Kandi Yosuha akaruga Libuna, na Isareri yona hamu nauwe, bagenda Rakisi, bagitemaho enkande, bagirwanisa: 32MUKAMA yahayo Rakisi omu mukono gwa Isareri, baginyaga ha kiro kyakabiri, bagitema nobwogi busitama, nabantu bona abakaba bali omu, nka byona ebiyakozire Libuna.

33Nubwo Horamu omukama wa Gezere yatemba okukonyera Rakisi; Yosuha yamutema nabantube,atasigeho nomu.

34Yosuha yaruga Rakisi, na Isareri yona hamu nauwe, bagenda Eguroni; bagitemaho 35enkande, bagirwanisa; baginyaga ha kiro kiri, bagitema nobwogi bwa busitama, nabona abakaba bali omu akabahwerekerereza kimu ha kiro kiri, nka byona ebiyakozire Rakisi.

36Yosuha yarugayo Eguroni na Isareri yona hamu nauwe, yagenda Heburoni; bagirwanisa: 37baginyaga, bagitema nobwogi bwa busitama, nomukama wayo, nembuga zayo zona, nabantu bona abakaba bali omu; atabasigeho nomu, nkabyona ebiyakozire Eguroni; baitu akagihwerekerereza kimu, na Bantu bona abakaba barumu.

38Yosuha yagaruka, na Isareri yona hamu nauwe, bagenda 39Debiri; barwanisa: yaginyazayo zona; babatema nobwogi bwa busitama, bahwerekerereza kimu abantu bona abakaba bali omu; atasigeho nomu: nkokuyakozire Heburoni, nukwo yakozire Debiri, nomukama wayo; nkokuyakozire na Libuna nomukama wayo. 40Nukwo Yosuha yatemera ati ensi yona, nensi eyensozi, nobukizi bwobulyo, nebyeya, nenkonkomoko, nabakama bazo bona; atasigeho nomu: akahwerekerereza kimu bona abaikize orwoya, nka MUKAMA, Ruhanga wa Isareri okuyaragire. 41Kandi Yosuha yabatema okuruga Kadesi-baraneya okuhikya Gaza, nensi yona eya Goseni, nokuhikya Gibeoni. 42Nabakama abo bona hamu nensi yabu Yosuha akabanyaga omurundi gumu, baitu MUKAMA Ruhanga wa isareri, akarwanira Isareri. 43Kandi Yosuha yagaruka, Nabaisareri bona hamu nauwe, omu nkande za Girigali.