Swahili Bible2

9

1NUBWO Yobu yagarukamu nagamba ati

2Mazimakwo manyire nukwo kiri kiti:

Baitu omuntu nasobora ata okuhiki’ra omu maiso ga Ruhanga?

3Obwaganza okuhakana nauwe,

Tarukusobora okumugarukamu ekigambo kimu omu bigambo rukumi.

4Wamagezi omu mutima, kandi wobusobozi omu mani;

Noha aragumangaine okurwana nauwe, yabona omugisa?

5Aihu’ra ensozi kunu tizimanyire,

Obwazijumika omu kubihirwakwe.

6Atengesa ensi omu kiikarokye,

Nenyomyo zayo nizitengeta.

7Aragira izoba, lireka okurugayo;

Aboha enyunyuzi nemanyikirizo.

8Nuwe wenka abamba iguru,

Nalibata ebigonzi ebyenyanja.

9Akora Akasebu, Ebisuma, na Kakaga,

Nemyanya eyobukizi bwobulyo.

10Akora ebigambo ebikuru ebihinguraine okuzorwa;

Ego, ebigambo ebyamahano ebitali byomuhendo.

11Dora, andabaho, baitu timubano:

Kandi ahinguraho, baitu timwetegereza.

12Dora, akwata omuhigo, noha asobora okumutanga?

Noha alimugambira ati Nokora ki?

13Ruhanga taliihaho ekinigakye; Abakonyezi ba Rahabu nibabundara hansiye.

14Kirisura ki nyowe okutamugarukamu,

Nokukoma ebigambo byange okuhakana nauwe?

15Nobunkubaire mpikirire, tinkumugarukiremu;

Nakwesengerize omunyanzigwa wange.

16Kuba nakungire, nauwe akangarukamu;

Tinakuikirize nti ahulire iraka lyange.

17Baitu ancwacwana nekiyaga,

Akanyisa ebihuta byange hatali bulyo.

18Talinyikiriza okuikya orwoya,

baitu anyijuza ebirukusa’ra.

19Obutubaza ha mani Gowobusobozi, dora, nuho ali!

Obutubaza ha Byobulyo, noha alindaganiza akasumi?

20Nobunkubaire mpikirire, akanwa kange nyenka kalincwera omusango:

Nobuntaloho musango, alinyomereza obwereme.

21Mpikirire; tinyetaho omutima;

Ngayire obwomezi bwange.

22Nikyo kimu kyonka; nikyo ngambire nti

Ahwerekereza ahikirire nomubi.

23Omuhito obugulinyita bwango,

Alitera enaku ha bujune bwataloho musango.

24Ensi ehairweyo omu Mukono gwababi:

Asweka amaiso gabacwi bemisango bayo;

Obwaraba atali uwe, nuwoha?

25Ebiro byange byenziriga okukira matalisi:

Biiruka, tibirukubona omugisa.

26Bihinguire nkebyombo ebya bwango:

Nkisamba okulitera ha muhigo.

27Obundagamba nti Ndayebwa okuhyema kwange,

Ndayeyihaho obuso obwobujune, ndaguma omutima

28Buli ntinire obujune bwange bwona,

Manyire nti tolintekereza nkatanyina musango.

29Ndicwerwa omusango;

Mara kiki ekintalibaniza busa?

30Obundinaba nyenka namaizi agebirika, Ninsemereza kimu engaro zange;

31Baitui iwe olinyibika omu mukura,

Nebyokujwara byange nyenka birinuga.

32baitu ogu tali muntu, nka nyowe okundi, mugarukemu,

Tuije hamu okutongana omusango.

33Tiharoho muramuzi hagati yaitu,

Owokutaho omukonogwe hali itwe itwembi.

34Anyiheho omuigogwe,

Okutinisakwe kuleke okuntinisa:

35Nubwo nakugambire, ntarukumutina;

Baitu tindukusisana nti habwange nyenka.